#/ Mintri Tài nguyên song Môi trường brei thau, meng nit al thun 2020 hu peih bruk tui iek di 24 tỉnh, ban tui dom chuyên đề piah tagok bruk langyah vi phạm ka bruk khik ramik, pandar taneh dalam tuk vak ni. Tui nan, thun ni, mintri patom tame bruk pasang iek thủ tục hành chính ka taneh riya song thun 2018, pasang iek bruk khik ramik song pandar taneh di dom khu công nghiệp, cụm công nghiệp, khu kinh tế  di 6 tỉnh, ban  lac  ban raya Hồ Chí Minh, Thái Nguyên, Bắc Ninh, Bình Định, Đồng Nai, song Cần Thơ.

#/ Chi cục Kiểm lâm tỉnh Quảng Nam daok khik caga tapon limen 7 drei barau mboh di glai palei Cẩm La, xã Quế Lâm, huyện Nông Sơn saong kakei bhap bini jui nao jaik labik ini, klah lamen juak. Tapon lamen ini daok dalam glai, bhian nao tabiak glai di labik khik caga. Gah Kiểm lâm tỉnh Quảng Nam kakei bhap bini takik tame glai labik lamen daok, tuk gaok tapon lamen brei bình tĩnh, oh pateok nyu. 

#/ Harei 14/2, Hội đồng Nghĩa vụ Quân sự 11 huyện, ban di  tỉnh Hòa Bình peih bruk jao quân thun ni. Tui bruk ba tabiak, tỉnh Hòa Bình hu jiak 1.500 dam dara nhập ngũ. Dalam mbang jao quân ni, tong abih urang lin bahrau jeng hu bac tamat pakat 3, umo meng 18 tal 23 thun. Hu urang lac bangsa Mường dok veik lac dom bangsa Kinh Tày Thái Mông Dao. Daok gah chính trị, hu 209 urang lac đối tượng Đảng, 120 urang đảng.

#/ Sa bilan tapa, tỉnh Quảng Ngãi hu labaih 800 urang njauk sau, mengeu kaik njauk nao klauk pacang ruak gila, ralo jang dua mbang duk saong thun bloh. Ralo di abih lac ban Quảng Ngãi hu 334 urang njauk sau, mengeu kaik njauk nao klauk pacang, ralo urang lac uranaih. Tukvak tapa, di tỉnh Quảng Ngãi hu dom urang metai kayua bhap bini oh thau bruk pacang cacak ruak gila.

#/ UB bhap bini tỉnh Khánh Hòa bahrau buh brei 5 tỷ đồng ka bruk pacing caga jit pandiak tabiak darah song Jika. Meng kadung jien ni, Sở Y tế tỉnh Khánh Hòa kuhria blei pandap panda, jru hóa chất piah pametai jamuk, lăng quăng, bọ gậy. Saong daok brei padang dom labik cách l, pakhang pasiam dom dom kapul cơ động pacing caga jit, kapul cấp cứu, iek ruak; Peih bruk pruh jru pametai jamuk 1 adit sa mbang di dom labik mbuan si njauk ruak song pambak ruak glong, 2 adit sa mbang di dom labik hu chỉ số côn trùng glong.

#/ Tal urak ini, mạng lưới y tế bhum urang bangsa takik dalam tỉnh Bình Thuận pabak hu bruk iek glang pren vaya tuk camereip ka bhap bini. Eng 4 xã harat urang chăm mek hu chuẩn negar ka y tế, nan lac xã: Phan Hiệp, Phan Hòa saong Phan Thanh - huyện Bắc Bình;  xã Phú Lạc - huyện Tuy Phong. Bruk vệ sinh pacang cakak jit hu khik kajap, dom janih jit ruak hu pasang iek saong pacang cakak, oh lui rah tabiak jeng jit. Y sĩ Xích Thị Bích Nhi – Phaok akaok blai Y tế xã Phan Thanh, huyện Bắc Bình, tỉnh Bình Thuận brei thau: 

Sap Chăm:

Patui di ini dom khau tin dunya:

#/ Thủ tướng Nhật Bản Xin-dô A-bê hu mbang nao rivang Đức di bilan hadei. Ong A-bê brei thau bruk ginum meyai saong Thủ tướng Đức An-giê-la Méc-ken hu ndom tal talei pambuak bruk dua gah Nhật Bản – Đức, jeng yau talei pambuak bruk ralo gah di dua taneh ia ini saong Mỹ hong Liên minh Châu Âu. Urak ini Nhật Bản saong Đức lac 2 nền kinh tế praong ka 3 saong ka 4 di dunya saong jeng njauk pasang mbaok saong ralo tavak tavaiy anak bruk oh tui toàn cầu hóa di Mỹ, jeng yau dom taneh ia dalam Liên minh Châu Âu.

# Kayua huac bruk meblah tasik langiu tasik Tây Phi dak harei dak tagok, Mỹ hu panuac sinya dong ka dom negar dalam bhum patagok an ninh hàng hải. Ni lac panuac khan di ong An-đriu Ha-vi-len (Andrew Haviland), lambaok lâm thời di Mỹ daok di Cốt Đi-voa, dalam harei peih mbaok nyaom biai kayua Mỹ dang akaok ka bruk an ninh tasik. Nyaom biai hu dui atah meng harei 14 tal 16/2 di ban A-bi-đi-an (Abidjan) Cốt Đi-voa, song hu mbaok di 15 negar Châu Phi

# Tổng thư ký Tổ chức Hiệp ước Bắc Đại Dương (NATO) Gien Xtôn-ten-bớt brei thau, thun 2016, jien buh brei ka gah QP di dom taneh ia dalam châu Âu di NATO saong Ca-na-đa tagok jaik 4% samu jaik 10 tỷ đô la duk saong thun 2015 dahalau nan. Ong Xtônxten-bớt brewi thau, yaom lac ini bruk patagok biak rilo dalam kham merat rik daong jien padai di dom taneh ia thành viên piah pakhang pren ka Nato min yaom jien ini jeng oh ka ginup duk saong bruk daok caong ngak urak ini./.