1 # Phó Thủ tướng jao ka Mintri jien padai tui iek bruk điều hành yaom xăng menyek ngak habar oh brei tagok yaom xăng sinh học (E5 RON 92, E10), yam tal yaom xăng E5 RON 92 saong xăng E10 hu yaom pachreih urang pandar; pambuak haong Mintri ngak nong saong patagok palei, Mintri Công Thương roh duah, padang yaom blei takik di abih sắn nguyên liệu duh ka bruk ngak etanol.

          2/  # Harei 8/6, sang iek ruak Bạch Mai brei thau, 10 urang ruak trak meng bruk chạy thận di sang iek ruak đa khoa Hòa Bình hu ba trun sang iek ruak Bạch Mai iek ruak urak ini hu kajap veik song hu tabiak truh sang iek ruak. Salah bloh bruk ini, 10 urang ruak nan hu iek ruak  ngoại trú (lọc drah) yaok adit 3 mbang di sang iek ruak Bạch Mai. 

         3 # Ủy ban bhap bini tỉnh Thừa Thiên-Huế hu ngak bruk haong dom sở, ngành saong urang dang akaok ủy ban bhap bini dom huyện, ban sit daok tapen tasik ka bruk bayar jien ka urang gaok khat lihik kayua bruk jhak di tasik. Tal tukvak ini, bruk bayar jien nan di dom puk palei hu labaih 95%. 

          4/ # Pahadar  70 thun harei Thương binh - Liệt sĩ (27/7/1947- 27/7/2017), dom bruk padang ngak bahrau, pasiam veik di  Nghĩa trang Liệt sĩ pakat negar Trường Sơn (xã Vĩnh Trường, huyện Gio Linh, tỉnh Quảng Trị) dok hu dom  đơn vị jhul pakhang bruk padang ngak, kham merat tal harei 20/7, ngak salah bloh song ba tame pandar.

          5 # Tổng Giám đốc Công ty ia Đà Nẵng brei thau: lingik pandiak ba tal bruk pandar ia di bhap bini tagok glaong. Kayua yau nan ye, công ty njauk patagok công suất di dom sang mac ia piah pabak bruk pandar ia di bhap bini dalam ban Đà Nẵng. Urak ini abih tih công suất di dom sang mac ia lac 260.000 m3/ sa harei melam, rilo jang 50.000 m3 sa harei melam dut saong công suất thiết kế min jeng oh pabak hu ginup bruk pandar ia di bhap bini. 

             6/ # Công ty Trách nhiệm hữu hạn Phát Hoàng Long Ninh Thuận buh jien tabiak ngak nhà hàng nổi mek hu tanut chuẩn camereip abih di  Việt Nam hu ba tame ngak di vịnh Vĩnh Hy , xã Vĩnh Hải, huyện Ninh Hải, tỉnh Ninh Thuận. Cty hu buh jien tabiak ngak 2 nhà hàng nổi, saong yaom jien labaih  1,3 tỷ đồng sa nhà hàng nổi. Tui kuhira hu batabiak ngak meng kreih bilan 6 piah duh ka tuai damuia tame tabung glong bilan du lịch hè 2017.

          7# Tui  Sở  ngak nong saong patagok palei pala tỉnh Tiền Giang, phun vú sữa Lò Rèn Vĩnh Kim lac sa dalam dom janih phun mbang baoh hu pren meriak gauk di tỉnh Tiền Giang. Ini jeng lac kadha bui sambai, peih tabiak jalan pasiam, patagok veik phun pala đặc sản di tỉnh Tiền Giang, daong ka urang ngak nong ngak kaya meda meng taneh riya, pren ngak saong phun pala meng kan.

Patui id ni dom khau tin dunya:

8/  # Rajaei bahrau di Hàn Quốc bahrau brei thau pok jien pachreih  bruk jien padai yaom 11 nghìn 200  tỉ uôn (samu 10 tỉ đô la) piah patagok phúc lợi xã hội song peih ngak dom bruk camereip dalam panuac sinya  di  Tổng thống Mun Chê-in (Moon Jae-in), nan lac ba brei 810 ribau bruk ngak di gah ngak công.

          9 # Piah patrun patakik bruk gar radaih kayua bruk patagok biak samar dom radaih juak, karja ban ine Cô-pen-ha-gen, Đan Mạch brei padang dom bảng thông tin điện tử rah tui dom jalan radaih juak. Tui nan, 5 màn hình hu caik di dom labik praong angaok jalan brei ka radaih juak atah 390 ki-lô-mét dalam ban ine. Urang jakar ban ine Cô-pen-ha-gen caong lac, dom bảng nan hu daong ka urang ndik radaih juak duah hu jalan nao takik gar radaih di abih.

        10# Yaok triệu  menuac di dunya  kan ndih daok pambak tame jru ndik piah cong hu sa melam ndik bingi, Min roh duah ilamu brei thau hu sa jalan ngak siam jang ka dom urang nan lac pasram thể dục.Tui dom urang ilamu khoa học di Mỹ,  bruk ndik di dom urang kan  ndik hu pasiam meng tuk pasram  thể dục./.