#/ Pambuak tal bruk pato pakai urang bangsa takik, dalam mbang javap jalei harei 16/11, akaok mintri pato megru Phùng Xuân Nhạ ndom lac cử tuyển ngan song urang bangsa takik lac sarak prong, hu Đảng, karja sangka. Yaom lac kan kandah, rajaei hu buh rilo phun jien ka bhum kan kandah, bhap bini bangsa takik. Mintri pato megru meda ngak bruk song mintri nội vụ song UB bangsa piah hu dom jalan ngak cambaih laih ka bruk ini.

# / Bộ Chỉ huy bộ đội biên phòng Thanh Hóa barau peih bruk tamat saong jao chứng chỉ tốt nghiệp ka 35 học viên tal bac sap Lào thun 2016. Dalam tukvak 3 bilan, dom học viên hu pato saong pabak ilamu pang, ndom puac, vak saong duah thau adat cambat tanarakun di Lào, piah daong palagaih dalam bruk taom gaok saong duh ka bruk đối ngoại, pabak bruk ngak.

#/ Jiak 2 adit tapa, yaom lac hu tani tanat rai duik hadei di mbang hajan dui atah, min yaok harei nao tapa lac sa harei ong Nguyễn Văn Sĩ, daok di palei  Quỳnh Ngọc 1, xã Ea Na, huyện Krông Ana, tỉnh Đắc Lắc mboh duh hatai tuk 500 geing amriak kalu di sang ong dok salih tapa katam hala, bruk gha, bruk ni kayua hadei di dom harei amriak kalu dauk dalam ia. Yaom lac dahlau di nan, ong Sỹ hu pah jamriak kuac raok danao glong labaih 1 m piah pacang ia dauk. Min kayua hajan prong dui atah rilo harei gam song ia sua tuh mai khang, nan ye bruk kham merat di ong oh meda cakak hu ia sua tuh tame bein.

#/ Di tỉnh Bến Tre barau peih nyaom darak pandap công nghiệp palei pala thun 2016. Nyaom drak hu 120 kapul nyaom, doanh nghiệp hu mbaok tame, ngan saong labaih 300 gian hàng mek hu tanut chuẩn. Lambaok mintri công thương brei thau, tapa nyaom drak dom doanh nghiệp hu pandap siam ye hu urang blei pandar thau tal rilo jang, dom pandap hu yaih khan tal bhap bini, peih praong drak pasar dalam taneh ia.

#/ Sở pato megru tỉnh đồng Tháp brei thau, urak ni gah pato megru tỉnh hu ngak salah bloh danak dak phổ cập pato pakai mầm non ka uranaih umo thun 5 thun. Tui nan, Đồng Tháp ieu pataom hu jiak 30.000 uranaih 5 thun nao bac, samu tỷ lệ 100%, labaih 1000 balik, tal bac mẫu giáo dalam tỉnh hu padang ngak siam, kajap; tong abih sang bac hu ginup pandap piah peih ngak danak dak pato pakai mầm non song pandar công nghệ thông tin. Dom gru pato tal bac mẫu giáo 5 thun di tỉnh jeng mek hu chuẩn pato pakai.

#/ Kayua hu mbaok tame dự án mblang hamu praong, urang nông saong doanh nghiệp di Đồng Nai hu daong phun jien, hu mbang tui sarak ưu đãi di karja, tapa nan padang talei pambuak bruk meng sản xuất tal tiêu thụ. Tui nan, mô hình mblang hamu praong hu daong urang nông patagok năng suất meng 30% tal 100% duk saong dahlau, chất lượng phun pala hu salih barau, yaom pandap glaong. Ngan saong doanh nghiệp, bruk pambuak gauk daong ka urang hu nguyên liệu praong, tani tanat lac jalan peih tabiak ka doanh nghiệp buh jien tame peih praong bruk ngak mbang.

#/ Rilo sang oh peih pambah mbang brei urang jakar y tế tame pruh jru pametai jamuk. Nan lac bruk hu pathau khan di mbang pasang iek di Hội đồng bhap bini ban raya HCM di quận Bình Thạnh, labik hu 8 urang njom Zika, lac rilo di abih di ban raya. Tui ong Nguyễn Hữu Hưng, Phó Giám đốc Sở Y tế ban raya Hồ Chí Minh, tapa pasang iek mboh lac bhap bini hu thau ka jit ruak,  min oh ka thau dom jalan pacang caga jit. Kayua yau nan ye, brei tacei ba cambaih laih bruk pametai lăng quăng, klak pakaong ia, klaok bingu.

Patui di ini dom khau tin dunya:

#/  Labaih 200 urang njauk tame sang iek ruak kayua kan suak yava di mban Ten-nét-si hadei di tuk ralo mbang khuah glai rah tabiak di bhum selatan taneh ia Mỹ. Labaih 30 mbang khuah abih 300 ribau m2 di dom mban brak Carolina, meraong  Carolina, Gioo-dia, Ten-nét-si, Alabama, saong  Ken-tâc-ki

#/ Rilo tỉnh gah barak negar TQ dok gaok ô nhiễm không khí trak di abih kuhria meng akaok thun tal ni. Mbang akaok meti dalam thun, Bắc Kinh njauk tabiak panuac lac ô nhiễm không khí di tamut sambo katam kanyik, tanut ka 3 dalam 4 tanut cảnh báo, saong ba tabiak rilo jalan ngak chip piah pacang cakak bruk ni.

10/ Melam 16/11, rah tabiak sa mbang megei baoh taneh khang 6,2 độ rich-te ngak tatuan pulao Bali saong tỉnh timur Gia-va di In-đô-nê-xi-a. In-đô-nê-xi-a daok di "Vành đai pui" Thái Bình Dương, labik bhian rah tabiak megei baoh taneh saong ceik pui./.