1# Nyaom biai Trung ương 6, mbang XII peih tabiak di mesup harei 4/10 pachreih hu rilo bhap bini tui iek. Bác sĩ Võ Anh Hoang, dahlau deih ngak Giám đốc Sở Y tế Cà Mau brei thau: ong biak bui sambai hu thau Nyaom biai Trung ương mbang ni hu ginum biai bruk khik caga, iek glang pren yava bhap bini dalam tuk vak salih bahrau..

Tuyến y tế cơ sở lac tuyến iek glang pren yava tuk camereip, lac labik pabak dom dịch vụ y tế duh ka bhap bini. Min tong abih dom danak dak ni ye phun jien biak takik.

    2# Ngan saong bruk dân số dalam tukvak barau, rilo urang bhapnini tỉnh Tiền Giang mboh lac: chất lượng dân số di taneh ia drei oh ka sumu gauk; dom rairah ranaih umo thau sahaneng bair, hu oh takik dam dara daok diukrai tui jalan  tha hóa, ngak suan adat hukum . Ông Trần Công Lên, urang bhapnini daok di ấp 5, xã Đạo Thạnh, ban sit Mỹ Tho, tỉnh Tiền Giang lac:

Urak ini, meyah hu anek rilo ye bruk bac daa oh tal halei, kathoat, harei hadei oh lagaih. Chat luong dan so ye dahlak mboh hu oh takik menuac tha hóa, abih di nyu nan lac dom sang hu jien. Anek bhik pambak tame jien padai di amaik ame bloh mbang mein. Dahlak sahneng, Đảng – karja njauk hu sarak khik caga ka rairah rtanaih umo hu jalan sahneng siam, thau sahaneng ka rup drei lac harei hadei hu radiuk siam.

          3# Ủy ban karja ka urang Việt Nam daok di negar langiu (mintri Ngoại giao) padang Kapul urang dahlau deih ngak gru pato urang VN daok di Thái Lan mai rivang Việt Nam meng harei 5 tal 12/10/2017. Ni lac bruk ngak (hu)  patui dom jak jeng di danak dak kapul urang dahlau deih ngak gru pato urang VN daok di Thái Lan mai rivang Việt Nam thun 2016 saong lac bruk salam uan 63 thun harei peih paha ban ine (10/10/1954-10/10/2017).

4#Meng akaok thun tal ini, di ban sit Đà Nẵng labaih 11 rabau radaih ô tô ngak suan hukum jalan mbak hu camera giám sát giao thông mboh. Hadei di tuk payua harak khan brei thau tapa jalan bưu điện, hu labaih 4 rabau po radaih nao nop phạt nguội.

5# Gah ngak nong tỉnh Ninh Thuận brei thau, tỉnh dok palagaih piah (DUI pachreih dom urang buh jien tame ngak mbang gah ngak nong công nghệ glong, jhul pakhang bruk pambuak gauk sản xuất gam song salih janih phun pala ba mai kein liba kinh tế glong. 

6# Di tỉnh Bạc Liêu, harei 4/10, jaik 300 uranaih kathaot di dom xã Vĩnh Lộc, Lộc Ninh, Ninh Hòa dalam huyện Hồng Dân; Vĩnh Phú Tây, Hưng Phú, ban sit Phước Long di huyện Phước Long saong xã Hiệp Thành, phường 8 di ban sit Bạc Liêu hu tadun mek pandap trung thu meng dom urang hảo tâm, yaok paok panap yaom jaik 200.000 đồng.

7# Dalam bilan ia ndik, bhap bini ban sit Ngã Năm, tỉnh Sóc Trắng dok jar var haong bruk tong chap ikan, hadang tui ia.  Saai Trần Văn Loan di palei Tân Trung, phường 2, ban sit Ngã Năm brei thau, tui kuhria yaok harei cơ sở saai blei  hu labaih  500 kg ikan kuak, ikan PAK mai ngak mesin. Harei halei rilo ye blei hu jiak  1 tấn ikan. 

Khaw tin dunya

8#Cục Du lịch negar Trung Quốc (CNTA) brei thau, dalam 4 harei akaok mereip di mbang padhieh lễ Quốc khánh, dom cơ sở du lịch di taneh ia ini hu raok jaik 461 triệu mbang urang tuai dalam taneh ia, tagok 11,4% duk saong dom bilan ini thun 2016,  saong yaom jien mek tame abih tih tagok tal 385 tỷ Nhân dân tệ (jaik 57,55 tỷ USD), tagok 13,6%. 

9# Hu takik di abih 11 urang tame sang iek ruak di đ bang Bayelsa (Bay-en-xa) di Nigeria hadei di tuk tamuh tabiak sa janih ruak lạ kayua  virus (vi-rút). Dom urang jakar y tế puk palei khan lac hu bruk nan, saong dok brei thau lac jit ruak bahrau ni meda lac ruak giang mai khỉ. 

          10# Danakdak padai brah dunya (WFP) tabik bruk daong pabak labaih  150.000 tấn padai, brah, pandap mbang menyum ka urang tị nạn di Tanzania saong dom taneh ia taphia nan. Dom padai brah pandap mbang menyum nan hu pataom tame daong dom urang gaok kan kandah kayua dom bruk mesruh gauk di bhum Đông Phi meng akaok thun 2017 tal ini.