#Tui kuhria dalam thun APEC 2017, Việt Nam caga peih labaih 200 mbang nyaom, ginum biai prong sit, dalam nan hu 20 nyaom biai pakat akaok mintri tagok song Adit pakat glong APEC mbang 25 di ban Đà Nẵng. Bruk peih ngak thun APEC 2017 lac sa bruk đối ngoại prong di VN meng ni tal thun 2020.

#/ Sở Du lịch Hà Nội brei thau, dalam thun ini, mbang akaok meti HN taduan 4 triệu mbang tuai DL dunya, biak rilo duk saong dom thun dahlau. Piah ngak hu yau ini, HN hu pataom tame đầu tư saong patagok pandap, peih praong bruk yaih khan, xúc tiến DL.

#/ Cục Cảnh sát Giao thông brei thau, meng harei 16/12/2016 tal harei 15/2/2017 hu peih mbang tabung glong khik ramik trật tự an toàn giao thông, trật tự xã hội di angaok jalan mbak, jalan pasei, jalan krong ribong dalam tuk tết Dương lịch,Tết nguyên đán anek sak menuk song dom lễ hội akaok thun 2017. Dalam mbang tabung glong, gah cảnh sát giao thông peih  ngak dom bruk piah patrun tai nạn giao thông,oh piah rah tabiak tai nạn giao thông trak, patrun bruk gar jalan di dom ban prong, pacang cakak njauk tuk, langyah catang dom bruk pataom gauk pakacah radaih suan hukum. 

#/ Peih ngak đề án “pato bruk ngak ka urang ngak palei pala tal thun 2020” tui Quyết định 1956/QĐ-TTg harei  27/11/2009 di Thủ tướng rajaei, meng thun 2010 tal urak ini, dom labik pato bruk ngak dalam tỉnh Sơn La hu peih 213 tal pato 11 nhóm bruk ngak lingiu ngak nong, 11 nhóm bruk ngak nông ka 6.418 urang ngak palei pala. Urak ini, dalam tỉnh hu 26 labik pato bruk ngak, ngan saong 591 urang jakar gru pato, pato ka labaih 19.000 urang.

            #/ Meng dom saman ni ma, bruk pah yot  kak kajap saong rai duik di urang Cờ Lao daok di  Hà Giang. Min bruk ngak meng kan ni dok dang anak bruk lihik nao. Di Đồng Văn, bruk pah yot di bangsa Cờ Lao tok daok mboh di palei Má Chề, xã Sính Lủng. Yaom lac hu tỉnh Hà Giang pok brei angan lac palei ngak di thun 2013 min mbiah tal urak ni bahrau hu 30 boh sang hu mbaok tame palei ngak, dalam nan hu labaih 10 boh sang hu tangin gheih ngak.

#/ Pachreih tui bruk jak ba “dak padang baoh sang 5 oh, 3 hacih” dom thun tapa, Hội liên hiệp urang kamei xã Long Sơn, huyện Cầu Ngang, tỉnh  Trà Vinh hu ralo jalan ngak gheih, dui pachreih ralo urang hội hu mbaok tame. Yau bruk “5 oh, 3 hacih” hu 8 tiêu chí: oh eik lipa kan kathaot, oh hu tệ nạn XH saong oh ngak suan hukum, oh taong paoh dalam baoh sang, oh ndih tapui anek ka 3 tagok, oh hu uranaih lavang lavaih, klak bac saong hacih sang, hacih ngõ, hacih jalan.

          #/ Công ty cổ phần Đinh Thuận, phường Tân Hiệp, ban Biên Hòa, tỉnh Đồng Nai pambuak bruk song Sở pato megru peih bruk alin brei 55 radeih juak ka anek saih kan kathaot kham merat bac da-a di dom huyện: Tân Phú, Định Quán, Xuân Lộc, Thống Nhất, Vĩnh Cửu. Langiu di nan, Công ty dok bhian peih rilo bruk ngak pamong tal urang kan, yau padang ngak sang anit ranam, brei limo pajaih ka urang kan kathaot.

Patui di ini dom khau tin dunya:

#/ Jabat pacang cakak ma túy di TL barau cap hu sa bruk pablei ma túy praong di huyện Mương, tỉnh Xa-mút-xa-khon, gah ia san taneh ia ini. Pak di labik nan, jabat chức năng hu pasang iek saong cap mek 194 ribau asar ma túy tổng hợp saong 23 kg ma túy patau, yaom 65 triệu bạt (jaik 22 ribau đô la Mỹ).

#/ Thủ tướng Hi Lạp A-lếch-xít Xi-prát tabiak panuac lac rajaei di ong meda buh tabiak 617 triệu ơ rô  trợ cấp phúc lợi sa mbang ka urang ngak padeih hưu duah hu jien takik dalam tuk lễ giáng sinh thun ni. Sarak ni hu ba tabiak dalam tuk Hy Lạp mek hu bruk dok labaih kadung jien karja thun 2016

#/ Urang vak di rayo sap ndom VN daok di Ai Cập brei thau: mintri ngoại giao Mỹ khan lac, taneh ia ini barau mbaoh tangin tame sa harak sanya pablei salih yaom labaih 7 tỉ đô la piah pabak pandap quân sự ka dom đồng minh A-rập (Arab) di khu vực./.