1/ Mesup harei 29/9, Thủ tướng Nguyễn Xuân Phúc song dom Phó Thủ tướng ngak bruk song dom urang dang akaok  di ban Hà Nội. Thủ tướng  hu panuac tacei dom urang pan akaok dom mintri, dom gah di var ngak bruk ni brei tacei tabiak cambaih jalan ngak dalam langyah dom panuac caong di  Hà Nội, dong ka Hà Nội patagok, piah  Hà Nội kayua abih taneh ia, abih taneh ia kayua Hà Nội.

2/ Tổng cục Thủy sản (mintri ngak nông saong patagok palei pala) hu peih bruk ginum meyai padang quy hoạch patagok bruk taong cap kaya ikan atah takai tasik negar tal thun 2020, pamaong tal tal thun 2030. Cambaih laih nan lac, tal thun 2020 khik tani tanat sản lượng taong cap atah takai tasik jaik 1,62 triệu tấn.

3/ Tui Tổng cục Hải quan, Hiệp hội Chế biến và Xuất khẩu kaya ikan Việt Nam (VASEP), dalam 8 bilan tapa, Việt Nam pablei hadang tapa Liên minh châu Âu (EU) hu labaih 483 triệu USD, rilo jang 30% dut song tuk vak ni thun 2016. Meng bruk tagok ni, EU hu yam tagok jeng sa darka pasa blei hadang prong abih di Việt Nam, salih ka labik di negar Nhật Bản dahlau nan.

4/ Urak ini, hu ralo doanh nghiệp daok kuhria buh jien tame ngak mbang patagok sản xuất di huyện bhum ceik Thạch Thành, tỉnh Thanh Hóa, yau công ty New Hope daok padang dự án patagok bruk raong 18.000 drei pabui menek di xã Thạch Tượng ngan saong yaom jien 50 triệu USD.

5/ Ubbhap bini tỉnh Khánh Hòa bahrau patabiak jalan ngak patagok ilamu tuk vak 2017 - 2020 dalam tỉnh, dalam nan pataom tame ka khik ramik song patagok dom inem krung ilamu gheih mekre. Tong abih phun jien peih ngak danak dak tui kuhira labaih 107 tỷ đồng.

6/ Di tỉnh Bạc Liêu, bruk ramik veik gah ngak nông hu tỉnh peih ngak samu gauk, meng dồn điền đổi thửa, salih bruk pala drak tal palih ruah phun pajaih, pambuak gauk sản xuất daong bruk pablei pandap… dalam nan, chuỗi pambuak bruk pala drak pablei padai brah tui jalan sản xuất mblang hamu praong, pambuak “4 gah” mek hu ralo kein lagaih, daong urang nông tỉnh ini peih tabiak jalan pala drak khang kajap. 

7/ # labaih 100 nghệ sĩ song rilo janih ilamu nghệ thuật song tạo hình nhân vật ngak jeng pandap alin ka uranaih dalam tuk Tết Trung Thu hu rah tabiak di  20h dom harei 3 song  4/10 di Cung ilamu  Hữu nghị Hà Nội.

Patui di ini dom khau tin dunya:

8/ Harei 28/9, Tổng thống Mỹ Đô-nan Trăm tabiak panuac lac anak meta brei klak dom hạn chế ngan saong Póoc-tô Ri-cô piah peih bruk daong chip ka labik njauk ribuk Ma-ri-a palai pajoa trak ini. Mintri an ninh nội địa Mỹ brei thau, bruk ba tabiak di Tổng thống Mỹ hu ngak tui chip saong hu ngak dalam 10 harei piah karja Mỹ daong chip ka Póoc-tô Ri-cô.

9/  Kadung jien dunya (IMF)  harei 28/9 hu panuac pachreih dom negar kaya meda di dunya kham merat jang  piah dong ka dom negar kan kathoat pacang bruk biến đổi khí hậu, meyah oh ngak yau nan, meda gaok dom kan kandah meng bruk patagok biar di dunya saong bruk menuac sia “di cư” rilo yau sa hậu quả.

10/ Arab Saudi daok yak klak nao dom hạn chế ngan saong urang kamei dalam bruk peih radaih, sa kadha dalam brukh salih barau praong saong puac abih hu brei adat ka jaik meteh menuac sia taneh ia ini hu adat peih radaih./.