1#Bilan padai Hè thu ini, urang ngak nong dom tinh, ban gah meraong trun pajaih hu labaih 1,5 triệu ha. Tapa rivang iek hamu, mboh hu labaih 6.200 ha padai njaom ruak katam hala, bilik hala, dalam nan hu labaih 2.500 ha padai njom ruak trak, rilo meng lac di dom tỉnh:  Đồng Tháp, Long An, An Giang, Hậu Giang, Tiền Giang… Thạc sĩ Lê Quốc Cường, Giám đốc Pasak khik caga phun pala gah meraong- Cục  khik cga phun pala, Mintri ngak nong saong patagok palei pala , lac: Piah pacang ruak katam hala, bilik hala, dahlau di abih kok drei njauk tui iek jalan nao di rầy nâu meng bruk caik gom pataom mek rầy nâu. Dom puk palei njauk sangka caik gom tui iek piah samar khan ka mikva urang ngak nong thau lac trun pjaih tukvak halei piah njaik hu anek rầy. Njaik rầy meng akaok vụ, piah plaih khat lihik kayua ia mbak, plaih hu ruak katam hala, bilik hala.

2/ # Lac  tỉnh hu anek saih pakacah rilo abih di  Tây Nguyên, Đăk Lăk dok kham merat caga abih janih ka mbang pakacah Trung học phổ thông pakat negar  2017. Khik caga siam mekre ka anek saih mai pakacahlac bruk hu tỉnh caik hatai sangka. Ong Thái Văn Tài, Phó Giám đốc Sở pato megru tỉnh Đăk Lăk brei thau:

         Ban tacei jalan tỉnh hu tacei pato Ủy ban bhap bini dom huyện hu jalan pandar dom cơ sở vật chất di sang bac bangsa gam bac gam dok, dom khu bán trú dân nuôi piah mek labik ka dom adei khin dok veik ye caga duh ka dom adei. 

3# Meng thun bac 2013 - 2014 tal urak ini, ban raya Hồ Chí Minh hu miễn jien bac brei ka labaih 4.488 anek saih bangsa Chăm saong Khmer saong yaom jien daong 3 tỷ meteh. Daong jien bac ka 339 sinh viên urang bangsa takik sang kan kathaot saong jaik si kan kathaot tui yaom jien labaih 1tỷ meteh… Ong Ngô Văn Triển – Trưởng Ban Dân tộc ban raya HCM brei thau

Ban Dân tộc hu peih rilo nyaom biai piah pato pasram tal dom urang jakar meng tổ dân phố, khu phố, mặt trận, dom kapul nyaom. Ka dua  Ban Dân tộc hu ngak tabiak baoh tapuk tài liệu payua tal dom baoh sang piah ka bhap bini thau cambaih jang dom sarak.

4/ #  Tui panuac khan di urang dok di  bến thủy nội địa di huyện Vĩnh Cửu , tỉnh Đồng Nai, dom harei jiak di ni hu mboh dom sà lan pataok tame bến piah pajeng rilo haluk tabiak langiu tỉnh.  Lambaok Phòng Tài nguyên – Môi trường huyện Vĩnh Cửu ndom lac, haluk nan hu mek meng dom  mỏ patau, dok pajeng nao halei oh thau. Tui ong Nguyễn Cảnh Tiến, Trưởng phòng Khoáng sản, Sở Tài nguyên – Môi trường tỉnh, meyah  haluk ni mai meng mbaok haluk dom mỏ patau di labik nan lac  hu brei adat, meyah haluk oh lac meng  mỏ patau  pajeng nao labik karei brei hu  adat.

5# Sở Jalan mbak Pajeng ba tỉnh Tây Ninh brei thau, daok pasang iek, duah labik padang ngak18 mbaik tatua tui Danak dak padang ngak tatua dân sinh saong khik ramik drap ar puk palei hu Mintri Jalan mbak pajeng ba brei adat ngak, tui yaom jien abih tih lac 53 tỷ đồng. Tui nan, dom labik padang ngak tatua lac dom dom bhum bhap bini bangsa daok di dom huyện bhum atah bayah, bhum taphia negar. Bruk ngak tatua ini piah daong palagaih ka bruk nao mai, bac da-a saong pablei salih di bhap bini bhum bangsa takik nao mai kan kandah.

 6/ # Bilan 6 – bilan hu kadha ndom ka uranaih, palei ilamu - Du lịch dom bangsa  Việt Nam (Đồng Mô, Sơn Tây, Hà Nội) peih rilo bruk pamong tal uranaih Việt Nam ngan saong kadha Uranaih song ilamu meng kan dom bangsa. Bruk njauk caik hatai nan lac , dalam bruk ngak ni, bhap bini bangsa  Raglai mai meng  tỉnh Ninh Thuận hu parang iek trích đoạn Lễ Bỏ mả di bangsa Raglai dalam melam 25/6 anak tal.

7# Tapa 11 harei rah tabiak, harei pataom baoh kayau Nam bộ 2017 taduan raok hu labaih 250.000 mbang tuai dalam saong lingiu negar mai rivang iek, tapa nan mboh lac tuai hu rilo jang 10% dut saongtukvak ini thun 2016, dalam nan, tuai dunya tagok labaih 12%.

Patui di ni dom khau tin dunya:

8/ # gah dong duah urang njauk bala di takai tasik Tây Ban Nha brei thau, harei 11/6 daong hu  54 urang di cư, dalam nan hu 2 anek kama, tuk dom urang ni dok duah jalan tapa tasik  Địa Trung Hải di angaok kapan sit di khol pablei salih menua. Kapan pajeng urang di cư, dalam nan hu 13 urang kamei hu sa kapan pajeng pandap duah mboh di bhum tasik gah  pai  tasik  Gi-bra-ta (Gibraltar).

          9 # Harei 11/6, dom urang jakar ngak praong di Arập Xê-út khan lac, taneh ia ini hu 35 urang njom virút Cô-rô-na (Corona) ba tal Hội chứng Hô hấp bhum Trung Đông (MERS) dalam 15 harei tapa, dalam nan hu 28 urang njom virút di dom labik y tế. Yaom lac hu bloh jalan iek ruak ka urang njom virút Hội chứng Hô hấp bhum Trung Đông (MERS), min virut ini jeng meda ngak ka urang metai meyah pren yava di urang ruak oh siam.

10 # Tapa pasang iek tuk camereip dalam mbang palih ruah Hội đồng xã, phường meng bloh, đảng bhap bini Campuchia meblah hu labaih 70% dom xã, phường dalam abih tih 1.646 xã, phường dalam negar, dok veik nan di đảng Cứu Quốc.  Urak ni, Ủy ban Bầu cử dok samar langyah harak pathau khan di dom đảng, tal harei  25-6 anak tal, brei thau cambaih ka bruk piloh ruah ini./.