Khau tin page mesup harei 15/1

VOV TPHCM-12/1

1#Phó Thủ tướng Vũ Đức Đam hu panuac pandar Mintri VH-TT-DL saong dom tỉnh ban, lingiu di sangka patagok du lịch daok brei sangka iek praong bruk khik ramik ilamu, baoh sang, abih di nyu nan lac pasiam veik dom tavak tavaiy dalam tuk peih ngak rija roya, bruk suy thoái đạo đức. Thun 2018 njauk ramik veik ka pahu. Oh caik brei rah tabiak dom bruk ngak brei urang mboh mahu jien ndo dalam dom rija, roya

2 #Tui mban peih ngak danak dak Harei patom bingu mai anh đào Đà Lạt 2018, hu pataom tame yaih khan dom labik bingu mai anh đào piah ka tuai damuia thau mai rivang iek, oh iek prong gah adat cambat. Dom labik mai anh đào hu pataom di tapen danao Tuyền Lâm, taom dar danao Xuân Hương, phố bingu mai anh đào (dom jalan pala rilo bingu mai anh đào).Tui kuhria, harei patom bingu mai anh đào 2018 hu peih tabiak meng harei 20/1 saong dui atah tal tuk halei abih bingu

3# Tal urak ini, taong abih dom radaih di bhap bini, di kapul nyaom, doanh nghiệp daok jaik trạm thu phí di tỉnh Bình Thuận dalam bán kính 5km jeng hu trun yaom jien pandar jalan. Dalam nan radaih buýt trun abih yaom jien, radaih oh ngak mbang gah pajeng ba trun meteh yaom jien, dom radaih karei trun 40%.

4#Ubbhap bini ban raya HCM bahrau hu harak pandar akaok UB bhap bini dom quận - huyện samar peih bruk pasang iek , brei padeih dom labik khik radeih di angaok vỉa hè dalam quận huyện di drei dalam quý I-2018.Meyah doanh nghiệp hu panuac likau eng drei peih bruk khik radeih brei saoh ye Ubbhap bini quận, huyện iek tui bruk caong khin,tui labik song dom bruk karei pagam tal piah pasang iek, brei adat peih ngak dalam sa tukvak halei nan

5# Di Đồng Tháp, sang sa-ai Huỳnh Thanh Khoa (xã Tân Thuận Đông, TP Cao Lãnh) daok samar iek glang pa-ok hu sarak akhar haroh thư pháp yau: Xuân Mới, Phát Tài, Phát Lộc, Vạn Sự, Như Ý, An Khang, Thịnh Vượng… saong pa-ok sarak 1 akhar haroh atau sarak hình bản đồ Việt Nam; ini hu maong lac pandap pablei Tết biak hu yaom. Tui kuhria, yaom pablei meng 200.000 - 300.000 đồng sa baoh pa-ok hu sarak akhar haroh thư pháp…

Patui di ni dom khau tin dunya

6#Dom urang khik ramik song urang jakar di dom bang tapen tasik di negar Mỹ daok ngak catang karja Tổng thống Donald Trump ka bruk oh brei mek menyek di langiu tasik DOM bang ni.Reuters brei thau , bruk ni meda ngak kan kandah tal kham merat di Tổng thống Donald Trump dalam bruk peih prong bruk mek menyek langiu tasik.

7#Tui Reuters, dalam 20 thun tal, hu gac yaok triệu menuac di dunya, abih di nyu nan lac di Mỹ saong dom bhum karei di châu Á, châu Phi saong Trung Âu dang anak bruk mbuan si hu ia dauk ia sua meng kraong kayua hajan rilo mai meng bruk baoh taneh daok pandiak tagok.Ini lac roh duah di dom urang ilamu Viện roh duah ảnh hưởng khí hậu Posdam.

8 #Harak mbao negar langiu bahrau brei thau, Ấn Độ kuhria pah mblang kapan haoh takik tuai abih di dunya di Sri Lanka, dalam tuk Sri Lanka dok caga joa ka Trung Quốc tui iek pabah lange tasik jar var abih di dunya. Dom chuyên gia địa chính trị dunya mboh lac, bruk ini, lac dom kham merat piah tui iek gauk di 2 negar praong ini.