1# Di Hà Nội, UB bangsa (UBDT) bahrau peih nyaom biai pataom iek veik sa thun tabiak báo, tạp chí di Đảng tui Quyết định ka 59/QĐ-TTg, harei 16-1-2017 di Thủ tướng Rajaei ka bruk “Brei dom báo, tạp chí ka bhum bangsa takik, bhum ceik, bhum biak kan kandah”. Tapa dom khau tin, kadha vak angaok báo hu daong ka bhap bini DTTS thau dom ilamu-kỹ thuật bahrau, dom bruk ngak mbang, pala drak, raong glang… hu kein laba. Tapa nan, yaok ribau sang bhap bini DTTS hu tabiak truh kan kathaot saong yam tagok ngak kaya meda, dom xã bhum DTTS saong bhum ceik ngak hu dom tiêu chí padang ngak palei pala bahrau.

2 # Di  Hà Nội, T.Ư Đoàn TNCS Hồ Chí Minh, T.Ư Hội LHTN Việt Nam pambuak bruk song  Tổng công ty Viễn thông Quân đội (Viettel)  bahrau peih ngak danak dak pasram megru tapak  pakat negar dong ka dam dara padang mbang ngui  thun 2018. Danak dak hu  đầu cầu di  ban ine  Hà Nội song jiak  300 điểm cầu di dom  tỉnh, ban dalam negar, hu labaih 8.000 urang jakar Đoàn, Hội hu mbaok tame pasram megru. Di danak dak, dom urang jakar  Đoàn, Hội hu khan brei thau dom văn bản adat hukum, pandap panda bahrau pagam tal bruk dong dam dara padang mbang ngui, ndom nyai nao mai tapak, ndom nyai song rilo chuyên gia, doanh nghiệp khởi nghiệp naih gheih

3# Dalam quý 1/2018, dalam tỉnh Bình Phước hu gac 9 sang bac mek hu chuẩn negar, tui nan sang bac mek hu chuẩn negar lac 122/474 sang bac, samu 25,7%. Mbang pakacah anek saih joi THPT pakat negar thun 2018, Bình Phước mek hu 54 giải, dalam nan hu 1 giải nhất, 12 giải nhì, 17 giải klau saong 24 giải khuyến khích.

4 # Pasak meta Bình Thuận hu pataom tame song sang iek ruak Đa khoa tỉnh piah jeng sa chuyên khoa meta, hu ba tame ngak bruk meng harei 1/4/2018; tui jalan rami ramik, tinh giản bộ máy, patagok siam lagaih bruk ngak di gah y tế. Hu thau, dauhlau di nan, cơ sở hạ tầng, menuac urang, trang thiết bị di pasak ni dok kurang takik. Yaok thun kadung jien karja hu buh brei labaih 3 tỷ đồng. Tapen di nan, jalan ngak tự chủ jien ndua thun ni song dom thun patui di nan di pasak oh ginup cơ sở pháp lý piah tự chủ jien padai.

5# Đoàn khối doanh nghiệp tỉnh Đồng Nai bahrau pambuak bruk haong Hội Chữ thập đỏ tỉnh saong Pasak truyền darah sang iek ruak Chợ Rẫy (TP. Hồ Chí Minh) peih Lễ hội Xuân hồng thun 2018. Bruk ngak ini pachreih hu 500 urang jakar, urang đoàn – dam dara, urang ngak praong dang akaok, urang ngak di dom doanh nghiệp dalam ban sit Biên Hòa brei labaih 400 đơn vị máu. Ini lac bruk ngak yaok thun hu peih tabiak di tuk salam uan harei padang Đoàn.

Patui di ni dom khau tin dunya:

6 # Mbang ginum biai oh thau dahlau di  Ủy ban Phân tích chiến lược pacang khủng bố di  I-ta-li-a tong yaom, bruk đe dọa menggah (IS) ngan song negar ni oh salih hagait. Cảnh sát dahlau di nan, hu chap sa urang  I-ta-li-a asar  Ma-rốc njom hatai sahaneng cực đoan di  IS di ban Tu-rin dok kuhria ngak dom mbang tong meng radeih tải. Sa urang  I-ta-li-a asar Ai Cập lac  Chủ tịch sa pasak  Hồi giáo di ban Pu-gli-a jeng njauk chap kreik

7# Thủ tướng Anh T.Mây tabiak panuac lac, rajaei meda buh pabak 600 triệu bảng Anh (jaik 849 triệu USD) brei kadung jien quốc phòng tukvak 2018-2019 piah patagok tàu ngầm hạt nhân rai bahrau. Yaom jien ini hu buh brei ka dom danak dak patagok tàu ngầm hạt nhân Dreadnought, tui kuhria hu ba tame pandar di thun 2030. Urak ini, dom tướng chỉ huy di bol bala Anh saong dom nghị sĩ daok hu panuac ieu rajaei patagok jien brei ka gah quốc phòng, meng 2% tagok 2,5% GDP.

8 # Sa mbang megei boh taneh khang  6,9 độ rích-te bahrau ngak megei labik takai tasik  gah merong di palao Niu Brít-từn (New Britain) di  Pa-pua Niu Ghi-nê (Papua New Guinea), ba tal cảnh báo sóng thần taom dar jalan takai tasik. Min urak ni, oh hu panuac khan halei brei thau bruk khut khat song metai lihik di  Pa-pua Niu Ghi-nê, sa palao kaoh dok dalam Vành đai lửa Thái Bình Dương labik hoạt động địa chất rah tabiak khang./.