1# Pagaiy harei 3/10 meng bruk dang akaok di Thủ tướng rajaei Nguyễn Xuân Phúc, rajaei hu nyaom biai bilan 9, tamat quý 3 di thun 2017. Brei panuac di mbang nyaom, Thủ tướng Nguyễn Xuân Phúc kakei dom pakat, dom nganh, dom puk palei ramik pasiam dom bruk daok tavak tavaiy piah ngak hu siam dom chỉ tiêu tui bruk ba tabiak di thun 2017.

2# Tui mintri ngak nong saong patagok palei pala, dalam bilan 9 meng blaoh, yaom padai brah di bhum taneran kraong Cuu Long daok trun. Karei jang dom mbang dahlau, bruk njauk thầu pablei 150.000 tấn brah 25% mekuac ka  Philippines mbang ini maong ye oh hu tác động halei tal darak pasal padai brah dalam taneh ia. 

3# barau ini, lô ralo menuk akaok mereip di Viet Nam hu pablei tapa darak pasal Nhật Bản kayua Công ty TNHH Koyu & Unitek, tỉnh Đồng Nai peih ngak. Anak tal, Viet Nam meda sangka tal ralo pabui saong baoh piah yam tal pablei tabiak taneh ia lingiu.

 4# Uy mban bhapbini tỉnh Thừa Thiên Huế barau brei adat kaoh tabiak meng kadung jien karja tỉnh 10 ty 275 trieu dong jien pabak hu bruk ngak brei ka dom huyện Phú Vang, Phú Lộc piah peih sarak pachreih, daong duah mek, raong pala kaya ikan dalam ia saong dich vu duah mek kaya ikan dalam ia di dom bhum tasik atah.

5# Lingiu bruk klauk jru an thần, dom drei pabui daok raong di Cơ sở sik ralo xuyen Á huyen Củ Chi ban raya Ho Chi Minh dalam mbang klauk jru an thần meng blaoh mboh yau njauk ruak saluah cambuai tapaok kakau saong urak ini daok hu dom gah chức năng cuh klak.

6# Thun ini, tinh Tra Vinh peih ngak hu siam bruk raong hadang thẻ takai mbon sieu tham canh. Tui kuhria, 1 hecta mbaok ia raong hadang sieu tham canh san luong mek hu meng 50 – 55 tấn, laba labaih 2 tỷ đồng.

7# Tui urang dang akaok Sở ngak nong saong patagok palei pala tinh Tien Giang, meng akaok thun tal ini, tinh salih labaih 2 rabau 3 ratuh ha taneh pala padai di dom libik kan kandah tapa beir pala dom pajaih phun mbang baoh đặc sản, rilo meng lac durieng, thanh long atau phun pala karei hu kein laba glaong.

Patui di ni dom khau tin dunya:

8# Hãng tin Roi-tơ  ba panuac meng Quoc Hoi Mỹ brei thau, rajaei taneh ia ini meda trục xuất jaik 2/3 dom nhan vien ngoai giao di Cuba daok di Mỹ. Bruk ngak ini rah tabiak dalam tuk talei pambuak bruk dua taneh ia daok catang tagok pambuak tal cáo buộc tấn công sóng âm bí ẩn tame nhan vien ngoai giao Mỹ di Cuba.

9# Ban Thái Nguyen, tinh Son Tay pasak than đá di Trung Quoc barau patabiak lenh pakauk pablei salih, pajeng ba saong pandar than đá piah langyah bruk nerak alam moi truong.

10#Melam 2/10, Thị trưởng ban ine Pa-ri (Pháp), amuk An Y-đan-gô (Anne Hidalgo) brei thau, tháp Ép-phen (Eiffel), biểu tượng di taneh ia Pháp di ban ine  Pa-ri, hu padam abih dom đèn điện piah pahadar dom urang gaok bala di dua mbang khủng bố saong tấn công barau abih di ban Mác-xây (Marseille) gah meraong taneh ia Pháp saong ban Lát Vê-gát (Las Vegas) di Mỹ.