#/ Mintri Công thương brei thau, bruk Ôtx-trây- lia  oh brei blei hadang daok   ngak khat lihik prong ka gah rong kaya ikan VN, dalam nan hadang oh ka tuk tasak pablei  tapa darak ni jaik 42 triệu đô la Mỹ.  Rajaei VN daok hu panuac ieu Ôtx-trây-lia  mong iek veik bruk oh brei blei tame ni.

#/ Urak ini, di ban sit Cần Thơ daok peih bruk pasang iek, padang angan dom labik bhap bini, jabat, đơn vị lih mek jalan dhuan saong ba tabiak jalan langyah. Tui nan, dahlau di abih, ban sit pathau khan, jak ba saong brei ka urang vi phạm sanya yah klak, bayar veik tamo yau tuk dahlau, bruk ini hu ngak brei jalan dhuan laneng lanoi saong patrun áp lực di bhap bini.

#/ Tui pathau khan di dom jabat chức năng, bruk xâm hại tình dục uranaih urak ni dok rah tabiak khang song dak harei dak rilo jang. Dahlau di nan, bruk ni rah tabiak rilo meng lac di bhum atah bayah, dom labik menuac dok takik, ilamu biar, min urak ni dak harei dak hu rilo bruk xâm hại tình dục uranaih di dom ban sit, ban prong.

#/ Dom harei jaik di ini, yaom aik karuoc di Bình Phước gam gam trun khang. Vụ dahlau tukvak ini yaom aik kroc jaik 30.000 đ a kg, urak ini tok daok labaih 1.000 đ sa kg. Oh lac laik yaom saoh, urang pala aik kruoc di Bình Phước daok pala oh njauk kayua jit palai kaik.

#/ Rilo thun tapa, bruk mek cuah jiak takai krong Tiền kayua oh hu pacang cakak khang ngak ka palao Tân Phong, huyện Cai Lậy, tỉnh TG glut jaleih trak. Rilo boh sang laik tame kan kandah, glut jaleih tuk halei oh thau. Meyah oh hu jalan pacang cakak  bruk mek cuah song pasiam veik dom labik glut jaleih, meda ngak ka yaok rittuh boh sang di palao kaoh laik tame bruk kan kandah, mbuan glut jaleih, oh hu labik dok.

#/ Palei menyim halam trại Bùi Môn di palei Tân Tiến, xã Xuân Thới Đông, huyện Hóc Môn, ban raya Hồ Chí Minh hu meng labaih 40 thun ini mai ngan saong jaik 1.300 baoh sang, cơ sở ngak dom janih pandap halam duh ka dom bruk ngak nông, ngak glai, ngak ikan saong xây dựng. Yaok harei, palei menyim pabak ka drak pasar dalam taneh ia labaih 100 tấn halam dom janih, ba bruk ngak saong jien mek tame tani tanat ka yaok rituh urang ngak dalam palei.

#/ Mesup harei 16/3, di ban sit Vũng tàu, mban peih bruk pakacah giải radaih juak kamei pakat dunya Bình Dương peih prong mbang ka 7 thun 2017 hu jao thưởng ka dom cua-rơ mek dang akaok hadei di chặng 8 giải radaih juak kamei pakat dunya BD peih prong mbang ka 7 lac cua-rơ Lee Eunhee di đội Sam Yang - Hàn Quốc, dang ka 2 lac Phan Thị Liễu - kapul Gạo hạt ngọc trời An Giang, saong Phạm Hồng Nhung kapul kiak – khak drak anek limen  Bình Dương dang dhi 3. 

Patui di ini dom khau tin dunya:

#/ Akaok mintri lao động Thái Lan Si-ri-chai barau brei thau, taong abih  urang negar lingiu tame ngak gah chế biến saong taong cap kaya ikan brei tut angan dalam bilan ini, tukvak puac abih tal harei 31/3. Dom urang vi phạm njauk langyah tui hukum saong dom jabat chức năng TL meda ngak catang ngan saong urang ngak sung hukum.     

#/ Taduan panuac daa di Trung tướng Xụ-von Lương-bun-mi, Ủy viên trung ương Đảng bhap bini Cách mạng Lào, Trung tướng Phan Văn Giang, Thứ trưởng mintri Quốc phòng pang akaok Kapul urang quân sự pakat glong bol bala bhap bini Việt Nam tapa rivang negar Cộng hòa dân chủ bhap bini Lào meng harei 15 tal harei 17/3. Ni lac mbang nao rivang negar langiu akaok meti di Trung tướng Phan Văn Giang dalam angan Tổng Tham mưu trưởng song palih ruah Lào lac negar camereip nao rivang brei mboh hatai iek praong saong cong khin patagok talei pambuak bruk meng kan, jum pataom praong di bhap bini song bol bala 2 negar VN- Lào.

#/ Dom urang phân tích kinh tế Niu Dilân brei thau, tăng trưởng kinh tế di taneh ia ini dalam quý puac thun bloh gaok kan kandah hadei di mbang megei baoh taneh khang 7,8 độ ríchte. Mintri jien padai Niu Dilân jeng brei thau, yaom lac gaok kan kandah kayua megei baoh taneh, nền kinh tế taneh ia ini jeng hu tăng trưởng 3,1% dalam thun 2016. Ini lac yaom tăng trưởng siam jang duk saong dom taneh ia patagok./.