1# Di Viện Dân tộc học, Viện Hàn lâm Khoa học saong Xã hội Việt Nam bahrau rah tabiak nyaom biai Dân tộc học thun 2017 ngan saong kadha “Dom bruk bangsa, tộc người cơ bản, njauk ngak chip di bhum tapen negar taneh ia drei urak ini”. Nyaom biai piah pasang iek, taong yaom njauk dom bruk, dom kadha njauk ngak chip piah patagok khang kajap dom bangsa di bhum tapen negar taneh ia drei.

2 # Di  Hà Nội, urang dang akaok  Ủy ban bangsa   bahrau hu var taom gaok kapul urang hu angan je dalam mik va bangsa takik  tỉnh Bà Rịa - Vũng Tàu dalam tuk kapul tabiak rivang, bac megru ilamu di dom tỉnh, ban gah brak Thứ trưởng, Phó Chủ nhiệm Ủy ban bangsa  Nông Quốc Tuấn tong yaom glong bruk ngak di urang hu angan je dalam bhap bini bangsa takik tỉnh Bà Rịa - Vũng Tàu tuk vak tapa song cong khin dom urang hu angan je     di tỉnh tagok bruk khik ramik jum pataom bhap bini, dong tani tanat an ninh chính trị, patagok kinh tế - xã hội di  tỉnh.

          3 # Tỉnh Điện Biên bahrau tabiak bruk brei pabak jien kinh phí thun 2017 daong bruk bac da-a ka uraniah, anek saih dom bangsa takik labaih 3,1 tỷ đồng. Jien daong nan hu kaoh tabiak meng kadung jien karja T.Ư pabak brei kadung karja tỉnh, ban saong tạm cân đối meng kadung jien peih ngak sarak an sinh xã hội karei hu T.Ư buh brei daok labaih, tuk hu T.Ư pabak brei ye bayar veik.

4 # Thun ni, tỉnh Yên Bái hu labaih 15.000 urang kamei hu pasram megru klah rabha ilamu rong glang, pala drak, labaih 30.000 urang hội  hu mesraiy phun jien di gilang pariak sarak karja piah tagok kinh tế. Tapa nan, hu jiak 1.000 urang  hội tabiak truh kan kathaot, dalam nan hu rilo urang hội lac urang kamei bangsa takik

5 #Harei 13/12,  kapul pasang iek di Phòng Cảnh sát giao thông, Công an tỉnh Đắk Lắk hu mboh angaok sruh radaih gường nằm hu BKS: 47B- 011.32 hu pajeng ralo saong kayau oh thau asal di nyu. Sruh radaih pajeng tuai ini  hu pajeng 105 Kg ralo athur saong 4 blah kayau trak 54kg. Taong abih dom ralo saong kayau nan oh hu harak gar. Urak ini, bruk nan hu ba tgaok Công an huyện Krông Pắk piah duah thau saong langyah. 

6 # Thun ni di  ban HCM, ruak pandiak tabiak darah hu biak avar, dui atah song rah tabiak khang jang dom thun dahlau. Urak ni, ban raya hu  18 ribau 600 mbang urang tame sang iek ruak , dalam nan hu  6 urang metai kayua pandiak tabiak darah song dom urang ruak daok hu rilo jang. Yaok adit hu labaih   300 mbang urang  tame sang iek ruak

7#Di Văn Miếu - Quốc Tử Giám (Hà Nội) daok rah tabiak parang iek “Lung linh sao Khuê”, yaih khan dom yaom glaong di 82 mbia tiến sĩ. mBia tiến sĩ lac akhar vak angaok patau, brei thau angan dom urang khoa bảng đỗ đạt piah: pok meyaom patao biai, karja phong kiến tuk nan, pok paglaong Nho học; pok angan dom urang đỗ đạt; pato kakei dom kẻ sĩ. Dalam 4 kadha nan, panuac pato kakei kẻ sĩ lac gheih di abih di 82 blah mbia. Parang iek rah tabiak tal tapa  Tết Mậu Tuất 2018. 

Patui di ni dim khau tin dunya:

8 # kuhria mboh dahlau, brah pablei tabiak negar langiu di  Thái Lan thun  2018 trun jang dut song thun ni, trun daok  9,5 triệu tấn kayua jien Bạt tagok yaom. Kuhria meng akaok thun tal harei 11/12/2017, Thái Lan hu pablei tabiak negar langiu 10,3 triệu tấn, tagok 16,3% dut song tuk vak ni thun dahlau. Tui  ong Chạ-rơn (Charoen), Akaok Hiệp hội dom urang pablei brah tabiak negar langiu  Thái Lan brei thau, bruk jien  Bạt tagok yaom meda pambak tal bruk pablei brah tabiak negar langiu di negar ni dalam thun  2018. 

9#Di ban ine Viêng chăn (Vientiane), hu rah tabiak bruk peih pakak saong jao Xưởng in Nhà xuất bản saong  patabiak tapuk negar Lào. Nan lac bruk ka dua hu Đảng, Karja saong bhap bini Việt Nam alin hadiah ka Đảng, Karja saong bhap bini Lào dalam gah xuất bản in, phát hành tapuk. Bruk nan jeng brei mboh hatai anit ranam gauk di dua taneh ia Việt Nam-Lào.

 10 # Dok labaih sa adit tra, urang Nga hu taduan raok thun bahrau 2018 song Giáng sinh. Dom harei ni, di dom ban di Nga dalam nan hu ban ine Matxcơva, bruk kuhria caga biak chreih chrai. Grauk labik , meng dom labik sang dok tal dom cửa hàng, pasak pablai salih, dom nyaom darak pasa, mblang bein....jeng hu phun  thông prong, sit  ginup abih , hu tual dom quả cầu rilo sambo, gom hadah tanyah. Rilo menuac song bui sambai di abih lac labik  Quảng trường Đỏ, Cửa hàng bách hóa prong./.