1/  Harei kabroi 25/9,  di Phủ Chủ tịch, Akaok negar Trần Đại Quang  taduan Thủ tướng Hungary Ô-rơ-ban Vích-tô-rơ (Orbán Viktor) mai salam. Akaok negar hu panuac caong 2 gah pambuak bruk  khang kajap piah samar palih ruah hu dom danak dak pandar phun jien  mesraiy ưu đãi di Hung-ga-ri biak cambaih laih, siam lagaih, kayua kein laba di bhap bini 2 negar 

2/ Mesup harei in 26-9 di Hà Nội, Thanh tra rajaei ba tabiak Quyết định thanh tra 2333  ka bruk brei adat blei jru meng negar lingiu saong brei harak tut angan pablei ngan saong 07 janih jru kayua Công ty Helix Pharmaceuticals Ine., Canada ngak saong bruk njauk dom paok thầu pabak jru ka dom sang iek ruak di cty cổ phần VN Pharma.  Tui Quyết định, tukvak thanh tra lac 60 harei ngak bruk, oh kuhria harei padeih, harei lễ kuhria meng harei tabiak quyết định thanh tra.

          3/  Harei patom ilamu , Thể thao song Du lịch bhap bini Khmer Nam bộ mbang ka VII, kayua tỉnh Bạc Liêu Dang Tabiak peih ngak hu rah tabiak meng harei 17 tal  19/11. Harei patom ilamu hu 12 tỉnh, ban, bhum nam bộ  hu urang Khmer dok mai pataom mbaok. Harei patom ilamu hu 2 binah,  Binah lễ hu danak dak peih mbaok song tamat bruk biak prong prang. Binah hội hu rilo bruk ilamu, daoh tamia, parang iek thaot binguk, harak mbao, pandap meng kan di bhap bini Khmer Nam bộ

4/ Harei 25/9, mintri ngak nông saong patagok palei pala peih nyaom meyai patagok darak pasar đầu mối kaya nông khik kajap vệ sinh an toàn pandap mbang. Tui nan, darak pasar đầu mối kaya nông lac sa labik pablei hu kein lagaih, pambuak hu sản xuất saong pablei salih hong blei mbang kaya nông khik kajap chất lượng saong vệ sinh an toàn pandap mbang, jhul patagok bruk ngak nông saong pablei salih, dịch vụ.

           5/   Piah dong paglong chất lượng cà phê, dom boh sang urang nong, doanh nghiệp pala ngak, pablei salih cà phê di dom tỉnh Tây Nguyên hu tagok bruk khik ramik piah dom bein cà phê hu boh tasak meng 90% tagok meng paik boh. Dom tỉnh Tây Nguyên  jak ba dom boh sang urang nong oh paik mek cà phê boh hajao meda, nyu ngak patrun  chất lượng cà phê bo dok ngak khat lihik prong gah  kinh tế ka dom boh sang urang nong.  

6/ Piah khik caga phun pala klah hu ruak kik halak halin, gah ngak nông tỉnh Bến Tre meng thun 2010 tal urak ini hu peih bruk raong bọ đuôi kìm saong hani ký sinh ka 20 baoh sang di huyện Mỏ Cày Bắc saong Huyện Giồng Trôm, ba mai kein lagaih biak cambaih laih. Dom bein li-u palao raong bọ đuôi kìm mboh takik hu jit ruak, takik druh baoh meda.

          7/Jit laka cambuai tapok kakau di tapon pabui di tỉnh  Long An dok mbuan pambak praong. Gah thú y tui iek duah mboh 28 drei pabui di  huyện Cần Đước song huyện Châu Thành hu  dấu hiệu ruak laka cambuai tapok kakau. Anak bruk nan, tỉnh Long An dok ba tabiak jalan ngak song parabha vắcxin klauk pacang caga brei saoh ngan saong  42.000 liều brei dahlau ka dom  huyện mbuan si rah tabiak jit ruak di abih.

Patui di ini dom khau tin dunya:

8/ Mesup harei 26-9, gilang pariak patagok châu Á (ADB) paglaong dự báo tăng trưởng ka dom nền kinh tế daok patagok di châu Á kayua pablei salih dunya saong dom điều kiện di dom nền kinh tế praong abih dunya daok hadah hadait tagok. Harak pathau khan di gilang pariak patagok châu Á kuhria mboh dahlau lac nền kinh tế bhum châu Á meda tagok 5,9% dalam thun ini saong 5,8% di thun 2018.

          9/ Dalam kham merat piah khik caga siam mekre ka Thế vận hội bilan Hè (Olympic) Tokyo 2020, cảnh sát Nhật Bản harei kabroi 25/9 peih bruk pasram pacang khủng bố song bruk hu ba tabiak lac pacang  tấn công meng vũ khí hóa học sa-rin. Dalam tuk vak pasram, sa gah tangin robot hu pandar piah ba sa kadung hu thiết bị patuh khả nghi, dalam tuk dom gah đặc nhiệm langyah dom jru mek hóa học dahlau di tuk peih bruk khử độc abih labik gaok jru nan./.   

10/ Hãng tin AFP ba panuac di hội đồng khik ramik kadung jien Nobel brei thau, jabat ini brei tagok yaom jien thưởng tal 9 triệu krona Thụy Điển (samu 1,1 triệu đô la Mỹ) ka yaok janih giải. Tui bruk meng dahlau mai, giải Nobel Y học lac giải hu brei thau dahlau di abih yaok thun. Harei 2/10 tal giải ini hu khan brei thau./.