# Thủ tướng Rajaei Nguyễn Xuân Phúc bahrau mboh tangin tame dom quyết định tabiak bruk kỷ luật ngan haong dom ong: Trần Việt Tân, Thượng tướng, urang dahlau diah ngak Thứ trưởng Bộ Công an saong Bùi Văn Thành, Trung tướng, Thứ trưởng Bộ Công an. Tui nan, oh brei daok ngak Thứ trưởng Bộ Công an vaktu 2011-2016 ngan haong ong Trần Việt Tân, urang dahlau diah ngak Thứ trưởng Bộ Công an; cách chức Thứ trưởng Bộ Công an ngan haong ong Bùi Văn Thành.  Thủ tướng jeng hu mboh tangin tame Harak pathau tagok Akaok negar brei trun cấp bậc hàm meng Thượng tướng trun Trung tướng ngan haong ong Trần Việt Tân saong brei trun cấp bậc hàm meng Trung tướng trun Đại tá ngan haong ong Bùi Văn Thành.

# Piah khik hu khang kajap công trình saong gah ala binek di công trình thủy điện, gam piah pacang caga dom bruk kan kandah rah tabiak,  harei 9/8, UB bhap bini tỉnh Binh Thuan hu harak van ban tacei pato dom palei brei patagok bruk khik iek, pathau khan, kakei dahlau, khik binek ia thủy điện hu kajap dalam bilan hajan, Tui nan, Ub bhap bini tỉnh eiw dom huyện hu sang máy, binek ia, labik ala binek, pambuak bruk pasang iek saong daong dom đơn vị khik iek sang mac thủy điện, urang khik iek binek kavei ia thủy điện, iek veik, pagam pabak veik hệ thống dut iek dahlau di gah ala, di dom labik kraong ia mbuan ba theik piah bhap bini plaik njiak tuk tapa kraong, craoh dalam tuk tathuak ia sua.

# Harei 9/8, Jabat Cảnh sát điều tra, Công an bal raya Hồ Chí Minh brei thau lac tabiak quyết định khởi tố bị can saong mek kareik tạm giam ong Nguyễn Quốc Tuấn - Akaok ban khik iek chung cư Carina piah duah thau ka bruk "ngak suan adat adat hukum ka bruk pacang caga khuah". Chung cư Carina daok di phường 16, Quận 8, Bal raya Hồ Chí Minh. Dahlau di nan, harei 26/3, Jabat Cảnh sát điều tra, Công an Thành phố Hồ Chí Minh hu khởi tố vụ án ini. Dalam tukvak pasang iek, gah chức năng brei thau ka makna ba tal mbang khuah nan lac kayua sự cố chập điện meng sruh radaih Attila dalam hầm caik radaih. 

          # Jabat Cảnh sát điều tra Cong an tỉnh Tiền Giang hu ba tabiak kaok tui adat, mek kreik Phan Văn Dũng  umo 54 thun, daok di TP.HCM; Nguyễn Văn Uần, umo 39 thun, daok Đắk Lắk piah điều tra bruk meblah mek drap ar. Di jabat điều tra, Dũng khan lac harei 28/7, Dũng saong dom urang karei nao duah taom sa urang jakar Phòng CSGT jalan mbak Công an tỉnh Tiền Giang jao brei clip lac dalam nan hu tavak veik bruk ngak suan di gah CSGT dalam tuk ngak bruk. Hadei tuk gilac veik mai sang, Dũng iew phone ka urang CSGT nan gham  chap urang brei 250 triệu đồng, meyah oh brei jien meda cih bai tagok mbao saong payua clip ka Ban nội chính Tỉnh ủy Tiền Giang. 

# Bhap bani urang Mông daok angaok tabung đèo Pha Đin dalam xã Tỏa Tình, huyện Tuần Giáo, tỉnh Điện Biên daok yam tame bilan paik baoh sơn tra (daok iew lac baoh táo mèo). Phun sơn tra hu pala angaok mblang taneh Tỏa Tình atah di ini labaih 20 thun. Meng blang taneh dom hécta akaok mereip, tal ini xã hu labaih 140 ha phun sơn tra. Gam haong phun cà phê, sa nhân, phun sơn tra hu jeng janih phun pala ralo di abih daong ka urang Mông di Tỏa Tình tapa truh kathaot, ba mai phun jien mek tame tani tanat.

          Patui di ni dom khau tin dunya:

          # Dalam 40 thun tapa, HIV/AIDS ngak brei labaih 35 trieu urang metai di dunya ini. Tui Gah Y tế dunya eiw lac WHO, kuhria tal puac thun 2017, jaik 37 trieu urang daok ndung ruak HIV dalam rup. Thun 2017, hu 940.000 urang di dunya metai nao kayua ruak HIV saong sa trieu 8 rituh mbang urang njom ruak birau. Dalam nan, 59% urang praong umo saong 52% uranaih ruak HIV hu iek ruak meng jru retrovirus (ARV) luac rai. Hu mboh dom siam lagaih dalam bruk kham merat pacang cakak njom mbak HIV/AIDS, min tui ong Michel Sidibe, Giám đốc Danak pambuak bruk di Liên hiệp quốc ka HIV/AIDS, bruk mesruh saong ruak ini daok dang di tukvak kan kandah kayua thun halei jeng hu urang njom ruak birau.

# Yam tapa 50 thí sinh mai meng dom taneh aia saong bhum taneh, urang siam binai Việt Nam Phan Thị Mơ mek hu angan Hoa hậu di mbang pakacah Hoa hậu Đại sứ Du lịch Dunya thun ini dalam melam chung kết rah tabiak di Thái Lan melam 8/8. Ini lac thành tích siam abih di Việt Nam dalam mbang pakacah sắc đẹp ini. Phan Thị Mơ ndih tapui thun 1990, palei daok di Tiền Giang. Anai glaong 1m72. Anai daok mek hu giải phụ "Angui cuk khan ao meyaih khan Du lịch siam di abih" dalam mbang pakacah. 

# Melam 8/8 tui tukvak di VN, Mentri Ngoại giao Mỹ khan lac meda ba bruk trừng phạt birau tagok Nga meng harei 22/8 anak tal, hadei di tuk thau lac Nga pandar jru mek thần kinh ngak metai anek ame Sergei Skripal lac urang Nga dahlau diah ngak điệp viên pak negar Anh harei  4/3. Tui bruk trừng phạt nan, Nga oh hu Mỹ pablei dom janih pandap meda hu pandar gah quan su, piah khik an ninh taneh ia. Yau nan min, dom janih pandap karei karei yau ye bruk ngak di không gian, pambuak bruk không gian pakat rajaei, dom gah karei pambak tal bruk brei salamat bruk pablei salih tui jalan haok par… hu Mỹ maong iek veik yaok bruk ka cambaic laic njak  trừng phat atau oh./.