# Salam uan bilan ngak ka uranaih, jeng lac tuk 9 thun peih danak dak "boh hatai ka uranaih", Kadung jien boh hatai Việt – Rayo papar binguk Việt Nam, Kapul Viễn thông Quân đội (Viettel) pambuak gauk bahrau peih Gala "Viết tiếp ước mơ". Hu mbaok song brei panuac di danak dak, Chủ tịch Quốc hội Nguyễn Thị Kim Ngân tong yaom glong makna di danak dak piah ba mai rai duik siam mekre song harei hadei hadah hadai ka dom uranaih kan kathaot ruak boh hatai bẩm sinh. Tapa 9 thun, Kadung jien boh hatai Việt hu buh brei 120 tỷ đồng blac  dareih ka 3.500 uranaih kan kathaot ruak boh hatai bẩm sinh.

                   # Anak bruk pandiak khang rah tabiak dom harei tapa, Cục y tế dự phòng (mintri y tế) kakei: piah pacang cakak ruak, bhap bini oh caik nhiệt độ điều hòa dalam duk biak biar; oh caik kadik bluh tapak rup piah pacang cakak ruak jalan hô hấp. Yaok urang brei mbang tasak, menyum tasak; khik kajap vệ sinh an toàn thực phẩm; menyum ginup ia saong patagok dinh dưỡng, mbang ralo baoh kayau patau piah hu ginup vitamin piah patagok pren pacang ruak di rup pabhap.

# Di xã Hồng Tiến, ban sit Hương Trà, Tỉnh Đoàn Thừa Thiên- Huế bahrau peih bruk tabiak mbaok chiến dịch dam dara halan hatain hè 2017 song mít tinh pachreih tui harei môi trường dunya hu angan “Dam dara Thừa Thiên- Huế jum pataom padang ngak palei pala bahrau song  đô thị văn minh”. Thun ni, Tỉnh Đoàn Thừa Thiên- Huế peih bruk ngak lac : yaok dam dara rik pren tame ngak sa bruk hu makna, hu kein lagaih ka bhap bini, jum pataom gauk dong ka dom palei bhum atah bayah di tỉnh patagok khang kajap. 

# Dom harei ini, bhap bini daok di dom huyện dalam tỉnh Đắk Lắk daok gaok kan kandah kayua tal bilan paik baoh ploi min oh pablei hu, yaom lac  yaom trun biar samu 1/10 duk saong niên vụ dahlau ye pablei hu jeng biak kan kandah. 

# Pachreih tui harei môi trường dunya di Việt Nam, harei 5/6, di ban Vũng Tàu, tỉnh Bà Rịa Vũng Tàu hu peih tabiak danak dak  pala sa  triệu phun hajao. Dalam danak dak ni, 110 ribau phun pala di  nhà truyền thống cách mạng Vũng Tàu song labik tapen krong Chà Và, xã Tân Hải, huyện Tân Thành, labik dok rah tabiak njom mbak trak song ô nhiễm kayua bruk ngak kaya ikan.

#  Néang Kunh Thia, bangsa Khmer urak ini daok ngak bruk di pasak ilamu huyện Tri Tôn, tỉnh An Giang; lac urang naih gheih dalam bruk daoh tamia  di huyện. Langiu bruk biên đạo, dàn dựng danak dak, Kunh Thia daok me-in hu ralo janih nghệ thuật hadah krah karei di bangsa drei yau: dù kê atau Chằm riêng chà pây.

# Thành Đoàn ban raya Hồ Chí Minh pambuak bruk song Sở Khoa học song Công nghệ, Sở pato megru, Liên hiệp dom Hội Khoa học song Kỹ thuật ban raya hu pataom iek veik song jao giải mbang pakacah  Sáng tạo brei ka thanh thiếu nhi ban raya Hồ Chí Minh mbangXII – thun 2017. Hu thau, mBan peih bruk hu jao 2 giải Nhất, 1 giải Nhì, 3 giải Ba  song 20 giải Khuyến khích di 3 bảng lac 3 khối anek saih Tiểu học, Trung học cơ sở song Trung học phổ thông. 

Patui di ini dom khau tin dunya:

        #  Mintri ngak nông, Lương thực saong palei pala Hàn Quốc brei thau sa urang njom cúm menuk ada mbuan njom mbak glaong di thành phố cảng cảng Busan daok di gah meraong taneh ia ini, hadei di tuk peih bruk duk iek di sa trang trại menuk ada. Trang trại ini blei 650 drei menuk meng bilan dahlau di ban Kun-xan, bhum Tây Nam Hàn Quốc. Urak ini rajaei Hàn Quốc daok duah thau lac menuk ada meng ban ini hu pablei nao dom labik karei halei oh.

# Sa nyaom dom urang ilamu khoa học Mỹ bahrau brei thau sa janih jru bahrau  hu mong lac iek hu rilo ruak  ung thư karei  di gauk di yaok umo thun. Tui giáo sư Đa-vít Hy-man (David Hyman), akaok nyaom roh duah , dom mbang thử nghiệm lâm sàng ka 55 urang ruak ung thư, dalam nan hu 43 urang prong song 12 uranaih  brei mboh siam lagaih ngan song janih JRU bahrau ni. 79% hu pren yava khang kadang hadei di sa thun  iek ruak dalam tuk 12% urang hu patrun ruak, pren yava hu pasiam veik.

          # Uỷ ban sức khỏe saong kế hoạch hoá gia đình Khu tự trị bangsa Choang Quảng Tây trung Quốc barau duah mboh sa urang tra njom virus H7N9  di ban Bách Sắc. Gah chuyên gia ndom lac H7N9 oh njom meng menuac tapa menuac, saong hu panuac kakei bhap bini tok di blei dom menuk ada hu harak chứng nhận dut iek jit./.