1# Urak ini di tỉnh Thanh Hóa gam gam rah tabiak pandiak bhang dui atah. Piah patrun khat lihik kayua glai khuah, gah chức năng tỉnh Thanh Hóa daok peih ngak rilo jalan pacang khuah, padam khuah glai. Tal urak ini, dalam tỉnh padang hu 320 km jalan pacang pui saong ramik  hareik  hu 280 ha. Meng dom bruk ngak caga pacang yau nan, meng akaok thun tal ini dalam tỉnh Thanh Hóa oh ka rah tabiak bruk khuah glai khang.

        2/   # Bruk mblung ia uranaih dok jeng bruk caik hatai sangka di rilo amaik ame song dom jabat chức năng dalam tỉnh, di Karja dom pakat dalam tỉnh Đắk Nông, abih di nyu nan lac dalam tuk dom adei bahrau yam tame tuk padeih hè song rilo puk palei dalam tỉnh dok kurang mblang main ka uranaih. Tui Uỷ ban bhap bini tỉnh Đắk Nông, dom mbang mblung ia meng bloh hu rilo makna, dalam nan makna prong di abih lac kayua kurang bruk sangka tui iek di urang prong.   

          3# Sở ngak nong saong patagok palei pala tỉnh Ninh Thuận brei thau, bilan Hè Thu hu gah ngak nong tỉnh peih tabiak meng puac bilan 5 saong tamat di harei 10/6. Min kayua rilo makna  nyu ngak suai tal bruk pala bilan Hè Thu 2017. Tui kuhria, tal harei 10/6, tỉnh Ninh Thuận tamat bruk trun pajaih bilan Hè Thu 2017 di angaok taneh praong abih tih 27.350 ha; dalam nan padai hu labaih 12.600 ha.

4/  # Harei 7/6, Công ty lưới điện cao thế Miền Nam brei thau: dom gah di Cty ini bahrau pasiam veik bruk lihik điện trạm 110 KV Vedan 2 song trạm 110KV Đồng Xoài di tỉnh Bình Phước, saong daok duah thau ngak ka cambaih laih makna song dom khat lihik kayua bruk ini.

         5 # Hội Văn học Nghệ thuật tỉnh Sóc Trăng peih danak dak yaih khan tác giả, tác phẩm ca cổ ngan saong kadha “Sóc Trăng, bhum taneh anit ranam” thun 2017. Danak dak piah daong pabak bruk pathau khan praong dalam tỉnh. Saong lac tuk piah yaih khan dom sáng tác bahrau di urang dalam hội văn học nghệ thuật tỉnh Sóc Trăng saong piah duh ka bhap bini dalam tỉnh.

          6/  # Sở ngak nong song patagok palei pala tỉnh Cà Mau brei thau, piah ngak ka pahu bruk ba tabiak lac yaom jien mek tame meng pablei kaya ikan tabiak negar lingiu lac 2 tỷ USD dalam thun 2020 song mek hu 3 tỷ USD di thun 2030, tỉnh Cà Mau hu peih rilo jalan ngak, dalam nan pataom tame padang talei pambuak gauk ngak saong pablei kak kajap haong darak pasar. Tỉnh jeng hu khan ka dom tanut pagam tal bruk rong glang hadang piah urang ngak, dong khik pacang jit ruak, khik iek siam meng bruk rong glang tal bruk ngak pandap xuất khẩu ngan song chất lượng glong.

         7# Pambuak tal bruk dom urang ngak di  Cty Pinetree (daok di palei Trà Ban 1, xã Châu Hưng A, huyện Vĩnh Lợi, tỉnh Bạc Liêu) padeih bruk rilo gauk kayua mboh lisei huak di Công ty oh hacih sa-at di harei 5/6, ong Từ Minh Phúc, akaok Ủy ban bhap bini huyện Vĩnh Lợi brei thau, dalam harei 6  saong harei 7/6, jaik 600 urang ngak di Công ty ini hu mai ngak bruk veik. 

          Patui di ni dom khau tin dunya:

8/ # Mintri pato megru Trung Quốc (MOE) brei thau 9,4 triệu anek saih trung học di negar ni meda yam tame mbang pakacah đại học pakat negar  thun 2017, dui atah dalam 2 harei 7-8/6. Tanut tuyển sinh đại học dalam negar thun ni lac 3,72 triệu sinh viên, tagok jiak 10.000 dut song thun 2016.

9# Ngoại trưởng Ả-rập Xê-út (Saudi Arabia) A-đen An Giu-bê-i (Adel Al-Jubeir) harei 6/6,  hu ba tabiak jalan pambuak veik talei rohim haong Ca-ta (Qatar) hadei di tuk talei rohim catang tagok di dom negar vùng Vịnh ngak ka rilo  taneh ia Ả-rập tabiak panuac lac cakak klaoh talei rohim haong Ca-ta. Harei 5/6, A-rập Xê-út, Ai Cập, Các Tiểu vương quốc Ả-rập Thống nhất (UAE)  saong Ba-ranh hu tabiak panuac lac cakak klaoh talei ngoại giao haong Ca-ta saong hu panuac lac kayua Ca-tadaong ka kol khủng bố saong ba tangin tame bruk di dom taneh ia dalam bhum. 

          10  # Đại sứ quán Mỹ di Ai Cập bahrau ni hu ba tagok blah (web) di drei lac, dom urang jakar song nhân viên di Đại sứ quán oh brei nao tal dom labik agama daok gah langiu ban ine Cairô, mbiah tal tuk hu panuac khan bahrau./.