1/ # Thủ tướng Rajaei tacei pato mintri jien padai buh tabiak (oh mek jien) 463 tấn brah meng gilang khik piah pakat negar ka tỉnh Yên Bái piah dong pacang eik lipa ka bhap bini dalam tuk cang yuak akaok thun 2017. Uỷ Ban bhap bini tỉnh Yên Bái taduan mek song song parabha brah nan  njauk tuk, njauk menuac urang tui sarak.

2/ Di Phủ Chủ tịch, akaok negar ong Trần Đại Quang hu taom gaok dom taha palei, akaok palei, nghệ nhân, urang hu angan je bhum urang bangsa takik, bhum taphia negar, xã biak kan kandah bhum gah brak. Akaok negar caong khin pakat ủy, karja dom puk palei ba tabiak dom jalan ngak, bruk ngak cambaih laih, daong bhap bini dom bangsa dalam bruk patagok kinh tế XH, sangka paglaong bruk pato megru, ilamu, y tế, patagok bruk jak ba bhap bini ngak siam sarak banagsa.

              3/ # Bilan padai Đông Xuân avar 2016 – 2017 hu ba mai kein liba prong ka urang nong tỉnh  Ninh Thuận. Kayua 1 ha padai tuk juak,  hu meng 8 tal 9 tấn, hu labik hu tal10 tấn/ha. Yaom lac yaom padai that pablei oh glong, trun tagok meng 4.000 tal 4.300 đồng/kg, min urang pala padai dok hu liba meng 15 tal 18 triệu đồng yaok/ha. 

4/ Viettel Bình Thuận barau peih bruk tabiak mbaok mạng thông tin di động rai ka 4 (4G). Bruk ini daok dalam dom bruk ngak tabiak mbaok mạng 4G Viettel hu Tập đoàn Viễn thông Quân đội peih tabiak dalam negar. Ong Hoàng Trí Công, Giám đốc Viettel Bình Thuận brei thau: dom labik di bhum atah bayah yau: xã La Ngâu – huyện Tánh Linh, xã Đa Mi – huyện Hàm Thuận Bắc, xã Phan Dũng – huyện Tuy Phong, xã Ngũ Phụng – huyện pulao Phú Quý... jeng hu pabak riyak 4G piah duh ka bruk pambuak internet biak samar di yaok bhap bini.

5/ # di xã Xuân Hưng, huyện Xuân Lộc, pasak pato bruk ngak huyện pambuak bruk song Ủy ban bhpa bini xã peih tal pato bruk rong glang athur  ka 33 urang lac mik va bangsa S’tiêng dok di xã. Tal bac dalam 3 bilan, tuk vak bac,  dom urang bac hu megru di angaok athur piah pabak ilamu. Ni lac tal bac piah dong ka mik va bangsa takik patagok bruk rong glang, piah jhul patagok KT boh sang song  kinh tế- xã hội di puk palei patagok khang kajap. 

6/ Duh ka thun bac barau 2017-2018,  Ủy ban bhap bini tỉnh Bình Dương hu patabiak bruk tani tanat darak pasar tapuk giáo khoa, siphau saong pandap bac ka thun bac 2017-2018. Tui nan, dom cty hu 164 labik pablei tani tanat saong lưu động di dom sang bac dalam tỉnh. Danak dak hu patrun yaom pablei dom pandap angaok nan meng 10 tal 15% duk saong yaom darak pasar.

7/ # Meng ni tal harei 26/4, di tỉnh Bạc Liêu, Tổng cục Thể dục Thể thao pambuak bruk song dom gah di mintri Pato megru, Kapul dam dara cộng sản Hồ Chí Minh pakat negar, Sở ilamu - Thể thao song Du lịch tỉnh Bạc Liêu peih bruk pasram caluai ia, piah caga palung ia uranaih, ka kapul urang jakar, hướng dẫn viên dom tỉnh,  ban di bhum taneran Cửu Long

Patui di ini dom khau tin dunya:

8/ Harei 21/4, sa cảnh sát njauk cuh metai saong sa cảnh sát karei njauk rambuah di Jalan roya Cham Ê-li-dê– lac jalan hu ralo tuai damuai di abih di ban ine Paris. Bruk ini rah tabiak 3 harei dahlau vòng 1 bruk bầu cử Tổng thống ngak ka menuac sia biak duh hatai ka bruk an ninh dalam dom harei tal.

          9/ #  Harei 20/4,  Kapan tuần dương hu angan lửa Va-ri-a (Varyag) song kapan  pajeng menyek Pê-chen-ga (Pechenga) di Hải quân Nga hu tame  cảng di Phílíppin, peih bruk rivang  4 harei tal negar  châu Á ni

10/ Thượng viện Séc barau brei tapa pasiam veik hukum BHYT brei ka urang pasang hu padeih adat sa adit saong hu mbang BHXH tuk diuk ndih tapui. Rajaei pachreih tui jalan ngak bahrau ini, tuk ndom lac nyu hu daong patagok talei rohim di urang ame saong anek, saong daong hu ka urang diuk ralo jang hadei di tuk ndih tapui./.