1# Nyaom biai Ban chấp hành Trung ương 7, khóa XII daok ginum biai saong brei panuac ka ralo bruk praong, pachreih hu bruk sangka di bhap bini. Bruk pataom tame padang kapul urang jakar dom pakat, abih di nyu nan lac pakat chiến lược taduan hu ralo panuac rik tame. Ông  Nguyễn Thanh Sơn, Chủ tịch Công Đoàn, Tổng  Công ty Cổ phần Dệt May Hòa Thọ ban sit Đà Nẵng brei thau:

Bruk urang jakar saong salih bahrau hành chính hu biai ralo bo nyu daok hu dom urang jakar ini daih, oh njauk quy trình blaoh yau ini, yau daih. Urak ini, bhap bini urang tui iek biak siam min hu dom bruk nghiệp vụ ini daih ye bhap bini oh tui iek hu. Bruk ini njauk jao ka gah chức năng ngak, tui iek. Tui dahlak mboh, dom gah chức năng ngak njauk bruk di drei, njauk adat hukum.

    2 # Caga ka mbang nyaom ka 5, Quốc hội mbang 14, kapul urang quốc hội tỉnh Đak Lak bahrau hu var taom gaok cử tri xã Phú Xuân, huyện Krông Năng.  Brei panuac caong anak mbang nyaom, cử tri ndom lac bruk ngak nong dok lac bruk ba jien tame ka puk palei, Min urak ni, urang nong dok gaok  rilo kan kandah, langiu di bruk  biến đổi khí hậu  oh lagaih, bruk pablei pandap oh tani tanat, ye bruk phun pajaih, khak ja, oh hu chất lượng bak darak pasar, ngak jhak tal pren yava jang yau rai duik di bhap bini

3# Piah ba cambuai klao ka uraniah Việt Nam, thun ini, sang iek ruak Răng hàm mặt trung ương Hà Nội hu jalan pambuak bruk haong Kapul blac raih nụ cười Việt Nam peih 8 mbang blac raih ngak pahla, dalam nan hu 4 mbang blac raih di sang iek ruak Răng hàm mặt Trung ương Hà Nội saong 4 mbang di dom tỉnh lac: Đắk Lắk, Quảng Ngãi, Phú Yên saong Nghệ An. Tui kuhria, hu labaih 600 uraniah khut cambuai hu blac raih ngak pahla dalam thun 2018 tui jalan pambuak bruk ini.

4 # Di  tỉnh Đồng Nai urak ni daok hu bruk urang Trung Quốc mai blei phun,  gha phun am riak kalu piah ngak gia vị atau ngak jru.  Tui  Chi cục pala drak khik caga phun pala (Sở ngak nong song patagok palei pala) tỉnh Đồng Nai, bruk pandar phế phẩm meng phun amriak kalu lac biak nguy hiểm kayua dalam phun, gha amriak kalu urang nong klak nao meda kandaong labaih khak , jru khik caga phun pala. Sở ngak nong song patagok palei pala tỉnh Đồng Nai jeng hu tabiak panuac pandar dom puk palei jak ba urang nong jhui pablei phế phẩm amriak kalu ka urang mai blei; samar duah mboh menuac urang, đơn vị  halei , blei gha phun amriak kalu piah pacang cakak song langyah chip 

5# Tui Ủy ban nhân dân xã Đức Lập Thượng, huyện Đức Hòa, tỉnh Long An, dalam xã bahrau hu bruk mblung ia ngak ka dua urang metai.Dua urang mlung ia metai nan angan Lê Kim Ánh Dương (20 thun) saong Trần Huy Hoàng (23 thun), daok dalam ấp Chánh, xã Đức Lập Thượng, huyện Đức Hòa.

Patui di ni dom khau tin dunya;

6 # Di mbang nyaom  di mintri  Ngoại giao Trung Quốc, urang brei panuac Cảnh Sảng ndom lac, dalam tuk vak jiak di ni, ala bruk kham merat di dom gah, bruk palao kaoh Triều Tiên hu rilo salih bahrau siam mekre,  nan ye ,Trung Quốc cong khin dom gah iek prong song khik caga bruk jak jeng ni, jhui ba tabiak dom panuac nyai  oh siam, pambak tal bruk ginum biai di  Mỹ – Triều anak tal. Trung Quốc cong khin lac mbang taom gaok di Mỹ – Triều hu rah tabiak jak jeng siam mekre

          7# Dalam mbang rivang In-đô-nê-xi-a piah jhul patagok talei pambuak bruk 2 negar, harei ini, Thủ tướng Trung Quốc Lý Khắc Cường bahrau taom gaok Tổng thống In-đô-nê-xi-a Giô-cô Uy-đô-đô (Joko Widodo) di phủ Tổng thống Bogor. Thủ tướng Lý Khắc Cường ndom lac, Trung Quốc caong pambuak bruk khang kajap haong In-đô-nê-xi-a piah ngak brei kajap jang bruk "Vành đai và Con đường" tui jalan patagok di taneh ia Đông Nam Á ini.  

          8 # Karja  tỉnh Kro Ches (Kratiecho) brei thau: hu 13  urang metai kayua njauk jru mek song labaih 200 urang karei dok mboh kan suah yava, pandih tia, having akaok , pandik akaok, glaoh taaok. Dom urang gaok bala  jeng dok di xã Kon Tuốt (Kantuot) dalam  huyện Chất Bộ Rây (Chitborey), tỉnh Kratie, gah pai negar Campuchia. Tui sahneng mboh, dom urang gaok bala meda njauk jru mek kayua pandar ia njom jru halak. Hadei di bruk ni, karja palei hu pabak ia hacih ka bhap bini dalam bhum./.