#/ Dalam harak tacei pato jalan ngak pakacah Trung học phổ thông pakat negar bahrau patabiak, mintri pato megru jeng dok palih ruah bruk ba gru pato di dom sang bac ĐH mai puk palei iek thi song gru pato di dom cơ sở pato megru tui tỷ lệ 50/50. Rilo urang njauk hatai ka bruk nan, min dok hu panuac lac, brei mong iek veik số lượng urang jakar iek thi piah patrun yaom jien oh njauk hu.

#/ Dom harei tapa, Công ty Cổ phần Môi trường đô thị tỉnh Quảng Nam ieu pataom yaok pluh công nhân kham merat pataom mek saong langyah labaih 200 tấn nerak seik tame takai tasik di xã Tam Quang, huyện Núi Thành. Ong Nguyễn Ngọ, Phaok Tổng Giám đốc Công ty Cổ phần Môi trường saong  đô thị Quảng Nam brei thau: bruk phân loại, langyah jaik 30 tấn nerak nguy hại dalam labaih 200 tấn nerak seik tame takai tasik gaok ralo kan kandah kayua menyek pagul jeng taloc sit meluk dalam cuah.

#/ Tỉnh Gia Lai urak ni hu labaih 3.500 DN ngak bruk, ba bruk ngak ka labaih 70.000 urang ngak. Thun bloh, yaom lac gaok rilo kan kandah min bruk patagok di tỉnh mek hu jiak 7,5% ka bruk ngak nong, ngak glai, kaya ikan hu labaih 24.500 tỷ đồng, kim ngạch xuất khẩu hu tagok 400 triệu USD, mek tame kadung jien karja labaih 3.500 tỷ đồng.

#/ Tỉnh Sóc Trăng daok peih dom jalan ngak pasiam veik labik ar pacang njauk tayah saong jaleih kayua ia ndik saong ngin khang dom harei tapa di xã Vĩnh Hải, ban sit Vĩnh Châu. Ong Lý Trung Lập, Giám đốc Ban khik iek dự án ban sit Vĩnh Châu brei thau: “Anak meta piah pasiam veik bruk jaleih ye mban khik iek brei mek taneh labik jaik nan piah pabak dom labik jaleih piah khik kajap sản xuất ka bhap bini dalam khu vực”.

 #/ Saai Lê Đình Tân, umo 54 thun lac sa urang daok di palei Cà Đú dalam  xã Thành Hải, ban sit Phan Rang - Tháp Chàm, tỉnh Ninh Thuận khik hu bruk mây tre đan.Pandap mây tre mỹ nghệ  made in Cà Đú” hu mik va bangsa Chăm di 2 tỉnh NT song BT takre pandar. Meng yaom jien duah hu tani tanat meng bruk mây tre đan, khik hu rai duik sang saai trei sil, rong anek mbang bac jeng menuac jeng urang.

#/ Tỉnh Trà Vinh daok peih ngak danak dak ia hacih ka bhum palei pala thun 2017, ngan saong bruk daong jaik 5.000 baoh sang bhap bini bhum palei pala dalam tỉnh hu ia máy piah pandar.

#/ Bilan padai Đông Xuân  2016 – 2017,   bhum “ ia taba Gò Công” di tỉnh Tiền Giang lac huyện Chợ Gạo, Gò Công Tây, Gò Công Đông song ban sit Gò Công tam drak hu labaih 28.000 ha. Ni lac labik bhian njauk pandiak mbak dalam bilan thu. Urak ni, dalam bhum hu labaih 5.000 ha pala drak 2 vụ trun pajaih avar daok sraoh  song tasak yam tame bilan yuak, mblang taneh padai dok veik dok sraoh.

Patui di ini dom khau tin dunya:

#/ Urang vak di rayo sap ndom VN daok di Mỹ brei thau: Bộ Tư pháp Mỹ khan brei thau tổng thống Đô-nan Trăm meda amar salih sắc lệnh hành pháp oh brei bhap bini di 7 taneh ia hồi giáo tame Mỹ.

#/ Karja Libi trục xuất jiak 170 urang tame daok suan hukun mai meng Xênêgan dalam dom bilan jiak di ni. Karja LiBi ba tabiak danak dak “Halan hatian nao veik palei negar”, tui nan, hu brei ka dom urang nhập cư harak kapan haoh meng ban ine Tripôli di Libi piah mai veik palei negar.

# / Bhap bini dunya daok kham merat duah jalan ka bruk mesruh gauk di Xi-ri tapa ginum meyai. Min, dom bruk oh njauk gauk di dom gah pambuak tal di Xi-ri lac paga pacang ka jak jeng di bruk langayh ba brei siam./.