1# Di ban sit Huế, Tập đoàn Bitexco hu mai rivang saong jao 1 tỷ đồng daong ka bhap bini tỉnh Thừa Thiên - Huế pasiam dom khut khat dalam mbang hajan ia sua meng bloh. Dalam tukvak nan, tỉnh Thừa Thiên - Huế jeng hu peih bruk taduan mek pok jien 500 triệu đồng meng rik pataom di dom urang jakar, urang ngak dalam Mintri kế hoạch saong Đầu tư daong ka bhap bini gaok kan kandah kayua ribuk ia sua. 

         2# Nghệ An dok hu rilo janih phun pala metai, bruk, khat lihik prong kayua langik oh  siam song bruk iek glang oh njauk ilamu kỹ thuật. Urak ni gah ngak nong tỉnh  dok brei urang jakar kỹ thuật trun tal labik, tui iek tapak, ba tabiak dom jalan ngak piah dong ka urang nong pacang caga siam dom khut khat di angaok phun pala.

          3# Hu mbaok meng labaih 25 thun, min buôn Sê Đăng 2, xã Ea Sar, huyện Ea Kar tỉnh Đắk Lắk urak ini jeng oh ka hu điện. Tui sở Công thương tỉnh Đắk Lắk, bruk pabak điện ka bhap bini labik ini daok dalam Dự án pabak điện palei pala meng jalan điện negar. Tui kuhria tal puac bilan 12 ini hu ngak salah bloh.

         4  # Dom harei tapa, yaom  thanh long di   Bình Thuận gam gam trun . Dom sang bein paik boh mbang ni khat trak. Urak ni, yaom pablei di bein meng 6.000-8.000 đồng/kg. Tui dom urang pablei salih, thanh long trun yaom khang lac kayua tuk vak ni darak pasa  Trung Quốc  takik blei kayua lingik liar.

5# Jabat pablei salih saong ngak kong Việt Nam (VCCI) dhar Cần Thơ pambuak bruk haong UBND ban sit  Cần Thơ peih “Bruk pakacah padang mbang ngui ĐBSCL mbang 2 – thun 2017" . Dhi chung kết di bruk pakacah hu peih tabiak harei 28/12, di Hội trường khách sạn Mường Thanh (Cần Thơ). Dom urang pakacah hu mbaok tame thuyết trình saong phản biện anak dom giám khảo piah ruah tabiak dom đề án siam gheih di abih. 

           6  # Tapa labaih sa thun peih ngak sarak  03-NQ/TU di Tỉnh ủy Bến Tre ka bruk padang ngak song pasiam panndap  panda kaya nong praong, dom gah, dom puk palei dalam tỉnh hu jak ba,  padang ngak hu 48 tổ hợp tác song 13 hợp tác xã,  piah pabak ka bruk pambuak gauk ngak nông. Urak ni, hu rilo doanh nghiệp mbaoh tangin tame harak pambuak bruk blei pandap panda kaya nong song dom boh sang di dom puk palei dalam tỉnh.

          7./Dalam tukvak meng thun 2017 – 2020, tỉnh Tiền Giang peih bruk cakak vụ saong salih bilan pala, phun pala di angaok taneh praong abih tih 15.000 ha tui jalan tam drak Đông Xuân val piah nyaik pandiak saong mbak, peih praong bruk pala drak pambuak gauk yau bein, danao, raong glang. Lingiu di nan, tỉnh daok hu jalan salih labaih 2.000 ha taneh ngak padai di dom bhum gaok rilo kan kandah tapa pala dom janih phun mbang baoh yau: kruac bung kanduh hijao, thanh long, ma-mbat... 

          Patui di ni dom khau tin dunya:

          8 # Mbang par camereip di  Hãng kapan haoh Malindo di Malaysia meng ban ine Kuala Lumpur  tal  mblang kapan  haoh dunya Phnom Penh, brei mboh bruk hãng ni hu peih jalan par tapak tal negar Campuchia, sa harei hu sa mbang par.

         9./Rajaei Philippin hu panuac pandar Hãng jru Prang Sa-nô-phi (Sanofi) padeih pablei saong yaih khan dom vắcxin pacang pandiak tabiak darah Đăng-va-xi-a (Dengvaxia) di taneh ia ini hadei di tuk hãng Sa-nô-phi adit dahlau hu panuac lac vắcxin meda ngak brei ruak trak jang. Gah Y tế dunya caong lac meda taong yaom hu bruk an toàn di vắcxin pacang pandiak tabiak darah Đăng-va-xi-a dalam bilan ini.

         10 # Karja  tỉnh Giang Tô, gah pai  Trung Quốc, dok peih prong bruk thu phí jalan cao tốc  meng phone pang tangin , tapa nan dong patagok bruk bayar jien meng di động di  tỉnh ni. Jabat khik ramik jalan mbak  tỉnh Giang Tô brei thau, kuhria tal puac bilan 12/2017, hu 800 làn jalan cao tốc di  tỉnh ni taduan bruk bayar jien meng phone pang tangin di dom  trạm thu phí./.