1# Page mesup harei 6/6, ong Phùng Xuân Nhạ, urang dang akaok mintri pato megru hu javap chalei tangi sua anak Quốc hội. 3 kadha praong hu urang Quốc hội tangi sua akaok mintri pato megru nan lac: Bruk di anak meta saong jalan piah paglaong bruk pato megru đại học, pato pakai phổ thông; bruk khik ramik pato pakai mầm non; jalan pasiam bruk xuống cấp gah đạo đức, jalan diukrai ka gru pato saong anek saih  dalam sang bac. Tui iek mbang tangi sua, cử tri Vũ Trọng Thủy daok di phường Thống Nhất, ban sit Buôn Ma Thuột, tỉnh Đắk Lắk mboh lac: Piah langyah bruk dom gru pato vi phạm đạo đức nhà giáo ngak oh siam tal angan je di gru pato, ngak duh hatai gah pato pakai saong menuac sia, gah pato pakai njauk jhul khang bruk pato pakai jalan diukra di gru pato.

2 # Jeng dalam harei 6/6, Radeih pui pajeng tuai  NH1 meng Huế tal Nha Trang tuk dok peih tapa jalan Hỏa Sơn, huyện Đông Hòa, tỉnh Phú Yên ye rah tabiak bruk chập điện khuah min samar pacang pandam hu.  Ong Nguyễn Thành Trí, Giám đốc Sở pajeng ba  tỉnh Phú Yên brei thau, gah jalan pasei brei taoh toa nan tabiak, 8 tuai di angaok  toa nan hu salih BA tapa  toa karei meng di tuk radeih pasei tal ga jiak di abih, hadei di nan radeih pasei  NH1 patui jalan peih nao.

3# Piah caga pacang bala meng lingik tasik anak bilan hajan ribuk, meng phun jien ka bruk thủy lợi labaih 1 tỷ 800 triệu đồng, tỉnh Kon Tum hu ngak bloh bruk pasiam dom khut khat sit di 19 binek, kavei dalam tỉnh. Gam saong nan lac pasang iek bruk parabha ia ka 71 binek, padang jalan pacang caga ia dauk ia sua di 24 danao hu puk palei meuac sia daok, padang jalan khik caga dom công trình thủy lợi.  

4 # Ong Vũ Minh Thao, Phó chủ tịch Ubbhap bini  huyện Chợ Mới, tỉnh An Giang brei thau, dom gah  chức năng pak ni hu panduan ba  12 boh sang ảnh hưởng hadei di bruk glut jaleih takai krong  di harei  4/6  di  labik tổ 4, palei  Long Phú 1, xã Long Điền B. Piah khik caga siam mekre ka urang nao mai angaok jalan, gah  giao thông pak ni oh brei dom radeih ô tô nao mai labik ni, samar pasiam veik   labik glut jaleih piah khik ka bruk nao mai, dom gah  chức năng tỉnh song huyện Chợ Mới dok peih bruk pasang iek piah pok panuac likau Ubbhap bini  tỉnh jalan ngak pasiam veik. 

5# Dalm luac bilan 6 ini, di palei ilamu - Du lịch dom bangsa Việt Nam hu rah tabiak dom bruk ngak ngan saong kadha “Panuac ru meng ceik glai Tây Nguyên”. Dom bruk ngak nan lac: danak dak “dane sap daoh meng kan:, daoh ragu bhap bini, daoh ru “Meng tangin amaik”; harei pataom ilamu baoh sang di bhap bini dom bangsa, danak dak cih rup cih uraniah ngan saong kadha “Tây Nguyên dalam adei”… Dom bruk nan hu mbaok di 90 bhap bini di 12 bangsa: Tày, Dao, Mông, Thái, Mường, Khơ Mú, Tà Ôi, Cơ Tu, RagLai, Ê Đê, Khmer. 

Patui di ni dom khau tin dunya:

6 #Tổng cục du lịch Thái Lan sinya  brei ngak dom jalan jhul patagok du lịch ta ldom labik pakat 2. Tuai du lịch tal dom labik nan hu tagok khang hadei di tuk rilo danak dak  xúc tiến hu peih ngak.  Dalam 5 bilan akaok thun 2018, tuai du lịch hu labaih 15 triệu mbang, tagok 13,4% dut song tuk vak ni thun dahlau, tagok 20% doanh thu. Tổng cục du lịch cong khin dom labik rivang ni dong ka gah  du lịch Thái Lan duah hu labaih 3 ribau tỷ Bạt dalam thun ni

7# Harei 5/6, sa sruh kapal haoh mesruh di không quân Ấn Độ laik di mbang Gu-gia-rát (Gujarat), gah pai Ấn Độ, ngak brei 1 phi công metai. Tui gah quốc phòng Ấn Độ, sruh kapal haoh hiệu Gia-goa (Jaguar) laik di 1 mblang hamu dalam bhum Cút-chơ (Kutch) di mbang Gu-gia-rát dom minit hadei di tuk par tagok meng căn cứ không quân Giam-na-ga (Jamnagar). Hu thau, hadei di tuk laik, sruh kapal haoh pacah jeng rilo candaih. Urak ini, gah chức trách daok duah thau makna.

          8 # Akaok  Quốc hội New Zealand Tra-vơ Ma-lớt (Trevor Mallard) brei thau, cơ Jabat ni brei padang sa mblang main ka uranaih di mblang bein anak trụ sở chính di ban ine  Oen-linh-tơn (Wellington) piah ngak jeng sa  labik siam ka boh sang song auyt sahabah. Bruk ni hu batabiak dalam tuk Thủ tướng Jacinda Arden dok dalam tuk vak cang ndik tapui anek song mbang tui sarak ka urang kumei  menek dalam 6 adit./.

                                                                                      Aí Nghiêm/VOVTPHCM