1# Oh dang veik di tanut 6 - 7% yau bruk ba tabiak, thun 2017 gah công thương daok jia lac yaom pandap pablei tabiak negar langiu meda mek hu  203 tỷ USD song tagok jang 2 mbang tal 14%. Yaom lac hu tagok siam dalam 8 bilan song yaom jien pablei pandap tabiak negar langiu hu tal 133,5 tỷ USD, tagok 15,7% dut song tuk vak ni thun dahlau ye  nhập siêu jeng daok mboh veik labaih 2,13 tỷ USD. 

2# Urang dang akaok tỉnh Nghệ An barau brei thau, urak ini gam saong bruk pasang iek veik bruk ngak daok veik di thun 2017, tỉnh daok peih ngak dom bruk piah jhul khang sản xuất công nghiệp, dịch vụ; patagok xúc tiến đầu tư; langyah dom tavak tavaiy ka dom dự án samar ngak hu dom pandap, dự án hu tut angan đầu tư; lang talaih kan kandah, daong patagok doanh nghiệp. 

3# Tập đoàn Samsung brei thau, anak tal  kapul chuyên gia Samsung hu dong  3 doanh nghiệp nan lac Công ty Trách nhiệm hữu hạn sản xuất thương mại - in Minh Mẫn, Công ty Trách nhiệm hữu hạn Thiết kế chế tạo Nhật Minh song Công ty Vinavit piah ka dom doanh nghiệp ni paglaong pren meriak gauk song meda hu mbaok tame bruk pablei salih dunya, jang yau hu mbaok tame  bruk pablei salih di Samsung. 

4# Dalam 3 melam (meng 29, 30/9 saong 1/10), Tỉnh đoàn Bình Thuận pambuak bruk saong dom gah peih danakdak” melam pataom ia bilan bak baoh” tal dom  xã bhum glaong, bhum atah bayah di tỉnh. Labaih 3.000 uranaih di dom xã Phan Lâm, Phan Sơn (huyện Bắc Bình); xã La Dạ (huyện Hàm Thuận Bắc) saong xã Tân Xuân (huyện Hàm Tân) hu raok sa Tết Trung thu chreih bui.

5# Pasak bruk ngak dam dara tỉnh Vĩnh Long jeng hu peih danak dak  Trung thu “bui sambai melam ia bulan bak boh” thun 2017 song jao 530 pok pandap ka uranaih kan kathaot, jaoh jo, metui medar di ban Vĩnh Long song dom adei dok hu mbaok sinh hoạt di pasak. 

6# Ban bangsa tỉnh Bình Phước pambuak bruk saong Phòng bangsa 10 huyện, thị xã dalam tỉnh brei jamriak kakak hareik, bình xịt điện, vật tư khak drak ka sang kathaot, sang jaik si kathaot tui danakdak 135. Abih tih jien ka danakdak daong jamraik thiết bị, vật tư khak drak saong pato  bruk mbang ini lac 5,9 tỷ đồng. 

7# Bilan hè Thu 2017, urang nong Tiền Giang trun pajaih 69.538 ha, rilo jang jiak 7% dut song bruk ba tabiak. Tal akaok bilan 10/2017, dalam tỉnh yuak hu labaih 68.000 ha, năng suất hu 51,5 tạ/ha song  sản lượng labaih 350.000 tấn padai pablei, rilo jang jiak 5% tanut ba tabiak. Urak ni, urang nong daok samar yuak abih mblang taneh dok veik piah li-ua taneh, tram ia ndik, caga ka bilanĐông Xuân 2017 – 2018 tal. 

 Khaw tin dunya

8# Sa phái đoàn an ninh pakat glaong di Ai Cập hu nao tal Gaza (Ga-da) harei 1/10 piah pasang iek bruk ngak tui thỏa thuận hòa giải hu mbaoh tangin dalam bilan dahlau di đảng Fatah (Pha-ta) di Tổng thống Palestine Mahmoud Abbas (Ma-mút Áp-bát) saong gah Hamas (Ha-mát). 

9#  Sang Hijao (lac Phủ tổng thống Hàn Quốc) brei thau Seoul vsong Washington dok khik bruk pambuak gauk catang dalam bruk Triều Tiên, dalam nan hu bruk đáp trả Anak dom bruk khiêu khích di negar ni song duah jalan ginum biai,  yaom lac Bình Nhưỡng brei mboh lac oh sangka tal bruk hu mbaok tame ginum biai.

10# Barau ini, Tập đoàn xì gà Cuba (Tabacuba) brei thau, meng bilan  4/2016 - 2/2017, gah công nghiệp đặc thù di taneh ia pulao kaoh Caribe ini gaok khat lihik 634 triệu USD kayua gaok  sarak pacang cakak gah kinh tế, pablei slaih saong jien padai di Mỹ pacang Cuba.