1./Meng akaok thun 2000 tal thun 2015, Việt Nam hu tame dom bruk ngak di dunya dalam danak dak “Anek menuac saong Sinh quyển” di UNESCO, meng bruk rik tame 9 khu dự trữ sinh quyển dunya, dalam nan hu Glai dauk ia mbak Cần Giờ, Glai Cát Tiên, Quần đảo Cát Bà,bhum taneh dauk ia tapen tasik dom tỉnh bhum taneran kraong Hồng…Min tui dom chuyên gia, dalam tuk ba drei tame, Việt Nam gaok oh takik kan kandah , abih di nyu nan lac duah tabiak sarak, jalan ngak lagaihpiah khik kajap dom inem krung

2 # Danak  “Ngak iek brei  ra-đi-ô ka bhum urang bangsa takik song bhum ceik, bhum biak kan kandah, bhum tapen negar” bahrau hu Thủ tướng rajaei ba tabiak.Danak dak hu peih ngak iek di 10 tỉnh dalam 4 labik  Tây Bắc, Tây Nguyên, Tây Nam Bộ song duyên hải gah kreih negar gồm: Cao Bằng, Hà Giang, Lai Châu, Nghệ An, Quảng Nam, Kon Tum, Đác Nông, Ninh Thuận, Trà Vinh, Kiên Giang. Urang hu dong lac dom akaok palei, urang hu angan je,  dom chức sắc agama song dom urang ngak bruk kapul nyaom,  mặt trận, urang lin biên phòng tagok bruk trun xã tapen negar.

3./Tal urak ini, Công ty Điện lực Bắc Cạn ngak hu bloh bruk pabak điện ka 145 puk, palei oh ka hu điện dalam  tỉnh. Dom puk palei hu mbang tui bruk pabak điện nan jeng daok di bhum atah bayah, bhum urang bangsa takik, tapa nan daong pasiam raidiuk, patagok bruk ngak mbang, ngak huak dalam tỉnh.

4 # Hadei di 5 bilan peih ngak, Ủy ban Mặt trận negar Việt Nam tỉnh Quảng Bình  bahrau jao brei song ba tame pandar 46 boh sang dok hu alin brei ka mik va bangsa takik kan kathaot njauk bala meng langik tasik di 2  xã bhum ceik Lâm Hóa song Thanh Hóa. Tong abih phun jien buh tabiak ngak labaih  3,9 tỷ đồng, hu meng kadung jien dong ba tỉnh.

5./ Tỉnh Quảng Trị bahrau peih  pasram paglaong akaok sahneng ka bruk patagok pren yava,  rup pabhap urang Việt Nam ngan saong uraniah, anek saih bhum bhap bini bangsa taki8k saong bhum ceik thun 2017. Tapa tal pasram, dom urang bac lac dom gru pato di dom sang bac bhum ceik hu pabak ilamu ka bruk dinh dưỡng  brei ka patagok rup pabhap anek saih bhum urang bangsa takik saong bhum ceik...

6 # Gam song phun jien mesraiy di gilang pariak sarak karaja, tuk vak tapa, Hội Liên hiệp urang kamei huyện Cờ Đỏ , ban  Cần Thơ  pambuak pagam bruk ka jiak 70 tổ patak patom,  22 tổ pataom phun jien dong ka urang  hội kamei, abih di nyu lac urang kamei bangsa Khmer, peih prong dom mô hình ngak mbang kein lagaih. Meng akaok thun tal , Hội LH urang kamei  huyện peih 8 tal bac pato bruk ngak, langyah, dong duah ka labaih 1.000 urang kamei hu bruk ngak tani tanat .

7./Sang iek ruak Đại học Y Dược ban raya Hồ Chí Minh brei thau, bahrau taduan cấp cứu 1 urang ruak suy thận cấp, darah njom axit nặng kayua menyum jru pasiam ruak me-ik saradang hu chất cấm. Urang ruak lac ong Lê Văn M (80 thun, daok di Quận 7, ban raya Hồ Chí Minh) tame sang iek ruak tuk rup glaih glar, taglaoh ta-ok. Ini lac ruak biak trak, mbuan metai. Dom bác sỹ kakei lac, urang ruak me-ik saradang njauk nao tal dom labik y tế hu angan je piah iek ruak, jhui nao blei jru di gah lingiu mai menyum, mbuan ba tal metai lihik

Patui di ni dom khau tin dunya

          8  # Đại sứ quán Mỹ di Nga  khan lac hu peih ngak dom  dịch vụ cấp thị thực oh  định cư di dom  lãnh sự quán Mỹ, dom labik dahlau di nan padeih ngak dịch vụ ni, piah cagar veik bruk  Moscow trục xuất nhân viên di  Washington.

9 # Ginum biai pakat glaong di Ðảng Cộng sản Trung Quốc haong dom đảng praong di dunya brei tapa "Sáng kiến Bắc Kinh", dalam nan hu panuac ieu dom đảng ba gauk tame padang sa dunya sron mbon, pachreih bruk bac megru gauk saong khik caga alam môi trường sinh thái.

10 # Mintri pablei salih Hàn Quốc brei thau, Rajaei negar ni hu  padang ngak bruk ginum biai veik  Hiệp định pablei salih  tự do (FTA) song  Mỹ song brei thau jalan ngak tal Quốc hội. Akaok mintri pablei salih  Hàn Quốc Kim Hyun-chong hu var tom gaok song dom urang jakar di đ 20 mintri song kapul nyaom rajaei piah ginum biai ka FTA, jang yau ba tabiak dom jalan ngak song  ginum biai siam lagaih./.