1/ Tuk vak jiak di ni, urang rong ốc hương di  xã Thọ Ninh, tỉnh Khánh Hòa njauk rilo hat lihik dalam tuk rong, kayua langik oh siam. Amuk Trần Thị Điệp, Phó Chủ tịch Ủy ban bhpa bini xã Ninh Thọ brei thau, tapa tui eik, xã hu 51 ha danao, đìa rong ốc hương metai rilo, labaih 30%, kayua meng bloh dalam xã hu hajan rilo ngak ka  ia dalam danao, đìa salih samar ngak brei baoh bao metai. 

2/ Tui Thường trực Ban tacei pato Tây Nguyên, bilan Hè Thu thun ini, dom tỉnh Tây Nguyên hu peih praong biak rilo taneh pala bei kayau, ba taneh phun pala ini tagok labaih 157.292 ha; dalam nan, tỉnh Gia Lai hu taneh bei ralo abih, jaik 65.000 ha, patui di nan lac tỉnh Kon Tum saong tỉnh Đắk Lắk. dalam dom thun jaik di ini, yaom bei kayau that tagok meng 1.200 đồng tal 1.500 đồng/kg gam saong bruk abih takik pren iek glang, mbuan pala, lagaih saong ralo bhum taneh karei di gauk, abih di nyu nan lac tamuh hu di bhum taneh pandiak nan ye bhap bini pala oh tui bruk ba tabiak, tapa langiu bruk pasang iek di karja dom puk palei.

          3 / Rilo po bein di huyện Hòa Thành, tỉnh Tây Ninh mbang ndik oh bingi kayua darang da bò laik yaom saong hu tuk oh hu menuac blei. Urak ni, darang da bò hu menuac mai blei  di bein yaom meng  3.500 đồng - 4.000 đồng/kg. Ni lac yaom beir di abih dut song dom thun ini mai. Bilan dahlau yaom darang da bò meng 14.000 đồng-20.000 đồng/kg. tui dom urang pablei salih, darang da bò bhian pablei tapa  Campuchia. Thun ni, kayua  Campuchia blei biak takik  nan ye darang da bò laik yaom.

4/ Urang nông Lê Công Khanh daok di palei 7, xã Lộc Thành, huyện Lộc Ninh, tỉnh Bình Phước hu jeng tỷ phú, meng pala phun kruoc saradang. Urak ini saai daok hu labaih 30 ha phun kruoc saradang saong cam sành pablei hu yaok tỷ đồng yaok thun. Saai Khanh brei thau, phun kruoc saradang iek biak mbuan pala min phun ini biak kan iek glang meyah ngak oh njauk kỹ thuật. Piah hu sa bein kruoc saradang mek hu rilo baoh brei thau pandar dom ilamu – kỹ thuật bahrau tame bruk pala saong iek glang.

          5/  Tui Chi cục rong glang - thú y tỉnh Đồng Nai, meng Puac bilan 12-2016 tal Puac bilan 7-2017, dalam tỉnh hu  434 trang trại tut angan tame  đề án khik ramik, nhận diện song duah thau asar rilaow pabui, dalam nan hu 68 trang trại bhian pabak rilaow  pabui ka darak pasa ban raya Hồ Chí Minh ngan saong labaih 131 ribau drei pabui hu cuh kon truy xuất.

6/  Sở Khoa học saong Công nghệ tỉnh Cà Mau barau ba tabiak quyết định di Cục Sở hữu trí tuệ ka chứng nhận nhãn hiệu tập thể “Njam bồn bồn Cái Nước - Cà Mau”. Bồn bồn hu iek lac janih njam hacih di Cà Mau, hu ralo urang takre mbang. Tal urak ini, dalam huyện Cái Nước hu taneh pala phun bồn bồn labaih 62 ha, pataom ralo di xã Tân Hưng Đông, dalam nan hu jaik 150 baoh sang bhap bini pala, chế biến bồn bồn tui dạng that saong ngak nyok pablei di drak pasar. 

          7/ # Tui  mintri ngak nong song patagok palei pala, kayua langik thun ni siam jang thun dahlau, nan ye, mblang taneh rong hadang công nghiệp daok tagok veik. Dom tỉnh hu mblang taneh song sản lượng hadang sú song hadang  thẻ tagok glong lac Trà Vinh, Kiên Giang song Sóc Trăng. 

Patui di ini dom khau tin dunya:

8/ Rajaei Anh bahrau tabiak bộ nguyên tắc barau pandar dom gah ngak radaih peih angaok jalan pambuak saong in-tơ-nét brei ngak dom pandap pacang cakak tội phạm mạng khang jang piah nyaik dom bruk tấn công di tin tặc. Quy định barau jeng pandar gah sản xuất brei daong an ninh dalam luac rai di sruh radaih, pandar kỹ sư thiết kế brei caik hatai tal bruk an ninh mạng tuk patagok dom janih radaih barau.

          9/  Rajaei  Ôx-trây-li-a brei thau meda ba  dom tapon nyaom bhong pan phao krong tabiak dong duah 3 urang lin lahik dalam mbang kapan haoh pajeng pandap di  Thủy quân lục chiến Mỹ laik di langiu tasik gah pai negar  Ôx-trây-li-a  harei 5/8.

10/ Arập Xêut sanya brei 33,7 triệu đôla daong gah Y tế dunya cakak jit aih caraoh di Yêmen tuk janih ruak ini ngak ka jaik 2 ribau menuac metai./.