1.- Dom gah chức năng di huyện Ea H’Leo, tỉnh Đắk Lắk daok duah thau , ngak brei cambaih laih bruk  kaoh mek kayau suan adat bahrau rah tabiak dalam huyện. Tui Chi cục Kiểm Lâm tỉnh Đắk Lắk, bruk nan hu thau di puac bilan 11 meng bloh, di labik Lô 3 saong Lô 12 , Tiểu khu 22, dalam glai kayua Công ty TNHH MTV Chư Phả khik iek. Ong Mai Văn Kiện – Phó akaok Chi cục Kiểm lâm Đắk Lắk brei thau, urak ini Chi Cục daok ba kayau nan saong dom janih pambuak tal mai Công ty TNHH MTV Chư Phả piah langyah.

      2 # Meng harei 16 tal harei  20/12 di  Bình Phước hu rah tabiak  Nyaom biai  Uỷ ban tacei ba bruk haong gauk di bhum klau kieng patagok  Campuchia – Lào – Việt Nam mbang ka 11. Bruk prong di Nyaom biai lac Nyaom darak pasa bhum klau kieng patagok  Campuchia – Lào – Việt Nam, hu 100 gian hàng, dalam nan tỉnh Bình Phước hu  40 gian hàng di dom  doanh nghiệp dalam tỉnh song nyaom biai  urang jakar pakat  glong SOM (pakat Thứ trưởng) di 3 negar nan.

3# Yaom lac oh ka yam tame bilan kaoh mek, min tabau pala di dom sang mac saradang tỉnh Tây Ninh hu jaik 500 ha tabau njauk pui khuah, khat lihik yaok pluh  tỷ đồng. Anak bruk yau nan, Sở Ngah nong saong Patagok palei pala hu panuac ieu dom sang mac saradang brei kaoh mek dahlau, ba mai sang mac ngak saradang piah trun khat lihik ka urang pala tabau.

         4 # Ủy ban bhap bini tỉnh Đồng Nai bahrau ba tabiak Quyết định 4057/QĐ-UBND ka bruk pok brei angan xã mek hu chuẩn palei pala bahrau dalam tỉnh thun  2017. Urak ni, huyện Định Quán hu 12/13 xã hu ngak salah bloh danak dak padang ngak palei pala bahrau. Dok xã Thanh Sơn dok kham merat peih ngak danak dak song kham merat ngak salah bloh dalam thun hadei, piah huyện hu pok brei angan huyện palei pala bahrau  di puac thun 2018.

5# Anak bruk hu rilo khak saong pandap mbang raong kaya ikan ja atau oh siam, Chi cục khik ramik darak pasar tỉnh Trà Vinh daok jhul khang bruk pathau khan dom  quy định ka khak drak, pandap mbang raong kaya ikan tal dom kapul nyaom, menuac urang dalam tỉnh piah paglaong adat pablei salih saong ngak njauk tui adat hukum. 

          6 # Chi cục rong glang song  Thú y tỉnh Hậu Giang brei thau: urak ni lac tuk vak puac thun, tukvak salih bilan, nyu lagaih  ka dom janih ruak di angaok tapon menuk ada , athur rong mbuan si tamuh song njom mbak . Anak bruk ni, tỉnh Hậu Giang daok tabiak bruk pacang caga jit. Chi cục rong glang song Thú y tỉnh peih bilan hacih saat, pametai anek ruak mbang ka 2 thun  2017; tuk vak rah tabiak meng ni tal harei   20/12/2017.     

7 # Harei 6/12, triều cường di ban raya Hồ Chí Minh tagok biak glaong, tal tanut báo động 3, dauk rilo labik dhaong, biar, ngak ka bruk nao mai kan kandah. Tui Giáo sư, Tiến sĩ Lê Huy Bá, chuyên gia gah alam môi trường di ban raya Hồ Chí Minh, triều cường di ban raya Hồ Chí Minh dak harei dak glaong, bhian tapa tanut báo động 3 kayua sang danaok dalam ban raya hu padang rilo, ngak lihik nao taneh padang ia, saong kayua bruk biến đổi khí hậu ngak brei ia tasik tagok glaong.

          Patui di ni dom khau tin dunya:

         8  # Hãng tin ABC Niu (ABC News brei thau, harei  6/12, Tổng thống Mỹ Đô-nan Trăm (Donald Trump) tui kuhria hu tabiak panuac công nhận Giê-ru-sa-lem (Jerusalem) lac ban ine di  Ixraen. Min, Mỹ oh ka panduan ba Đại sứ quán Mỹ di Ten A-víp (Tel Aviv) tal  Giê-ru-sa-lem.

  9 #Gah chức năng Campuchia duah mboh labaih 1 tấn bala lamen loa ba tame meng Châu Phi. Ong Lâm Bun Hêng (Lam Bun Heng), Phó Viện công tố tỉnh Si Ha Núc (Sihanouk) brei thau, dom bala lamen nan hu caik dalam 3 công-te-nơ pajeng kayau tame Campuchia tapa pabah lamnge tỉnh Si Ha Núc.Dalam tuk pasang iek, Hải quan Campuchia mboh hu dom bala lamen nan. Urak ini, dom bala lamen nan daok hu Campuchia mek khik di pabah lamnge tỉnh Si Ha Núc piah duah thau, langyah.

          10  # Melam  5/12, hu takik di abih 50 urang njauk rambuac dalam mbang gaok bala trak di angaok jalan pasei rah tabiak di ban Me-bút-xơ (Meerbusch) gah pai negar  Đức. Hadei di tuk thau hu bruk nan, gah cảnh sát song dom urang cứu hộ hu mbaok cip di labik nan, piah dong ka tuai damuai song ba menuac njauk rambuac tal sang iek ruak ./.