#/ Tui panuac khan di Tổng cục Hải quan, gah ngak nong blei  meng negar lingiu dom janih yau lúa mì,, tangei, đậu tương ..tagok rilo. Tui kuhria  đậu tương blei tame dalam bilan klau thun ni 46 ribau tấn song yaom 21 triệu USD, tapa nan  đậu tương BLAI tame dalam 3 bilan akaok thun ni tagok 123 ribau tấn song  56 triệu USD, trun 61,8% khối lượng song trun 57% yaom jien dut song dom bilan ini thun 2016.

# Jabat rajaei barau brei thau panuac di Thủ tướng rajaei ka bruk padheih dự án luyện thép Cà Ná di tỉnh Ninh Thuận kayua Tập đoàn Hoa Sen tut angan ngak po đầu tư. Rilo chuyên gia pachreih tui bruk brei padheih dự án ini di  Thủ tướng kayua tuk peih ngak, oh lac ngak labaih thép bo praong jang, meda ngak jhak tapak tal alam môi trường.

#/ Mintri ilamu Thể thao song Du lịch hu harak ieu tacei Cục Nghệ thuật parang me-in mek veik harak quyết định 20/QĐ-NTBD harei  22/3/2017 ka bruk brei padeih doh 5 kadha doh paneh tabiak dahlau thun 1975 hu brei adat doh, lac "Cánh thiệp đầu xuân", di Lê Dinh - Minh Kỳ; ''Rừng xưa", di Lam Phương; "Chuyện buồn ngày xuân", di Lam Phương; "Con đường xưa em đi", di Châu Kỳ-Hồ Đình Phương song "Đừng gọi anh bằng chú", di An Diên. Langiu di nan, Mintri ni hu pandar Cục Nghệ thuật parang me-in peih bruk kiểm điểm dom urang pok panuac brei padeih daoh 5 kadha doh nan.

# Tỉnh Gia Lai daok peih bruk mek veik taneh glai njauk urang lih mek piah pala veik glai, anak meta dalam thun 2017 kham merat mek takik abih 7.000ha piah ba tame pala glai tui bruk ba tabiak yaok thun, dalam nan hu jaik 300ha lac glai  phòng hộ saong glai đặc dụng. Langiu di nan, dom puk palei tui pren yava di drei pala pabak 1 triệu phun phân tán (sumu 1.000ha, pala rah tui dua gah jalan nao di dom libik bhapbini daok). 

#/ Pagam tal bruk cuah tame bak ribaong tame pambah lamnge ikan Đông Tác ngak kan kandah tal bruk tame tabiak di kapal taong ikan saong pambah lamnge ikan Đông Tác, Ub bhap bini ban Tuy Hòa, tỉnh Phú Yên lac po đầu tư bahrau peih bruk kuac raok chip lạch Đông Tác piah kapal ikan hu tabiak tasik nao tong chap. Tui nan UB bhap bini ban Tuy Hòa brei adat DN tư nhân Bảo Châu ba  4 xáng cạp, 8 sà lan piah peih bruk kuac raok meng gah dalam pabah tasik Đà Diễn tal mblang  ikan Đông Tác, atah labaih 500m, gar 50 - 70 m song dalam 3,2 - 3,5 m. 

# Sở ngak nong saong patagok palei pala tỉnh Ninh Thuận pambuak bruk saong Chi cục Thủy sản barau palao labaih 50.000 drei ikan pajaih piah pabak veik kaya ikan di kraong Dinh. Dahlau si palao ikan trun kraong, Chi cục Thủy sản tỉnh Ninh Thuận hu pasang iek pren yava di ikan piah khik caga ikan palao trun oh njaom ruak. Hu thau, yaok thun tỉnh Ninh Thuận palao labaih 1 triệu drei pajaih ikan dom janih tabiak kraong, ribaong. 

#/ Tỉnh Cà Mau hu ba tabiak bruk lac tal thun 2020 tong abih mblang taneh rong hadang hu labaih 280.000 ha, năng suất tui kuhria meng 1 tấn/ha/sa thun tagok song sản lượng labaih 280.000 tấn/thun. Piah mek hu bruk ni, tỉnh pataom tame patagok bruk rong hadang tui jalan ngak bahrau, pandar công nghệ lagaih song bruk di anak meta. Tỉnh jeng patagok bruk  ngak tui jalan pambuak gauk, pambuak pagam chuỗi, peih prong bruk sản xuất, salih bahrau jalan ngak.

Khaw tin dunya

# Mintri Môi trường, ia saong ngak nong Saudi Arabia brei padeih blei menuk ada diuk, baoh kram saong menuk ada anek dom janih meng Việt Nam kayua huac  jit kum menuk ada. Tui ông Al-Saleh, rilo mbang kum menuk ada  hu duah mboh. Kayua yau nan ye, bruk padheih blei ini hu khik ka tal tuk jit ruak hu langyah abih.

#/ Bộ Chỉ huy Thái Bình Dương (PACOM) di bol lin Mỹ  harei 17/4 brei thau labaih 1.000  lin di gah Không quân song rilo kapa haoh mesruh metak di Mỹ dok hu mbaok di mbang pasram  yaok thun song Không quân Hàn Quốc piah tagok bruk chiến đấu. Mbang pasram hu dui atah 2 adit hu angan "Sấm sét cực đại" (Max Thunder). Tui kuhria hu tamat di harei 28/4 anak tal

# Akaok mintri Nội vụ Pháp Ma-thi-át Phê-cơ (Matthias Fekl) brei thau, labaih 50 rabau  cảnh sát hu ba tabiak piah khik caga an ninh di harei rah tabiak mbang pilih ruah Tổng thống jaik tal. Ông Phê-cơ brei thau, oh meda tah klak dom bruk đe dọa atau dom mbang tấn công halei meda rah tabiak di tukvak rah tabiak pilih ruah./.