1 # Văn phòng raja-ei bahrau hu harak brei thau panuac di Thủ tướng Raja-ei Nguyễn Xuân Phúc di van ngak bruk haong Ban Khik iek Kalan Chủ tịch Hồ Chí Minh.

Tui nan, bruk khik iek Công trình Kalan Chủ tịch Hồ Chí Minh, khik ramik suai lavik rup tau di Gait nan lac bruk chính trị prong glaong bo Đảng, raja-ei saong bhap bani jao ka Ban Khik iek kalan. Lambaok raja-ei, Thủ tướng Raja-ei pok meyaom dom kham merat di kapul urang jakar, urang ngak di kalan, urang lin Ban Khik iek kalan hu  ngak siam bruk di drei, njauk tui bruk pasiam veik định kỳ thun 2018; peih bruk taduan raok, abih hatai duh ka dom kapul nyaom tuai damuai mai rivang saong pahadar Wa, oh caik rah tabiak bruk hait.

2 # Capi patau Lộc Hòa  lac pandap camereip di tỉnh Bình Phước bahrau hu pok brei  angan Bảo vật negar. Capi patau Lộc Hòa hu ông Bùi Hữu Triều dok di palei  8, xã Lộc Hòa, huyện Lộc Ninh duah mboh thun 1996 dalam tuk ngak bein di sang, hu 12 candaih patau meng sit tal praong dak jiak gauk. Dom harei hadei di nan, ong daok duah mboh 14 candaih patau karei  daok jiak labik  12 candaih patau dahlau. Dom camndaih patau nan hu ngak biak gheih, hu meng labaih 3.000 thun dahlau, taih tame nyu tabiak sap ndung bak ceik glai saong sap alat ragam di bangsa,  Capi patau Lộc Hòa brei mboh bruk hu mbaok di anek menuac meng kan angaok bhum taneh  Bình Phước. 

        3  # Tổng cục Thống kê brei thau, chỉ số yaom blei pandar (CPI) bilan 8-2018 hu tagok 0,45% dut haong bilan dahlau. Hu tal 10/11 nyaom pandap saong dịch vụ hu chỉ số yaom tagok dut haong bilan dahlau, dalam nan nyaom pandap mbang saong dịch vụ mbang menyum hu tanut tagok glaong abih 0,87%. Jalan patagok mboh ralo mai meng nyaom pandap mbang menyum. Dalam nan, yaom rilo pabui tagok khang di abih dut haong bilan dahlau nan ye yaom dom janih pandap ngak meng rilo pabui jeng tagok tui; yaom njam patam tagok kayua  gaok hajan ribuk aia sua. Tok hu nyaom  bưu chính viễn thông trun hasit. Tui kuhria, chỉ số yaom blei pandar 8 bilan thun 2018 tagok 3,52% dut haong tukvak ini thun 2017.

4 # Văn phòng Tổng cục Lâm nghiệp (Mintri ngak nong song pataogk palei pala) brei thau, tuk vak jiak di ni, glai pala salih song glai pala tập trung di dom tỉnh dalam negar daok tagok samar,  yam tapa tanut batabiak. Urak ni dalam negar pala hu  130.858ha glai sản xuất. Dalam nan, glai pala bahrau lac 37.104ha, pala veik hadei di tuk kaoh mek lac  93.670ha, samu 67% bruk batabiak di thun 2018 song samu 104,5 % dut song tuk vak ni thun 2017. Ni lac sa bruk njauk uan tabuan, kayua lac dahlau deih, karja njauk dong dom tỉnh pala glai piah pacang hajao taneh klaak saoh ye urak ni, bhap bini eng drei pala glai, thau ngak  kinh tế glai song ngak kaya meng glai.

        5   # Tui dom chuyên gia y tế, pak Việt Nam hu jaik 88% urang njauk ruak ung thư gan bo makna di nyu kayua njauk viêm gan B saong C. Viêm gan nan lac makna ba tal metai lahik ralo abih dang ka dua hadei di ruak lao, ngak brei 1,34 triệu urang metai yaok thun. Tui kuhria mboh di Gah Y tế dunya (WHO), Việt Nam daok dalam bhum hu urang njaom viêm gan glaong labaih 7%, urang njaom mbak virus viêm gan B meblah 10%-20% taong abih bhap bani (jaik 10 triệu urang daok njaom mbak ruak). Abih di nyu, dalam dom thun jaik di ini, yaok thun hu 10.000 urang njauk ruak gan bahrau. Di Việt Nam, thun 2017, tui kuhria hu labaih 40.000 urang metai kayua viêm gan B saong C. Saong angaok dunya, dalam 15 thun tapa, manuac urang metai kayua viêm gan tagok tal 22%. Urak ini, Vaccine viêm gan B hu hiệu quả tal 95% dalam bruk pacang caga njaom mbak bahrau viêm gan B. Dalam tuk nan, urang njauk viêm gan C njauk nao iek ruak piah abih ruak.

        Patui di ni dom khau tin dunya:

6/ Di Đại học Toronto, daok dalam ban  Toronto di  Canada, bahrau rah tabiak  bruk tabiak mbaok baoh tapuk bahrau ka Chủ tịch Hồ Chí Minh di Tiến sĩ Nguyễn Đài Trang,  urang gam ngak Chủ tịch Hiệp hội Canada Việt Nam , urang dalam Hội đồng Thương mại Canada - Việt Nam. Ni lac boh tapuk ka 3 di Tiến sĩ Nguyễn Đài Trang vak ka Chủ tịch Hồ Chí Minh. Boh tapuk ka 3 ni hu pataom sa binah tui dom  tác phẩm nguyên bản hu mek meng Hồ sơ Lầu Năm Góc kayua trajaei  Mỹ ba tabiak di thun  2011, hu dong ka urang puac tapuk, abih di nyu nan lac urang negar langiu thau jang ka anek menuac song drap ar di  Chủ tịch Hồ Chí Minh. 

       7 # Akaok Mentri Quốc phòng Nga Sergei Shoigu brei thau jaik 300.000 binh sĩ saong labaih 1.000 sruh kapal haok quân sự gam haong yaok pluh ribau sruh radaih thiết giáp hu mbaok dalam mbang pathram trận prong hu angan lac Phương Đông - 2018 tui kuhria meda rah tabiak meng harei 11 tal harei 15-9 anak tal. Ini lac mbang pathram trận prong abih kuhria meng thun 1981. Dalam dom vaktu di mbang pathram  trận daok hu mbaok di dom gah bol lin Trung Quốc saong Mông Cổ. 

   8  # Trung Quốc, negar hu rilo menuac abih di dunya, dok kuhria brei padeih bruk takik ndih tapui di dom gu duik pasang. Makna kayua bruk ndik tapui beir song urang ngak trun takik. Trung Quốc brei pacadu bruk kế hoạch hóa gia đình dalam dom thun jiak di ni min oh ka  ba tabiak ngak jeng adat hukum. Dalam thun 2016, rajaei brei adat ka dom duik pasang di  hu 2 urang anek, oh daok lac 1 urang anek yau sarak ba tabiak meng thun 1979