# Di pasak ilamu huyện Tân Thành, tỉnh Bà Rịa – Vũng Tàu, Ủy ban An toàn giao thông pakat negar pambuak bruk song  Quỹ pacang caga metai lihik Châu Á (AIP) peih harei pataom “Mai sang salamad ”. Ni lac sa dalam dom bruk ngak di danak dak “ Paglaong siam mekre bruk nao mai angaok jalan mbak” hu peih ngak di adit An toàn giao thông jalan mbak pakat negar mbang ka 4 kayua  Liên hợp Quốc ba tabiak

# Mintri Y tế barau hu harak caong mintri Công an patagok talei pambuak bruk khik caga an ninh di dom sang iek ruak, duah thau dom bruk ngak saong urang ngak srau kadau, taong paoh urang ruak saong nhân viên y tế di dom sang iek ruak dalam tukvak tapa, taphia nan, truy cứu trách nhiệm hình sự meyah hu phạm tội. Mintri Y tế jeng caong mintri Công an brei menuac di drei khik caga di dom sang iek ruak praong, padang mạng lưới jalan talei pandiak di kapul cảnh sát cơ động saong jabat công an jaik abih. Tui kuhria, dalam sa bilan tapa hu  4 mbang kol côn đồ, gauk gar di urang ruak nduac tame dom sang iek ruak di Hà Nội, Thái Nguyên saong Cà Mau taong urang jakar y tế, khống chế y bác sĩ piah pacoh urang ruak.

#/ Sở ngak nong song patagok palei pala tỉnh Trà Vinh dok samar ramik pasiam veik 3 ar praong piah pacang caga bala dalam bilan hajan ribuk jiak tal. Kuhria tal urak ni bahrau ngak hu 317/521 dom công trình thủy lợi, atah abih tih 231 km krong ribong hu kuac raok, samu 53% dom bruk ba tabiak di thun 2017.

# Anak bruk dom taneh raong hadang bhum salih raong hadang, pala padai gah Brak jalan roya 1A kurang ia trak, akaok Uỷ ban bhapbini tỉnh Bạc Liêu, Dương Thành Trung hu tacei pato gah ngak nong tỉnh ini drak samal brei peih dom cống dalam ban sit Giá Rai piah parabha ia mbak tame daong hadang. Min, dalam tukvak peih cống mek ia njauk pasang iek catang, jhui caik ia mbak nduac dalam tame libik pala padai, abih di nyu nan lac libik ia tapa pagam saong tỉnh Sóc Trăng

# Anak bruk takai krong Hậu di palei  Mỹ Hội, xã Mỹ Hội Đông, huyện Chợ Mới (tỉnh An Giang) glut jaleih trak ngak ka 14 boh sang saong 2 nền  sang jaleih trun krong, 107 boh sang song sa sang mac chai brah brei panduan ba chip tabiak truh labik glut jaleih,  Phó Thủ tướng Trịnh Đình Dũng song kapul ngak bruk di  Trung ương trun tapak tal labik song tangi sua mik va njauk khat lihik kayua glut jaleih taneh. Phó Thủ tướng cong khin, mik va jum pataom gauk, ngak tui bruk paduan ba di karja piah khik siam di abih menuac urang song drap ar.

# Kadung jien daong sáng tạo kỹ thuật Việt Nam (Liên hiệp dom kapul khoa học saong kỹ thuật Việt Nam) peih bruk brei thau dom công trình mek hu giải thưởng sáng tạo khoa học công nghệ Việt Nam thun 2017. Giải thưởng thun ini hu 45 giải, hu 4 giải nhất, 9 giải dua, 15 giải klau saong 17 giải khuyến khích. Harei jao brei Giải thưởng Sáng tạo khoa học - công nghệ Việt Nam saong Giải thưởng WIPO 2016 rah tabiak melam 16/5 di Cung Văn hóa lao động hữu nghị Việt – Xô, Hà Nội.

#/ 10 labik pato bac gaok kan kandah di ban Cần Thơ bahrau taduan hu “Jaman hacih ka dom adei” ngan song yaom jien ngak abih labaih 800 triệu đồng, kayua Hội Liên hiệp dam dara ban Cần Thơ ieu pataom jien padai song peih ngak. Ni lac sa dalam dom bruk ngak tui jalan “Pambuak dom hatai ameh” mbang camereip hu peih ngak di ban cần thơ, pamong tal bilan ka uranaih thun ni. Labaih metehbilan tapa, chi đoàn dom puk palei hu ramik pasiam veik song caik dom thiết bị piah jaman di 10 sang bac ni hacih saat jang. Tapa tui iek tapak, di Cần Thơ dok rilo sang bac hu jaman khut, tayah, oh pandar hu,  nan ye, bruk ni daok hu peih ngak dalam tuk vak anak tal. 

          Khaw tin dunya

          # Thủ tướng Lào Thông-lun Xi-xô-lít daok duh hatai ka bruk hóa chất daok hu pandar rilo di dom trang trại pala patei di taneh ia ini. Dahlau nan, dom gah truyền thông hu panuac brei thau dom kanyak jhak di bruk patagok drak samal dom trang trại pala patei di Lào, nao gam saong bruk pandar tapa tanut dom janih hóa chất, dalam nan hu jru pametai hareik biak độc Pa-ra-cát.

          # Harei 15/5 sa boh kapan haoh sit laik trun tuk dok par mai tal jiak mbalng kapan haoh Tê-tơ-bô-rô (Teterboro), gah barak bang Niu Giơ-xi (New Jersey), Mỹ, ngak ka 2 phi công metai song pui khauh khang pacang taom dar labik nan.