1# Thủ tướng rajaei bahrau mbaoh tangin tame sarak đầu tư Dự án Sang parang iek  Xứ ủy Nam Bộ song ilamu Óc Eo di  Khu di tích negar Gò Tháp, di  xã Tân Kiều song xã Mỹ Hòa huyện Tháp Mưới, tỉnh Đồng Tháp. Ni lac danak dak Nyaom A song tong abih tih phun jien buh tabiak tui kuhria labaih 90,2 tỉ đồng. Tuk vak peih ngak danak dak meng thun  2017-2021.

2# Kuhria tal urak ini dalam tỉnh Bắc Ninh hu labaih 625 sang urang buh pren ka cách mạng barau khởi công saong padang blaoh sang daok (hu 100%). Abih tih jien daong ka 625 sang lac 26,52 tỷ đồng, dalam nan jien Trung ương lac 17,68 tỷ đồng, jien đối ứng di puk palei lac 8,84 tỷ đồng.

3 # Urak ni, 11 boh sang “khăn quàng đỏ” kayua  Tỉnh Đoàn Quảng Ninh peih ngak song ngak salah bloh hu dong ka dom boh sang kan kathaot hu labik dok tani tanat. Danak dak padang ngak boh sang “khăn quàng đỏ” lac bruk hu makna, hu Hội đồng Đội tỉnh Quảng Ninh peih ngak meng bilan 6/2016 piah dong ka dom uranaih kan kathaot patrun kan kandah yam tagok dalam rai duik, dalam bac daa.

4# Di Đà Nẵng, Tiểu ban Vật chất Hậu cần APEC gam saong Công ty cổ phần ô tô Trường Hải, hu peih bruk jao brei, taduan mek mbang 1 tui hợp đồng blei 100 radaih ô tô (rilo meng lac radaih khách 45 libik) duh ka bruk pajeng ba dalam APEC 2017.

5 # Labaih 2.000 urang jakar, urang lin gah công an, bol bala... song yaok rituh phương tiện, pandap panda bahrau, hu ba mai piah pasram tổng duyệt bruk khik ramik  adit pakat glong  APEC 2017 ala bruk tacei ba di Trung tướng Phạm Quốc Cương, Tư lệnh Cảnh sát cơ động (mintri Công an). Mbang pasram tổng duyệt  piah pasang iek mbang puac di abih dom bruk khik ramik adit  pakat glong  APEC 2017 rah tabiak di ban Đà Nẵng di akaok bilan 11.

6# Tapa bruk “ bhapnini jum pataom dak padang raidiuk ilimo”, ban sit  Đà Lạt, tỉnh Lâm Đồng hu ba asal kadha ka dak padang đô thị văn minh jeng sa dalam dom asal kadha piah taong yaom dom angan ilimo. Kuhria tal urak ini, dom sang ilimo  hu 94,96 %; dom libik bhapbini daok hu chuẩn ilimo meblah 97,59 %; 12 phường jeng mek hu angan “Phường hu chuẩn văn minh đô thị”; 4 xã jeng lac “Xã hu chuẩn ilimo palei pala barau” saong xã palei pala barau. 

7 # UB bhap bini  huyện Hồng Ngự, tỉnh Đồng Tháp brei thau, huyện ni bahrau peih bruk padang ngak 7 tatua dân sinh dalam huyện, song tong abih yaom jien karja dong lac 15 tỷ đồng. Tui kuhria , 7 tatua hu ngak salah bloh song ba tame pandar dalam quý I/2018.Hadei di tuk ngak salah bloh, dom tatua bahrau nan dong palagaih ka bruk nao mai siam mekre jang ka bhap bini di labik ni dalam bilan hajan ia sua. 

Khaw tin dunya

8# Dom janih san hô meda eng drei lagaih saong bruk biến đổi khí hậu, min bruk diuk hu di sinh vật ini daok pambak tame bruk kham merat kakak lượng khí thải ngak tabiak hiệu ứng sang camin di anek menuac. Bruk roh duah ini barau ba tabiak angaok tạp chí Science Advances di Mỹ. Tui nan, dom urang alamu hu duah thau bruk thích nghi meng salih alam môi trường di janih san hô Acropora hyacinthus daok di libik ia mát, hu rilo di quần đảo Cook di Thái Bình Dương. 

9# 5 rup patau meteh rup di urang lãnh tụ negar Nga Vladimir Ilich Lenin hu  caik di angaok jalan ba tame sa boh sang sit di ban Polatsk di negar Belarus. Song nan lac, dom thaot binguk camereip pachreih hu rilo urang nao mai angaok jalan caik hatai sangka, ngak ka urang khin thau tal labik joa lange ni. Po di boh sang ni lac ong Nikolai Pankrat, umo 65 thun, sa urang lin padeih hưu. 

10# Gah pato megru, khoa học saong ilimo di Liên hợp quốc (UNESCO) barau ini hu pok angan Manchester – ban hu maong lac pasak di bhum Tây Bắc taneh ia Anh – lac ban Văn học, piah pok je dom kham merat khik ramik, brei thau saong yaih khan inem krung ilamu di ban ini.