# Mesup harei 2/11, Quốc hội ginum biai ka bruk kinh tế - xã hội song kadung jien karja . Tui dom urang qh, bruk kinh tế  dok lihik dom cân đối, ảnh hưởng tal bruk patagok suai lavik. Nan lac, mất cân đối dalam bruk pablei salih. Bruk nhập siêu brei mboh bruk meriak gauk pandap panda dalam negar oh ka glong, abih di nyu nan lac pandap hu hàm lượng khoa học công nghệ glong. Lihik cân đối ka 2 dalam bruk kinh tế lac  lihik cân đối thu - chi kadung jien kajar. 

# Peih bruk caga saong áp thấp nhiệt đới hu cường độ khang daok nduc di bhum tasik Tây Nam, kuhria caga ngak jhak tal bhum tasik dom tỉnh meng Bình Thuận tal Cà Mau, Tổng Công ty Điện lực miền Nam (EVN SPC) pandar dom công ty điện lực thành viên, Công ty Lưới điện cao thế gah meraong, pasak Điều hành SCADA... chủ động dom bruk pacang caga, trun takik khat lihik kayua áp thấp nhiệt đới ngak tabiak.

# Tui mban tacei jalan pacang caga bala meng langik tasik song dong duah urang gaok bala tỉnh Phú Yên urak ni urang dang akaok dom palei pala dok tui iek bruk khat lihik song tacei bruk pasiam veik dom labik gaok bala. Taeng di bhum njauk khat lihik trak di abih lac huyện bhum ceik Đồng Xuân hu 409 boh sang dauk dalam ia meng meteh tal sa mét, 600 hecta njam patam tapen krong  Kỳ Lộ song krong Cô dauk abih .

# Tui Bảo hiểm xã hội tỉnh Kon Tum, kuhria tal bilan 10/2017, dom sraiy bảo hiểm xã hội, bảo hiểm y tế dalam tỉnh jaik 73 tỷ đồng, tagok labaih 50%  duk saong dom bilan ini thun 2016. Makna daok tavak sraiy bảo hiểm xã hội, bảo hiểm y tế, bảo hiểm thất nghiệp rilo saong dui atah lac kayua rilo doanh nghiệp ngak mbang thua lỗ, dom doanh nghiep hu năng lực min kayua tác động di kinh tế darak pasal.

# Tỉnh Ninh Thuận urak ni hu jiak  14.000 urang jaoh jo ; dalam nan hu labaih 3.000 urang jaoh jo dalam umo ngak bruk, jaik abih dom urang nan lac sang kan kathaot, gaok biak rilo kan kandah. Urang jaoh jo eng drei padang bruk ngak, bruk ngak oh tani tanat. Dalam thun 2018 gah  Lao động- Thương binh song  Xã hội tỉnh pambuak bruk song dom gah chức năng peih prong bruk pato bruk ngak ka urang ngak palei pala, dalam nan hu buh dahlau phun jien pato bruk ngak ka urang ngak lac urang jaoh jo dok dalam tỉnh.

# pagaiy harei 2/11, dom gah chức năng saong puk palei daok tapeng kraong, tapeng tasik di ban raya HCM daok peih ngak dom bruk pacang caga saong áp thấp nhiệt đới jaik ar saong áp thấp nhiệt đới jaik biển Đông tui công văn khẩn di uy mban bhapnini ban raya HCM khan brei thau di bair harei 1/11. Karei uy mban bhapnini huyện Cần Giờ, kuhria caga bruk ba bhapnini xã đảo Thạnh An saong dom sang hu baok sang taik tahak, tapeng kraong tasik tal dom libik khang kajap hadei tuk hu lệnh di uy mban bhapnini ban raya . 

          # Tui  Sở Lao động - Thương binh song  Xã hội tỉnh Vĩnh Long, meng akaok thun tal ni , tỉnh hu ba từ labaih 960 urang ngak nao ngak bruk di negar langiu, dalam nan rilo meng lac darak Nhật Bản, hu labaih 130% dut song bruk ba tabiak thun 2017 lac 700 urang ngak.  

Khaw tin dunya

# Rajaei Mỹ jeng daok âm thầm tui pagui sarak ngoại giao tapak saong Cộng hòa dân chủ bhapnini Triều Tiên yaom lac Tổng thống Đô-nan Trăm (Donald Trump) rilo mbang khan brei thau ka dom mbang ginum biai yau nan lac sa bruk palai pajoa tukvak.

# Tổng thống Vê-nê-xu-ê-la Ni-cô-lát Ma-đu-rô (Nicolas Maduro)  harei 1/11, brei tagok 30% yaom jien bilan takik di abih yaok bilan di negar ni tagok  177,507 bô-li-va. Ni lac mbang ka 5 dalam thun ni negar Nam Mỹ ni  tagok yaom  jien bilan takik di abih, hadei di dom mbang dalam bilan 1, bilan  4, bilan 7 song bilan  9 meng bloh .

# Meng harei 2/11, Campuchia peih Lễ  Óc Om Bóc (yau ye Tết Trung Thu) mengkan di bangsa. Di lễ ini hu rilo brukngak ye pakacah ghe ngo, palao đèn gió, palao đèn ia. Ini lac sa dalam dom lễ hội praong dalam thun di Campuchia.