1 # Harei 9/6, Quốc hội caik sa harei piah ginum biai di hội trường ka taong yaom pabak bruk ngak hu dalam patgok kinh tế xã hội saong kadung jien karja thun 2016; bruk peih ngak danak dak patagok kinh tế xã hội saong kadung jien karja dom bilan akaok thun 2017. 

 2/ # Tui panuac khan di mintri pato megru, thun ni, dalam negar hu jiak 635 ribau thí sinh tut angan tame xét tuyển nguyện vọng 1 tame dom sang bac đại học, dalam nan khối gah kinh tế hu 80 ribau thí sinh tut angan tame xét tuyển, tagok 12,6% dalam tong abih thí sinh. Patui di nan lac nyaom gah ngôn ngữ- ilamu negar langiu, song labaih 42 ribau thí sinh tut angan, Nyaom gah pato pakai gru pato  hu labaih 39 ribau thí sinh tut angan.  Meng bruk palih ruah gah  tut angan xét tuyển di thí sinh brei mboh, dom adei palih ruah gah drei takre song pabak tame darka pasa urang ngak.

         3 # Tui panuac khan di Phó giám đốc Sở pato megru tỉnh Đồng Nai Trương Thị Kim Huệ, mbang pakach tame tal 10 hu rah tabiak dalam siam mekre, njauk adat hukum. Meng ini tal harei 17/6, Sở pato megru peih bruk chấm thi saong brei thau kết quả di 21 sang bac hu peih bruk pakacah.

4/ # Urak ni tỉnh Quảng Trị hu 23/32 po kapan  hu hợp đồng ngak kapan bahrau tui NĐ 67 di rajari ka dom sarak patagok kaya ika, dalam nan 17 hu ba tame pandar, 81 kapan hu pasiam veik. Hadei di tuk môi trường tasik hu dấu hiệu pasiam gilac veik, urang tong chap tỉnh Quảng Trị kham merat tabiak tasik livik harei, ba mai kein liba kinh tế glong, rai duik hu tani tanat. 6 bilan tapa  sản lượng tong chap kaya ikan di tỉnh Quảng Trị mek hu 10.500 tấn, tagok 20% dut song tuk vak ni thun dahlau

.

5# Hadei di labaih 1 thun rah tabiak bruk  jhak tasik, meng hu bruk kham merat di Rajaei, dom mintri, dom gah di trung ương saong karja palei, bruk jhak tasik di dom tỉnh bhum kreh negar hu siam veik biak rilo. Ta-en Quảng Bình,meng akaok thun tal ini, hu raok labaih 1 triệu 500 ribau mbang tuai damuai mai rivang me-in, padeih padei, rilo jang 17% dut saong tukvak ini thun dahlau. Dalam nan tuai dunya hu 27.000 mbang, jien mek tame meng bruk du lịch hu jaik 221 tỉ đồng, tagok 23%. Meng hu yau nan, tuai hu sahnang hatai tuk nao du lịch dom tỉnh bhum kreh negar jeng yau di tinh Quảng Bình.

 6/ # Di Đăk Nông, Pasak pachreih nong pakat negar pambuak bruk song  Sở ngak nong song patagok palei pala tỉnh peih  diễn đàn pachreih nong @ ngak nong song angan: “Jalan patagok am riak kalu khang kajap”. 200 urang nong pala am riak kalu di 7 tỉnh hu taneh am riak kalu prong abih dalam negar hu ginum biai rilo jalan ngak di gah. Dom chuyên gia hu ba tabiak brei thau bruk roh duah, dom jalan patrun di bruk pandiak di angaok phun am riak kalu, rilo ilamu dalam bruk pala drak, xử lý, pacang caga jit ruak di angaok phun am riak kalu jeng hu ba tabiak klah rabha di mbang ginum biai.

7# Harei pataom Phim Tài liệu châu Âu – Việt Nam mbang ka 8 hu rah tabiak di Hà Nội saong ban raya Hồ Chí Minh meng harei 09 tal harei 18/6 tal , hu mbaok 10 taneh ia. Harei pataom thun ini hu yaih khan 31 phim tài liệu gheih di abih ngan saong rilo kadha, meng ilamu, xã hội, kinh tế tal môi trường. Dalam luac 10 harei rah tabiak, urang hu maong iek yaok melam sa 1 phim tài liệu di Việt Nam saong 1 phim tài liệu di dunya. Lingiu di nan, 11 phim di dom tác giả độc lập jeng hu yaih khan di dom mbang chiếu karei.

Patui di ni dom khau tin dunya:

8/ # Hãng thông tấn trung ương Triều Tiên KCNA harei  9/6 brei thau, urang dang akaok  Kim Châng-un nao tui iek bruk  chuh iek tên lửa chống hạm bahrau patagok di negar ni.Tui hãng tin ni, janih tên lửa bahrau lac sa  “vũ khí quân sự khang piah taong tame dom kapal mesruh di đối phương dok kham merat tấn công quân sự Triều Tiên.”

9# Đức sanya pabak 3,5 triệu ơ-rô piah daong pasiam labik daok, bruk mbang huak ka urang tỵ nạn di Libi. Ngoại trưởng Đức Sic-ma Ga-bri-en brei thau, rilo menuac di cư di Libi daok tuyệt vọng. Tui ong Ga-bri-en, 3,5 triệu ơrô lac jien daong pabak lingiu jien rik tame biak praong di Đức dalam abih tih 100 triệu ơ-rô di danak dak daong di châu Âu hu gah Di trú quốc tế khik ramik, ba pandar piah pasiam labik mbang labik daok di dom pasak tỵ nạn. 

10 # Dom urang cứu hộ Mianma harei  9/6 hu srong tagok  29 urang metai di kapal haok laik  di bhum tasik gah merong negar ni. Dom urang metai nan, hu 21 urang prong song 8 uranaih  hu  gahhải quân song urang tong chap ikan duah mboh di tasik An-đa-man jiak ban sit tapen tasik La-ung-lon (Launglon)./.