1# Dom puk palei di tỉnh Sơn La daok ba tabiak rilo jalan ngak piah pacang padam khuah glai dalam bilan pandiak bhang thun ini. Lingiu di nan, mBan tacei jalan pacang khuah, padam khuah glai dom pakat jeng hu brei bruk ka yaok menuac di drei; brei labik khik iek, sangka tui iek saong tacei pato bhap bini am cuh puh gali njauk adat, plaih pui khuah glai.  

        2 # Di xã tapen negar Ia Đal, huyện Ia H’Drai, tỉnh Kon Tum, jit ruak laka cambuai tapaok kakau di tapon limo dok pambak praong. Anak bruk nan, Ubbhap bini huyện Ia H’Drai, tỉnh Kon Tum tacei pato  Ubbhap bini xã Ia Đal song dom  xã dok veik dalam tỉnh tagok bruk pacang caga ruak laka cambuai tapaok kakau. 

3 # Tỉnh Tiền Giang kham merat tal thun 2020 patagok bruk urang ruak hu iek ruak meng y học cổ truyền hu 20% di tuyến tỉnh, 35% di tuyến huyện saong 40% di xã, phường, ban sit. Tui Hội Đông y tỉnh Tiền Giang, meda patagok bruk ngak pahla tapa iek ruak brei saoh ka urang kan kathaot, urang sang kan kandah.

          4 # Piah khik piah pandap panda pablei ka urang blei Tết  hu siam mekre song patak patom, Liên hiệp Hợp tác xã thương mại ban raya Hồ Chí Minh (Saigon Co.op)  hu pambuak bruk song dom labik ngak pandap, labik pablei pandap  caga pandap mbang menyum yaok harei tagok meng 2 tal 4 mbang . Tui nan, abih tih yaom pandap caga pablei dalam 3 bilan dahlau, dalam song hadei Tết thun ni di  Saigon Co.op lac labaih 130.000 tấn, tagok 15% dut song  thun dahlau. 

          5# Thun 2018  lac thun ka 3 peih ngak danak dak 5 thun 2016-2020 di Tổng công ty Điện lực miền Nam. Yaom lac bruk biak rilo, min piah paglaong kein laba bruk sản xuất kinh doanh, duh ka tuai damuai, Tổng công ty thau lac, lingiu di bruk kham merat pabak ginup điện ka patagok kinh tế - ilamu – xã hội dalam tỉnh, daok brei khik siam jalan điện, pabak điện tani tanat, siam mekre ka urang pandar dalam dom thun hadei

Nhạc cắt

          Patui id ni dom khau tin dunya

         6  # Cục du lịch  negar  Trung Quốc harei 1/1 brei thau, dalam mbang padeih Tết dương lịch 2018 meng bloh, Trung Quốc taduan 113 triệu tuai  du lịch dalam negar, tui kuhria duah hu labaih  75 tỷ Nhân dân tệ (samu 12 tỷ đô la Mỹ) tagok 12% dut song tuk vak ni thun dahlau. 

          7# Mintri Nội vụ Libi di rajaei hu Liên hợp quốc công nhận bahrau brei adat pilih ruah gac 500 menuac bahrau ka Jabat an ninh ngoại giao hu bruk khik caga dom jabat ngoại giao, dom đại sứ quán taneh ia lingiu daok di Libi. Tal urak ini, hu 30 đại sứ quán taneh ia lingiu peih pabah mbang ngak bruk veik di Libi hadei di labaih 3 thun kreik pabah mbang.

       8 # Dom urang cứu hộ In-đô-nê-xi-a dok duah 13 urang lahik dalam mbang tableik song karam kapan cao tốc pajeng labaih  50 urang rah tabiak harei 1/1 di  Ka-li-man-ta (Kalimantan), In-đô-nê-xi-a. Bala nan ngak takik di abih 8 urang metai. Bruk dong duah biak kan kandah kayua langik tasik oh lagaih. Urak ni makna di bala dok hu duah thau ngak brei cambaih laih./.