1/  Tui kuhria mboh dahlau di pasak  Dự báo khí tượng thủy văn Trung ương, meng kreih bilan 7 meda rah tabiak bruk El Nino nan ye pandiak bhang mbuan si rah tabiak di rilo labik. Di tỉnh Quảng Ngãi, tui kuhria hu labaih 12.000 ha padai Hè - Thu gaok  thu lagu di dom huyện Mộ Đức, Nghĩa Hành Tư Nghĩa Bình Sơn song Sơn Tịnh. Anak bruk nan, Công ty Khai thác công trình thủy lợi tỉnh Quảng Ngãi brei padang Ban pacang caga pandiak song njom mbak piah hu mbuan  lagaih jang.  Lingiu di nan, likau tỉnh dong jien labaih 32 tỷ đồng piah parabha ka dom puk palei peih dom bruk pacang caga pandiak.

2/ Ủy ban bhap bini tỉnh Phú Yên brei thau makna hadang metai di xã Xuân Phương saong phường Xuân Yên (ban sit Sông Cầu) lac kayua labik raong njom nerak, kandong ralo dom janih hữu cơ. Di labik ini langik tasik oh lagaih (pandiak dui atah hajan khang tuh trun chip, nhiệt độ ia glaong), ba tal ralai janih hữu cơ, patagok di dom janih vi tảo…. dom bruk ini brei pandar oxy ralo dalam ia.

    3/ Urak ni , di ban Phan Thiết hu tal 7 labik pablei ia menyum hu cồn song peih nhạc  biak praong, biak khang. Dom quán bar ni bhian peih pambah mbang tapa tuk vak brei adat, sap yava khang tapa tanut song urang ngak oh hu  hợp đồng. Piah pasiam veik bruk quán bar trá hình vũ trường dok tamuh tagok rilo di ban Phan Thiết, Ủy ban bhap bin tỉnh Bình Thuận bahrau hu harak tacei  Ủy ban bhap bini ban Phan Thiết song kapul pambuak bruk pasang iek gah  ilamu – Xã hội di tỉnh tagok bruk tui iek, xử phạt dom labik ngak suan, abih di nyu lac ngak khang bruk mek veik harak adat di dom labik ngak suan.

4/ Thun 2015 tapa duah thau, pasak pachreih nông pachreih ngư tỉnh Bà Rịa -Vũng Tàu hu ba pajaih Hưng Lộc bei kayau (HL - S11) mai pala iek, tal urak ini pajaih bei kayau ini daok hu pala dalam tỉnh saong ba mai kein laba glaong. Urak ini, pajaih bei kayau ini daok hu pambak praong, salih ka taong abih pajaih bei kayau klak bo dahlau daih mikva pala oh hu kein laba, bhian njauk ruak chổi rồng brei năng suất biar.

         5/ Amuk Đinh Thị Phương Khanh, Phó Giám đốc Sở ngak nong song patagok palei pala tỉnh Long An, brei thau, tỉnh dok patom rilo jalan ngak piah dong ka gah rong pabui hu tani tanat song patagok. Anak meta gah ngak nong tỉnh tagok bruk tacei pato urang rong pandar dom ilamu bahrau ka pajaih, pandap mbang song bruk iek glang piah patrun yaom jien raong tapa dom mbang pathau khan, pato pasram.

6/ Tui ong  Đồ Văn Thừa, Phaok akaok duk ngak nông saong patagok palei pala huyện Cù Lao Dung, tỉnh Sóc Trăng, labaih sa bilan ini mai, ruak phân trắng rah tabiak dalam huyện saong pataom ralo di 3 xã lac An Thạnh 3, An Thạnh 2, An Thạnh Nam. Ruak mbuan pambak di dom danao saong meda tamuh veik di vụ hadei. Urak ini, jaik 300 ha taneh palao raong di huyện njom ruak phân trắng

        7/ Piah pacang caga jit ruak tamuh veik dalam tuk langik mbuan tamuh ruah yau urak ni,  tỉnh Bạc Liêu daok patagok bruk pathau khan, jak ba bhap bini kham merat hu mbaok tame pacang caga jit ruak menuk ada athur rong, tacei pato urang rong tui jalan trang trại, gia trại, hacih saat, patrun bruk rong glang sit sot, brei urang jakar trun puk palei, yaok pataom saong tui iek tapon ada palao lingiu mblang hamu, dom labik kram baoh. Tui gah chức năng tỉnh Bạc Liêu, dalam 6 bilan akaok thun ni dalam  tỉnh hu jiak  8.000 menuk da njom ruak ba nao am chuh klak .

Patui di ini dom khau tin dunya:

8/ Menuac sia Nhật Bản trun samar di abih kuhria meng bruk diều tra dân số thun 1968. Nhật Bản meng lavik mai daok do dự dalam bruk peih pabah mbang ngan saong urang nhập cư, kayua urang NB bhian hadah mbaok lac bangsa thuần nhất ka ilamu, sắc tộc, yaom lac menuac sia daok taha nao, urang ngak bruk trun daok takik. Min, jaik di ini, rajaei NB hu patagok bruk pachreih du học sinh saong urang ngak hu tay nghề glaong di negar langiu. Dom urang negar langiu daok di NB tagok 7%.

        9   # Cảnh sát Đức bahrau panduan ba sa sang bac mẫu giáo di gah timun ban Đam-xtat (Darmstadt) di negar ni, hadei di tuk gru pato duah mboh sa boh  bom oh ka patuh meng saman mesruh metak dunya mbang ka 2 dalam kadung caik pandap main di uranaih. Urang brei panuac di cảnh sát An-đri Lô-ép (Andrea Loeb) brei thau, sa anek saih duah mboh boh bom dalam mbang nao me-in dalam glai, kayua oh thau nan ye adei ni ba nyu mai sang bac./.

10/ Tal tukvak ini, 11 urang daok di huyện Bung Na Rang, tỉnh gah brak Phichit, Thái Lan brei thau lac njom virus zika, dalam tuk  27 urang karei daok hu tui iek hu njauk njom atau oh./.