1 # UB bhap bani tỉnh Quảng Nam bahrau tabiak bruk taduan mek, xác minh,  khik caga saong daong urang njauk pablei salih mai veik tỉnh Quảng Nam tal thun 2020. Bruk ini piah peih ngak ginup  dom sarak daong urang njauk pablei salih mai veik tỉnh tui njauk adat hukum; patagok bruk pambuak pagam, pabak dom dịch vụ xã hội  ka urang njauk pablei salih ginup abih dom điều kiện tái hòa nhập cộng đồng, patrun bruk njauk pablei salih veik.

2 # Di tỉnh Nghệ An, Ubbhap bini  tỉnh tabiak bruk  xử lý urang ndik tapui anek ka 3 tagok,  klaak bruk xử phạt urang ndik tapui anek ka 3 di  Quyết định 11/2018/QĐ–UBND. Tapa nan,, tui Quyết định 11/2018: Dom urang ngak suan dalam bruk ndik tapui anek ka 3 (trừ trường hợp pháp luật có quy định khác) ye njauk  xử lý tui: adat urak ini, bản cam kết, quy chế, nội quy di jabat, đơn vị, adat palei, oh hu pilih ruah angan boh sang ilamu. 

3 # UB bhap bani tỉnh Lâm Đồng bahrau tabiak Quyết định  296/QĐ-UBND ka bruk brei adat ngak đề án “Khik ramik saong patagok  ilamo cồng chiêng Tây Nguyên dom bangsa tỉnh Lâm Đồng tal thun 2020”. Tui nan, bruk ngak di đề án piah patagok akaok saneng ka bruk ngak, labik dang di dom pakat karja, bhap bani saong po inem krung ilamo dalam bruk khik ramik, khai thác saong patgok kein laba di ilamo cồng chiêng Tây Nguyên tui harak sanya di negar drei haong UNESCO.

4 # Ubbhap bini  tỉnh Khánh Hòa bahrau tabiak harak ka bruk dom boh sang rong pala kaya ikan meng  lồng bè angaok dom vịnh, tasik di puk palei njauk pacang hu hangin pakat  12. Jeng tui harak nan, pandap ngak  lồng bè brei khang kajap, pacang hu riyak, hangin khang song jru khử trùng tiêu độc. Harak jeng tacei lac dom bè atah di gauk takik di abih lac 50 m, pachreih dom  bè ngak meng nhựa HDPE.

5 # Tỉnh Đoàn Kiên Giang brei thau, dalam bilan dam dara thun 2018, brei ka dom huyện, thị, thành Đoàn saong Đoàn trực thuộc peih ngak 04 harei car halar hatian (dalam dom harei 10.3, 17.3, 24.3 saong 31.3). Asal  kadha peih ngak, padang dom đội hình dam dara halar hatian ngak thêm tuk harei car hu mbaok tame tư vấn, daong xử lý hồ sơ pak dom puk palei, jabat (tui bruk di puk palei, dom lĩnh vực); khik kajap bruk taduan mek, langyah harak ba-ar hành chính ka bhap bani saong doanh nghiệp; jhul samar bruk langyah  dom hồ sơ di bhap bani. 

Patui di ni dom khau tin dunya:

6 # Dang anak bruk kurang ia di gah du lịch jang yau rai duik di bhap bini dalam bhum, bahrau ni karja rilo ban  di châu Phi hu panuac ieu bhap bini patrun 26 triệu gallon (nan lac patak patom labaih  98 triệu lít ia) dalam abih tih ia pandar yaok harei. Urang jakar di ban ni jeng hu ba tabiak bruk patrun patakik ia tal tanut biar di abih, tapa dom adat oh brei pandar IA di gah langiu piah rao radeih, pruh hareik song tuh ia di danao caluai.

7  # Bharau ini , 1 nyaom  tuai urang Trung Quốc ba gauk ndik tagok blah rup patau Phật 1.000 thun. Bruk ini daok jeng kadha pandiak di menuac sia. Tui Hukum khik caga inem krung ilamo di  Trung Quốc, dom urang saong kapul nyaom  cố ý ngak suan adat hukum atau ngak tổn hại tal dom inem mek ilamo di negar atau di khu vực meda taong phạt hành chính tal 5.000 nhân dân tệ (samu haong 17 triệu đồng).

8 # Meng bilan 3 tal bilan 5 saka ia harei, Japon yam tame bilan bingu  anh đào tabiak bingu, mekre meta di ala pandiak. Tuai meng grauk labik di dunya mai rivang main. Min, phun anh đào ngak ka urang caik hatai sangka di abih lac Jindai Zakura, labaih 1.800 umo thun. Jindai Zakura di pajaih anh đào Edohigan, glong jiak 12 m, chu vi phun  11,8 m, daok di kalan  Jisso-ji di  Hokuto, tỉnh Yamanashi, Japon./.