1# Piah caga pacang langik pandiak thu, dom thun jaik di ini, ralo sang urang ngak nong di tỉnh Ninh Thuận hu buh jien tabiak ngak jalan pruh ia patak pataom ka dom janih phun pala karei di gauk piah langyah bruk kurang ia pala drak di bilan pandiak thu. Sa-ai Phạm Văn Thu brei thau, dahlau daih, pruh ralo biak palai pajoa ia saong pren ngak, tapa duah thau, thun 2016, sang buh tabiak 15 triệu đồng ngak jalan pruh ia sit sit automatic. Meng tuk ngak tal urak ini, sang caga hu ginup ia pruh. 

2 # Beir harei 6/5, di tỉnh Bình Thuận dalam tuk menei ia kraong song dom ayut,  Đặng Quang Quyền – anek saih tal 4, sang bac Tiểu học Phan Hòa 1 dane takai laik trun labik ia dalam song palung ia metai. Krong rah tabiak bala nan oh hu paga pacang, oh hu biển báo nguy hiểm. Bruk palung ia pandik harao nan yau panuac kakei ka bruk caik hatai sangka di amaik ame ngan song  uranaih, abih di ni nan lac di tuk bilan hè jiak si tal.   Ong Tồn Mạnh Quân daok di palei  Bình Thắng, xã Phan Hòa, huyện Bắc Bình, tỉnh Bình Thuận lac sa dalam dom urang dong srong adei Quyền brei thau:

Ndom chung, bruk palung di anek saih dalam xã…

3#  Tui kuhria mboh di Tổng liên đoàn lao động Việt Nam, dalam thun 2017, dalam taneh ia hu jaik 9.000 mbang bala dalam tuk ngak bruk, ngak ka labaih 9.000 menuac njauk bala, labaih 900 urang metai. Dom bala nan ralo meng mboh di gah padang ngak, gah cơ khí, luyện kim. Ban raya Hồ Chí Minh daok lac labik hu ralo menuac metai di abih kayua bala dalam tuk ngak bruk. Makna di nyu lac kayua akaok sahneng daok biar, kayau takik caik hatai sangka di urang ngak.

     4 # Bahrau ni, di Khu công nghiệp Bắc Đồng Phú, tỉnh Bình Phước, Liên đoàn Lao động tỉnh peih tabiak bilan Urang ngak thun 2018 hu angan “Yaok công đoàn cơ sở - sa kein laba urang đoàn”. Bilan Urang ngak lac mbang tabung glong piah dom pakat Công đoàn di  Bình Phước patom tame ngak dom bruk iek glang, khik caga quyền, kein laba njauk adat hukum di đoàn viên công đoàn, công nhân viên chức, urang ngak; jak ba  công nhân viên chức, urang ngak pakacah gauk  ngak bruk, rik dong patagok di dom jabat đơn vị, doanh nghiệp.

5#Hội Chữ thập đỏ TPHCM peih tabiak “Bilan ngak pahla” ngan saong kadha "Ngak pahla – meng jalan sahneng tal jalan ngak”. Pak di tuk peih tabiak, ralo urang ngak pahla hu rik daong labaih 42 tỷ đồng.. Tui nan, piah daong ka urang ngak ikan kan kathaot tabiak tasik, Hội Chữ thập đỏ pakat negar Việt Nam pambuak bruk haong Cổng thông tin nhân đạo quốc gia 1400 peih danak dak nhắn tin “Rik pren ka tasik pulao palei negar” tapa Cổng 1400, ngan saong cú pháp BD payua 1407. Yaok sa  tin nhắn payua nao lac hu daong 20.000 đồng ka danak dak.

          Patui di ni dom khau tin dunya:

6 # Harei 6/5, Thủ tướng Trung Quốc Lý Khắc Cường hu nao rivang In-đô-nê-xi-a.Mbang nao rivang ni piah pahadar  5 thun padang talei pambuak  bruk DI Trung Quốc song  In-đô-nê-xi-a song pahadar 15 thun  pambuak bruk  chiến lược di Trung Quốc song Hiệp hội dom negar  Đông Nam Á (ASEAN).

7# Dom urang jakar negar Anh bahrau brei thau, taneh ia ini meda ba asau nghiệp vụ hu pasram duah pandap patuh, chất nổ di dom mblang kapal haoh, piah pasang iek pandap panda tame tabiak. Tui Mintri Giao thông vận tải Anh, yaok drei asau hu pasram dalam 12 tháng piah meda duah mboh dom pandap patuh.

          8 # Tui khau tin Nhật Bản, Thủ tướng Nhật Bản Sin-dô A-bê (Shinzo Abe) meda ginum biai song dom urang pal akaok  Trung Quốc song Hàn Quốc di ban ine  Tô-ki-ô di kreih adit ni. Tui nan, bruk taom gaok  di Thủ tướng Nhật Bản A-bê, Thủ tướng Trung Quốc Lý Khắc Cường song  Tổng thống Hàn Quốc Mun Chê In (Moon Jae-in) meda rah tabiak harei  9/5 anak tal, dahlau di tuk rah tabiak nyaom biai pakat glong Mỹ-Triều Tiên. Tui kuhria , 3 urang pal akaok ni hu tabiak  thông cáo chung tuk tamat mbang taom gaok./.

                                                                             Hanipha/VOVTPHCM