1 # Rah tabiak meng harei 1-31/7 pamong tal pahadar 70 thun harei Thương binh, liệt sĩ, Bilan tabung glaong“Hành trình tri ân” meda rah tabiak gruak labik dalam negar   kayua Trung ương Hội chữ thập đỏ Việt Nam pambuak bruk peih ngak. Danak dak meda peih bruk pasang iek ruak, tacei jalan iek glang pren yava, chuyển tuyến ka urang njauk ruak trak, tư vấn dinh dưỡng, pacang cakak thương tích ka urang kathaot, abih di nyu ngan haong urang hu công. Danak dak jeng hu pambuak bruk piah alin brei sang, brei limo ka urang kathaot, pambuak bruk tacei jalan sarak hiến mô, hiến tạng.

2# Ủy ban bhapbini ban Đà Nẵng barau ký kết saong Ủy ban bhapbini tỉnh Quảng Nam ka pambuak bruk pablei kaya nong hacih di dua puk palei. Tui nan, urang dang akaok ban Đà Nẵng njauk gauk brei ba mbuan lagaih ka dom doanh nghiệp di tỉnh Quảng Nam pablei kaya nong hacih di tỉnh Quảng Nam. Urang dang akaok tỉnh Quảng Nam sanya ngak catang bruk khik ramik pala drak, khik caga chất lượng, số lượng, tukvak ...,khik caga kaya nong hacih ka urang bhapbini Đà Nẵng.

           3  # Tỉnh Quảng Nam bahrau tabiak mbaok kapul  đầu tư saong khởi nghiệp Quảng Nam, daok dalam klup kapul đầu tư saong khởi nghiệp Việt Nam, ngan haong dom urang dalam nan hu dom klup kapul khởi nghiệp sáng tạo Hội An, Núi Thành saong Tam Kỳ. Klup kapul đầu tư saong khởi nghiệp Quảng Nam meda lac talei pambuak daong patagok dom hatai sahneng hadah ka bruk padang mbang ngui, sáng tạo dalam bruk ngak mbang, pablei salih; brei thau dom adat gah hành chính, xúc tiến thương mại, pambuak bruk haong gauk…

`4# Ủy ban bhapbini ban sit Nha Trang, tỉnh Khánh Hòa barau tabiak bruk bồi thường, daong labik daok barau ka dom sang bhapbini gaok khuah di Nhất Trí (phường Vĩnh Thọ) saong bhapnini di mbang glut jaleih ceik di palei Phước Lộc (xã Phước Đồng) saong dom sang gaok khat lihik di bilan hajan xua barau blaoh meng paok jien labaih 18 tỉ đồng. Tui nan, pambuak tal mbang khuah di Cồn Nhất Trí, meda hu 61 sang bhapbini gaok khuah hu bồi thường saong daong libik daok barau meng jien daong abih tih 10,7 tỉ đồng. Meng harei 1 tal  20/7, dom gah chức năng meda bayan jien daong saong jao taneh ka dom sang.

5 #  6 bilan akaok thun 2017 saong 15 thun tapa, dalam bhum Tây Nguyên mek hu dom jak jeng njauk pok meyaom dalam ralo gah kinh tế - xã hội, văn hóa – giáo dục. Dom baoh sang kathaot dalam bhum tui tanut chuẩn kathaot di Raja-ei dalam 15 thun tapa  kuhria rah tapa yaok thun trun jaik 2,8%, bhum urang bangsa takik   hu patrun  baoh sang kathaot, meng 47,8% (thun 2006) tal ini trun daok 19,9%, langyah hu bruk kurang mbang dalam bhum.

6# Ban raya Hồ Chí Minh barau peih  “ pato bruk ngak ka urang ngak di palei pala dalam ban raya thun 2017 ngan saong jien ngak labaih 35 tỷ đồng, peih pato bruk ngak ka 12.000 urang ngak di palei pala. Ban raya kham merat labaih 80% urang bac hu bruk ngak hadei tuk bac blaoh .

        7  # Hadei di 4 thun peih ngak Luật hợp tác xã dalam gah ngak nong (meng thun 2012-2016), bhum taneran kraong Cửu Long saong gah Đông Nam bộ hu 1.624 Hợp tác xã ngak nong, meblah labaih 15% taong abih Hợp tác xã dalam negar. Tui taong yaom di Mentri ngak nong saong patagok tỷ lệ hợp tác xã di gah Nam bộ saong Đông Nam bộ hu pambuak pagam haong doanh nghiệp glaong abih dalam negar. Mboh ralo dom hợp tác xã ngak sa janih, dalam nan pala drak meblah labaih 46%, kaya ikan meblaih labaih 9%. Dom hợp tác xã ngak rilo bruk meblah jaik 22%.

          Patui di ni dom khaw tin dunya

8# Ban Houston (Hiu-xtơn) di Mỹ saong Thượng Hải (Thượng Hải) di  Trung Quốc  hu  tame angan 10 libik du lịchlý thú abih thun 2017. Bruk ini maong tui bảng xếp hạng Chỉ số Lý thú (Joy Index) kayua gilang pariak Bank of America, Tạp chí Du lịch Conde Nast Traveler, urang roh duah gam lac tác giả blah “ bruk siam di haniem phuan”, chuyên gia Shawn Achor (Son A-co), tác giả blah tapuk pablei nduac abih "Dự án haniem phuan”  Gretchen Rubin (Grét-chen Ru-bin) pambuak gauk peih ngak. 

9 # Dua  dịch vụ mạng online pandar công nghệ ngak lahik khoảng cách gah địa lý di ong amuk saong anek taco di drei dak harei dak mboh ralo di Nhật Bản. Akaok mereip meda khan tal thiết bị Mago Channeru (meda lang lac "Pambuak pagam haong anek taco"), kayua công ty khởi nghiệp Chikaku hu jabat daok pak Tokyo ba tabiak meng thun 2016. Pandar công nghệ ini, dom urang dalam baoh sang meda mong mboh gauk tapa thaik binguk saong saong video chất lượng glaong hu ba tagok ứng dụng tok meng sa mbang click điều khiển meng atah. 

10# Rilo pandap đa dạng meng 66 angan di rilo kapul, gah karei di gauk ye công nghệ thông tin, pandap pandar dalam sang, pandap thể thao, jamriak pasang iek pren yava saong radaih pajeng ba …hadah trah di gah công nghệ barau gam khả năng sáng tạo di Đài Loan (Trung Quốc) hu yaih khan di Việt Nam dalam Chiến dịch Taiwan Excellence 2017.