#/ Tỉnh Điện Biên hu ba tabiak bruk ngak lac tal abih thun năm 2020, dalam tỉnh hu 35 xã mek hu dom tanut praong di xã palei pala bahrau. Tui nan, tal abih thun 2020, dalam tỉnh HU 2/10 pakat huyện ngak salah bruk padang ngak palei pala bahrau, hu 35 xã mek hu tanut di xã palei pala bahrau (meng 15-19 tanut) oh dok xã ala 5 tanut. Jien mek tame kuhrai tui akaok menuac hu labaih 19 triệu đồng yaok thun. Piah ngak hu bruk ni, tỉnh ĐB hu ba tabiak rilo jalan ngak yau patagok bruk ngak di mban tacei jalan dom paka, peih bruk giao ban song mban tacei jalan huyện, x, piah samar langyah dom kan kandah dalam tuk peih ngak.

#/ Mban bangsa tỉnh Cao Bằng barau peih 2 tal pasram megru paglaong ilamu ka 160 urang hu angan je dalam bhap bini bangsa takik. Tal pasram megru nan piah paglaong ilamu saong patagok bruk ngak di urang hu angan je dalam bhap bini; patagok bruk ngak po di bhap bini, rik daong khai thác tiềm năng, dak harei dak salih barau saong paglaong rai diuk mbang ngui daok dang di bhap bini.

# Piah peih prong labik main sambai siam mekre, kein lagaih ka dam dara uraniah, Thành đoàn, Hội đồng Đội ban  Hà Nội urak ni dok pambak prong “mblang main puac adit” tal dom huyện, quận di ban ine. Danak dak hu dong ka dom adei main sambai dalam dom harei puac adit, hu mbaok tame dom kadha main bhap bini, bac ngak urang siam, khik caga môi trường, pabak kỹ năng sống,  doh tamia. Danak dak “ Mblang main puac adit” taduan hu bruk pachreih tui di dam dara uraniahi ban ine jang yau dom amaik ame.

#/ Tui đề án patagok cà phê khang kajap, tal thun 2020, tỉnh Đắc Lắc brei patakik pablei tabiak negar langiu cà phê asar, patagok sản lượng cà phê pablei tabiak negar langiu, pablei dalam taneh ia hu tapa chế biến bloh meng 14 tal 15% dalam abih tih sản lượng cà phê asar dalam yaok thun piah patagok giá trị gia tăng, patagok jien mek tame ka urang ngak cà phê. Tỉnh jeng hu sarak pachreih, daong dom doanh nghiệp dalam, langiu taneh ia padang ngak dom sang mac hana chai, chế biến cà phê tapung, cà phê hòa tan hu công suất yaok thun meng 700 tấn sản phẩm tagok.

#/ Di tỉnh Đắk Nông urak ni hu 21 kapul ngak bruk jak ba bhap bini padang ngak cơ sở, ngan song 87 urang ngak bruk di 25 xã, phường, ban sit dalam 6 huyện, ban sit. 5 thun tapa, dom kapul ngak bruk samar thau bruk di bhap bini, dong padang talei jum pataom tong abih bhap bini, padang bruk chính trị cơ sở khang kajap.

#/ Hadei di 5 harei rah tabiak ngan saong bruk parang iek chreih chrai, melam 11/12, harei pataom kalangdunya mbang ka VII thun 2016 hu tamat bloh. Hu mbaok tame harei pataom kalang dunya mbang ka VII thun 2016, hu 94 nghệ nhân kalang, dalam nan hu 64 nghệ nhân kalang negar langiu mai meng 23 taneh ia saong 30 nghệ nhân mai meng dom klup kapul kalang gah brak – bhum kreih negar – gah meraong di VN.

#/ Dalam 2 harei 15 song 16/12     harei pataom ilamu thể thao dom bangsa tỉnh BT thun 2016 ngan saong kadha “ Khik ramik song patagok ilamu dom bangsa BT dalam tuk vak ba drei tame dunya” Harei patom hu rilo bruk ilamu, thể thao chreih chrai yau doh tamia bhap bini, parang iek khan aow bangsa, yaih khan dom  rija meng kan tui jalan sân khấu hóa. Lingiu di nan, lac dom janih pakacah yau nduac việt dã (likei, kamei), jhul gaiy ( likei, kamei) dui co likei kamei.

Patui di ini dom khau tin dunya:

#/ Rajaei Cuba saong Liên minh châu Âu harei 12/12 hu mbaoh tangin tame harak sanya pambuak bruk saong đối thoại chính trị dua gah. Ini lac mbang akaok meti hadei di jaik 2 pluh thun oh mbak carak haong gauk. Harak sanya nan hu hu iek lac rik daong jhul pakhang jang talei pambuak bruk di liên minh châu âu saong cuba, abih di nyu nan lac dalam gah pablei salih saong patagok. Hadei di harak sanya ini, liên minh châu âu hu buh jien tame c

#/ Liên minh châu Âu  harei 11/12 hu mbaoh tangin tame harak sanya song rajaei Mali daong palagaih ka bruk hồi hương dom urang di cư oh brei tỵ nạn. Meng harak sanya ni, Liên minh châu Âu meda dong jien piah Mali ba bruk ngak ka dam dara song patagok pren khang ka gah lực lượng an ninh. Abih tih hu 9 dự án song yaom jien abih tih labaih 145 triệu đôla hu daong brei. Mbang akaok meti, dom urang ngak di rajaei Mali meda nao tal dom negar di Liên minh châu Âu   piah dong xác định lý lịch urang di cư.

#/ TQ meda padeih blei dhan di Triều Tiên, yau sa bruk dalam sarak di hội đồng bảo an LHQ piah pacang cakak Bình Nhưỡng patagok danak dak vũ khí hạt nhân. Di dom website di drei, Mintri pablei salih saong Tổng cục Hải quan Trung Quốc brei thau Bắc Kinh meda ba tabiak bruk oh blei dhang meng harei 11 - 31/12 tui hukum pablei salih haong negar langiu di TQ, piah peih ngak Sarak 2321 hu hội đồng bảo an LHQ brei tapa./.