# Gah lingiu mbang nyaom  Quốc hội, urang QH Trần Hoàng Ngân di ban raya  Hồ Chí Minh hu ndom ka dom cuang kandah, dom bruk hadah bo khol drei mek hu dalam bruk patagok thun 2017. Ong jeng ndom lac, thun 2018, Rajaei hu cơ sở piah ba tabiak jalan patagok meng  6,7%.

# Pahadar 100 thun Cách mạng bilan 10 Nga vĩ đại (7/11/1917 – 7/11/2017), pagaiy harei 1/11, Thành ủy, HĐ bhapnini, UB bhapnini, Ủy ban MT negar Việt Nam ban raya Hồ Chí Minh peih pakak parang iek “Thắm tình hữu nghị Việt Nam – Liên bang Nga” di Phố nao takai Nguyễn Huệ saong jalan Đồng Khởi, Quận 1, ban raya Hồ Chí Minh. Parang iek 100 thoat binguk ngan saong 3 kadha hatai  Cách mạng bilan 10 hamiet hamiet hadah, hatai hữu nghị Việt Nam – Liên bang Nga khang kajap tapa tukvak saong taneh ia Nga anit ranam. 

  # Mesup harei 1/11,ban Đà Nẵng hu peih pakak  hầm chui nút giao thông Điện Biên Phủ- Nguyễn Tri Phương . Ni lac danak dak prong puac abih di Đà Nẵng hu ngak salah piah duh ka adit pakat glong APEC. Di tuk peih pakak, ong Huỳnh Đức Thơ, akaok  UB bhap bini ban Đà Nẵng  hu thưởng chip ka dom kỹ sư, urang ngak, khik iek danak dak  200 triệu đồng.

# Ủy ban negar duah daong urang njauk bala brei thau, tal bair harei 31/10, bộ đội Biên phòng dom tỉnh, ban tapeng tasik meng Quảng Ngãi tal Kiên Giang hu pambuak bruk saong puk palei, sang po kapal, thuyền trưởng khan brei thau saong tacei pato ka 34.392 kapal, gilai thau ka jalan nduac di Áp thấp nhiệt đới piah nao plaih, nduac tabiak oh nao tame libik jhak.

# Chi cục kiểm lâm bhum IV dok kham merat peih dom bruk đ ngoại khóa ka dom adei anek saih di dom palei hu glai, paglong akaok sahaneng piah khik caga glai song khik ramik đa dạng sinh học. Ni lac sa dalam dom jalan ngak prong piah khik caga song patagok glai khang kajap.

# 10 bilan tapa, tỉnh Thừa Thiên - Huế hu raok labaih 3 triệu 1 ratuh rabau mbang tuai du lịch, tagok 16,2% duk saong dom bilan ini thun 2016; dalam nan hu 1 triệu 2 ratuh rabau mbang tuai taneh ia lingiu, tagok 35%. Jien mek tame meng bruk du lịch abih tih hu 2.808 tỷ đồng, tagok 10% duk saong dom bilan ini thun 2016. Yau nan, bruk raok 3,5 triệu mbang tuai du lịch dalam thun ini meda ngak hu dahlau jang tukvak ba tabiak.

# Công ty Changshin (xã Thạnh Phú, huyện Vĩnh Cửu, Đồng Nai) peih dom tal pato bac thêm brei saoh ka dom anek di urang ngak di  công ty. Ni lac bruk ngak siam piah pabak hatai khin di urang ngak jang yau khik takai urang ngak pambuak pagam suai lavik song công ty. 

 Khaw tin dunya

# libik mbuan gaok kanyak jhak kayua thak di gah Brak Trung Quốc lac  Bắc Kinh-Thiên Tân- Hà Bắc, meda brei padang sa jabat khik caga alam môi trường dalam sa bruk kham merat jhul khang bruk caga nerak. Tạp chí chứng khoán Trung Quốc ba panuac meng rilo urang jakar dalam mintri khik caga alam môi trường brei thau, jabat barau, lac sa binah dalam bruk kham merat pasiam alam môi trường dom khu vực, meda peih tabiak ngak bruk di puac thun ini.

# Thủ tướng Thái Lan Pra-dút Chan-ô-cha (Prayut Chan-ocha) brei thau, rajaei negar ni oh klak lệnh cấm hoạt động chính trị mbiah tal tuk bruk trật tự hu pasiam veik.Min urang dang akaok rajaei Thái Lan jeng brei THAU lệnh cấm hu klak piah brei adat ka dom gah ngak bruk lagaih song hukum negar song hukum bầu cử. 

      # harei 1/11, Tổng thống Hàn Quốc Moon Jae-in (Mun Chê In) khan lac, taneh ia ini oh patagok atau sở hữu dom janih phao ndao hạt nhân, taphia nan, ndom veik panuac ieu Triều Tiên klak dom tham vọng hạt nhân di drei./.