1# Meng thun 2011, đề án “Khik ramik saong patagok ilamu dom bangsa tỉnh Điện Biên kak saong patagok kinh tế - xã hội tal thun 2015, pamaong tal thun 2020”  hu daong ngak brei salih bahrau raidiuk di bhap bini Cống daok di Điện Biên. Bangsa Cống daok di Điện Biên lac bangsa takik menuac, daok dalam angan dom bangsa njauk khik ramik.  Bruk peih dom tal pato pasram paglaong ilamu ngak nong pambuak saong chế biến, pablei pandap hu daong ngak brei paglaong bruk ngak mbang, pala drak di bhap bini.

        2/  # Pahadar 106 thun harei Wa  Hồ tabiak nao duah jalan dong ka taneh ia (5/6/1911 - 5/6/2017), 92 thun harei Báo chí cách mạng Việt Nam (21/6/1925 – 21/6/2017) song 40 thun  padang Hội Nhà báo ban raya Hồ Chí Minh, harei 5/6,  Rayo papar binguk ban raya Hồ Chí Minh peih pakacah bán kết Harei pataom sap doh urang ngak báo ban raya Hồ Chí Minh peih prong thun 2017. Hadei di vòng sơ khảo, hu 28 tiết mục di 13 đơn vị hu palih ruah tame vòng bán kết, piah palih tabiak 12 tiết mục gheih  tame vòng chung kết xếp hạng di melam 12/6 tal. 

     3 # Meng akaok thun tal ini, tỉnh Long An hu brei harak chứng nhận đầu tư ka 38 dự án đầu tư negar lingiu ngan saong yaom phun jien tut angan jaik 66 triệu USD. Meng ini tal puac thun, Long An daok langyah kan kandah, daong palagaih ka doanh nghiệp ngak bruk. Tui nan, tỉnh daok ramik pasiam bruk ngak mbang pablei salih, paglaong tanut meriak gauk pakat tỉnh, daong patagok doanh nghiệp.  

         4/  # Ủy ban bhap bini huyện Phú Quốc , tỉnh Kiên Giang pambuak bruk song Sở ngak nong, Sở Tài nguyên Môi trường tỉnh bahrau peih mít tinh pachreih tui dom bruk ngak adit tasik song palao kaoh Việt Nam, palao labaih 4 triệu anek ghẹ hu boh saong ghẹ anek tabiak tasik.

           5 # Tukvak  2017 – 2020,  tỉnh Tiền Giang ieu pataom labaih 916 tỷ đồng buh tame patagok bein phun mbang baoh tui jalan padang dom bhum pala phun mbang baoh, pambuak gauk ngak ba mai kein laba  khang kajap. Dalam nan, phun jien di kadung jien karja labaih 26 tỷ đồng, phun jien mesraiy labaih 445 tỷ đồng, phun jien di pô bein, di doanh nghiệp saong hợp tác xã labaih 444 tỷ đồng, samu 49%.

                  6/  # Tỉnh Đồng Tháp dok patagok bruk drak padai meng jam riak, brei năng suất glong jang drak meng tangin labaih 1 tấn padai yaok ha.  Urak ni,  tỉnh hu dong phun jien ka urang nong mesraiy pablei 26 jamriak tam padai song rilo labik hu tỉnh dong 75 triệu đồng sa jamriak tam padai.

      7# Gah ngak nong tỉnh Bạc Liêu daok pambuak bruk haong karja palei saong dom baoh sang bhap bini samar peih ngak rilo jalan piah tathuak ia daong ka padai Hè Thu njauk ia dauk. Saong daok hu tacei pato gah chức năng samar psang iek, duah thau dom taneh njauk khat lihik piah pok tagok Uỷ ban bhap bini tỉnh pasang iek, daong ka urang nông hu jien pala drak veik.

Patui di ni dom khau tin dunya:

          8/  # Rajaei Thái Lan dok peih prong mô hình patagok Me sót My-a-oa-đy (Mae Sot-Myawaddy) piah jhul patagok bruk pablei salihjalan tapen negar song dom negar dok jiak tapen. Ni lac sarak patagok bruk pablei salih bhum tapen negar  hu angan ieu lac Xtrong Tu-ge-dờ (“Stronger Together”), hu peih ngak dahlau abih di tỉnh Tắc (Tak) bilan 3/2017.

          9 # Thủ tướng Ô-xtrây-li-a Man-com Tơn-bun (Malcolm Turnbull)  harei 6/6 brei thau, cảnh sát taneh ia ini daok duah thau bruk bắt cóc di ban Men-bơn (Melbourne), gah meraong negar ini tui jalan “sa bruk tấn công khủng bố”. Panuac nan hu ba tabiak dom tuk hadei di tuk kol khủng bố  IS tabiak panuac lac kol nyu ngak bruk nan.

10 # Đức daok duah sa labik bahrau karei ka urang lin Đức di căn cứ In-xơ-lích (Incirlik) gah merong negar Thổ Nhĩ Kỳ . Labik bahrau ni hu palih ruah lac Gioócđani (Jordan). Puac khan ni, bahrau hu Ngoại trưởng Đức Xích-ma Ga-bri-en (Sigmar Gabriel) ba tabiak harei 5/6 dalam tuk  Đức  dok kuhria tal bruk ba lin di drei song pandap panda tabiak truh căn cứ không quân ni./.