#/ Tui panuac khan di mintri Ngoại giao, taduan panuac daa di Thủ tướng Campuchia , Xăm-đéc Tê-chô Hun Xen, Thủ tướng  Nguyễn Xuân Phúc pan akaok kapul VN hu mbaok di nyaom biai pakat glong bhum Tam giác patagok Campuchia-Lào-Việt Nam mbang ka 9, hu peih tabiak harei 23/11 di Xiêm Riệp, negar Campuchia.

#/ DL bhum kreih negar urak ini gaok ralo kan kandah hadei di sự cố môi trường tasik meng bloh. Piah pamedeih DL dom puk palei, di HN, Tổng cục Du lịch (mintri ilamu TT saong DL) hu peih nyaom meyai xúc tiến DL dom tỉnh Bắc trung Bộ. brei panuac di nyaom meyai, ong Nguyễn Văn Tuấn, akaok Tổng cục Du lịch brei thau, Tổng cục Du lịch hu padang kế hoạch peih bruk pacang cakak, pasiam veik bruk ngak DL ka dom tỉnh Bắc Trung Bộ. Dalam nan pataom tame peih dom bruk ngak piah yaih khan pandap DL barau, pandap DL salih, piah pachreih tuai damuai DL dalam taneh ia saong dunya mai dom puk palei dalam tukvak tal.

#/ Hadei di 15 thun peih bruk “ Tong abih bhap bini jum pataom dak padang  rai duik ilamu’ di tỉnh Quảng Trị dak harei dak hu rilo salih bahrau dalam ilamu, ngak mbang, pala drak, kak kajap talei rohim puk paga, tệ nạn XH hu kadun likuk. Pagap yau “ Kadung jien ka urang kathaot” ieu pataom hu 189 tỷ đồng, dong padang ngak, pasiam veik sang dok ka labaih 11 ribau boh sang kathaot song dong ka urang patagok KT, ba drei tame bhap bini.

#/ Piah ngak siam bruk likei kamei samu gauk tukvak 2016 – 2020, tỉnh Bình Định hu ba tabiak dom jalan ngak yau: patagok thông tin, pathau khan ka hukum pacang cakak taong paoh dalam baoh sang, hukum likei kamei samu gauk piah paglaong akaok saneng, pamaong tal salih barau hành vi di dom rai rah bhap bini; ngak siam bruk ba pasiam kandah gauk, merak gauk di dom thành viên dalam baoh sang. Taphia di nan, peih ngak siam dom danak dak patagok kinh tế, patruh eik patrun kathaot, ba bruk ngak pataok jien mek tame ka urang ngak, tani tanat rai diuk.

#/ Dalam dom tỉnh bhum Tây Bắc, Lai Châu lac tỉnh hu taneh glai pacang halui glong, urak ni hu jiak 50%. Piah hu yau ni, bruk khik ramik glai hu tỉnh peih ngak khang tal dom gah chức năng song dom puk palei. Urak ni, hu labaih 130 urang jakar kiểm lâm hu brei bruk khik iek 108 xã, phường, ban sit, tuk halei jeng hu mbaok tui iek. Gam song nan, bruk pathau khan khik caga glai jhul khang tapa dom mbang ginum biai di puk palei, abih di nyu nan lac bhum mik va bangsa takik dok jiak glai, tapen glai.

#/ UB bhap bini tỉnh Hòa Bình brei thau, , jabat pambuak bruk dunya NB (JICA) hu daong tỉnh padang thương hiệu pabui puk palei tapa dự án patagok hệ thống raong pabui khang kajap khik caga đa dạng sinh học.. Dalam nan dự án hu sangka pasang iek bruk raong pabui puk palei; dut iek tác động ka pandap mbang, dinh dưỡng, palih ruah mô hình tác động tổng thể; taong yaom bruk caong pato megru di urang raong saong giảng viên dalam bruk patagok raong pabui puk palei.

#/ Tui Sở ngak nong song patagok palei pala tỉnh ĐN, tal tuk vak ni dalam tỉnh hu jiak 14.300 ha amriak kalu. Nyu glaong jang labaih 4.300 ha dut song bruk patagok am riak kalu di tỉnh tal thun 2020. Meng thun 2010 mbiah tal ni, taneh am riak kalu di ĐN tagok khang, tui kuhria yaok thun tỉnh tagok labaih 1000 ha

Patui di ini dom khau tin dunya:

#/ Danak dak patagok LHQ brei thau, pacang nhiệt độ baoh taneh tagok oh tapa 1,5 độ Cduk saong tukvak ti62n công nghiệp, sa bruk ngak di thỏa thuận khí hậu Pari hu klah khat lahik kinh tế tal 12 ribau tỷ đô la di thun 2050, nan lac samu 10% GDP dunya.

#/ Dom khau tin Châ Âu brei thau, dom urang pang akaok Châu Âu song Tổng thống Mỹ Ba-rắc Ô-ba-ma  meda ginum biai dui atah dom jalan trừng phạt Nga pagam tal bruk khủng hoảng di Ucraina, jang yau bruk  ba tabiak jalan trừng phạt bahrau kayua negar ni peih bruk plaik mbom di Xiry dalam mbang taom gaok di Béc-lin  (Đức)

#/ Phi-líp-pin brei thau, dalam quý 3 meng bloh, nền kinh tế taneh ia ini patagok samar jang hatai caong khin, mek hu 7,1%. Kayua hu yau nan taneh ia ini meda mek hu tăng trưởng dalam thun ini meng 6% tal 7%./.