1# Ong Nguyễn Thế Kỷ , urang pan akaok rayo sap ndom  Việt Nam bahrau taduan raok ong  Bơ-nát Lo-tho-la-ri (Bertrand Lortholary), Đại sứ Cộng hòa Prang di Việt Nam. Ông  Bơ-nát Lo-tho-la-ri brei thau hatai caong jhul khang talei pambuak bruk di Rayo sap ndom VN haong daom gah truyền thông Prang piah jhul patagok bruk thau gauk, peih praong bruk taom gaok ilamu nao mai, ngak brei thau gauk jang di bhap bini dua taneh ia

2 # Tui urang dang akaok  tỉnh Lai Châu, tỉnh hu sarak dong piah pambak prong kalup kapul,  nyaom doh tako  di dom  xã, palei, piah khik ramik song pasiam veik, patagok ilamu meng kandi bangsa .

3#Piah khik tani tanat yaom kaom pandap panda pablei Tết Nguyên đán Mậu Tuất 2018, tỉnh Ninh Thuận hu brei mesraiy 18 tỷ đồng oh mek laba daong ka 4 doanh nghiệp caga pandap pablei tuk Tết. 

4 # Tết Mậu Tuất 2018, tỉnh Trà Vinh hu  7 doanh nghiệp halan hatain tame  “Danak dak tani tanat yaom kaom darak pasa Tết”. Tui kuhria, hu 20 labik pablei pandap tani tanat yaom kaom song dom janih pandap  yau: menyek mbang, bột ngọt,  gas, xăng menyek, ia tasau, pandap mbang chế biến. 

5# Tui kuhria mboh dahlau dalam tukvak 2016 – 2020, bruk pablei rai di ban raya Hồ Chí Minh tagok hu 8,5% yaok thun, samu 750.000 tỷ đồng (lac labaih 32 tỷ USD)tal thun 2020; dalam nan gah pablei rai hu takik di abih lac labaih 40%.

6 # Tui Sở Ilamu TT&DL Cần Thơ, tui kuhira tal abih thun ni, Cần Thơ hu taduan labaih 7,5 triệu tuai damuai  mai rivang, tui kuhria  abih tih yaom jien hu meng bruk  du lịch dalam thun lac  labaih 3 ribau tỉ đồng. Dalam nan tuai damuai ndih veik labaih  2,2 triệu tuai, tuai negar langiu ndih veik lac 300.000 urang

7# Chủ tịch UBND tỉnh Bến Tre brei thau, piah patagok rilo janih du lịch pambuak saong pren khang di drei, pambuak haong siam lagaih di lingik tasik, taneh riya, ilamu, anek menuac Bến Tre, tỉnh brei ngak dahlau dom bruk, dom dự án hạ tầng pambak tapak tal bruk patagok du lịch, piah pachreih urang buh jien tame ngak mbang gah du lịch.

Patui di ni dom khau tin dunya

8 # Lotte, gah pablei rai duah hu pok jien prong dang ka 3 di  Hàn Quốc  bahrau khan lac brei padeih pablei pakao hala di thun anak, dalam tuk hãng ni dok jhul khang dom janih pandap siam mekre ka pren yava.

9# Ủy ban Pasang iek saong khik ramik gilang pariak Trung Quốc (CBRC) sanya jhul patagok khang kajap sarak peih pabah mbang gah gilang pariak hadei di tuk rajaei taneh ia ini ba tabiak dom jalan ngak peih praong bruk brei mesraiy jien padai ka dom urang đầu tư taneh ia lingiu. 

10 # Ribuk khang  Irma, Bitcoin, bê bối tình dục song bruk meyit meyau  di  hoàng gia lac sa dalam dom asar kadha hu caik hatai sangka rilo di abih dalam thun ni di angaok Google.