1#Uan 20 thun peih bruk “Tết ka urang kan kathaot saong urang njauk jru mek klik kruac”, harei 7/1, Hội Chữ thập đỏ Việt Nam pakat negar hu peih danak dak daoh tamia “Pren khang ngak pahla” ngan saong kadha “Tết ka urang kathaot saong urang njauk jru mek klik kruac” - Xuân Mậu Tuất 2018. Tapa nan, Hội Chữ thập đỏ Việt Nam pakat negar pambuak haong Cổng thông tin nhân đạo 1400 peih  bruk nhắn tin 1409 ngan saong cú pháp TET. Yaok tin nhắn rik tame 20.000 đồng ka urang kathaot tuk Tết Mậu Tuất 2018.

2 #Meng  jien jak ba dom doanh nghiệp, kapul nyaom, urang ngak pahla, tuk Tết Nguyên đán Mậu Tuất, Ủy ban Mặt trận negar  Việt Nam ban  Đà Nẵng hu alin pandap Tết brei ka  17 ribau boh sang kan. Tui nan, 14 boh sang kan hu taduan yaok pok pandap yaom 500 ribau đồng; jiak 3 ribau boh sang karei hu brei pandap dalam danak dak Xuân anit ranam kayua Ủy ban Mặt trận negar  Việt Nam ban Đà Nẵng pambuak bruk song dom đơn vị peih ngak dalam harei 29/1/2018.

          3 # Dom harei akaok thun bahrau 2018, caga mbang Tết thun sak sau jaik tal, rilo urang ngak pahla, dom kapul nyaom ngak pahla, dom doanh nghiệp, cơ quan, đơn vị, menuac sia dalam tỉnh Kiên Giang hu ba Tết tal dom urang kan kandah meng hatai anit ranam. Tui nan, labaih 26.200 urang dalam sarak karja hu alin pandap Tết; hadiah brei ka  jaik 27.000 baoh sang kathaot, yaok sang sa pok pandap yaom 500.000 đồng piah mbang Tết dalam bui sambai, chreih chrai, ndung bak hatai anit ranam gauk

          4 # Pahadar  68 thun Harei anek saih– Sinh viên Việt Nam song Hội Sinh viên Việt Nam (9/1/1950 - 9/1/2018), Trung ương Hội Sinh viên Việt Nam hu peih bruk pok meyaom sinh viên mek hu angan “Sinh viên 5 siam”, kapul sinh viên mek hu angan “kapul sinh viên 5 siam” thun 2017, alin brei Giải thưởng “Patuk bilan 1” thun 2017. Thun ni, hu 124 sinh viên hu pok brei angan “Sinh viên 5 siam”; 13 Kapul sinh viên hu POK brei angan "Kapul sinh viên 5 siam" pakat Trung ương. Danak dak "Sinh viên 5 siam" hu tagok khang dalam dom thun tapa

          5# Di labik du lịch Diamond Bay, ban sit Nha Trang (Khánh Hòa), urang kumei siam binai angan H’Nen Niê mai meng tỉnh Đăk Lăk mek hu angan Hoa hậu Hoàn vũ Việt Nam 2017 tuk tapa mbaok 41 thí sinh, jeng urang ngak pô baoh vương miện angan Empower yaom 2,7 tỉ đồng.  Lingiu di siam binai, khang kadang,  H’Nen Niê, 25 thun, mai meng Tây Nguyên hu panuac javap chalơi biak gheih dalam pakacah javap chalơi tangi sua puac abih di mBan giám khảo.

 Patui di ni dom khau tin dunya

6 # Harei 7/1, ban  Xít-ni (Sydney) di  Ô-xtrây-lia -a, daok hu pandiak khang.  Di labik ngoại ô gah pai  Pen-rít ( Penrith), langik tagok pandiak tal  47,3 độ C harei kabroi jeng sa harei pandiak di abih kuhria meng thun  1939. Dalam tuk langik pandiak khang,  bhap bini bhian nao tal dom takai tasik atau danao ia piah nyaik pandiak. Rilo menuac gaok kan kandah gah pren yava  kayua lingik pandiak. 

7# Jabat khí tượng negar Trung Quốc bahrau ini hu ba tabiak tanut cảnh báo "sambo màu kanjk" ka bruk lingik tasik rah tabiak jhak, kan thau dahlau,  bão tuyết di rilo labik, ngak khat lihik drap ar saong menuac urang. Jabat khí tượng Trung Quốc  tacei dom mintri, dom gah saong dom puk palei di taneh ia ini, abih di nyu nan lac gah jalan mbak, điện lực, thông tin liên lạc njauk samar ngak dom bruk pacang caga bão tuyết; takik bruk ngak gah lingiu lingik, pasiam pakhang dom sang camin, lều bạt; duah labik daok siam ka athur raong, menuk ada.

8  # Karja Ả-rập Xê-út hu cap mek 11  hoàng thân , hadei di tuk dom urang ni pataom gauk di sa van patao DI Ri-át piah phản đối dom jalan ngak catang khik caga bruk pandar cai. Ả-rập Saudi, taneh ia pablei xăng menyek prong abih di dunya, hu ba tabiak rilo jalan salih bahrau piah cakak trun dom pok jien dong karei karei, dalam tuk ba tabiak thuế giá trị gia tăng song bahrau ni piah patrun thâm  hụt kadung jien karja, Ả-rập Xê-út padeih bayar jien điện, jien ia ka dom urang lac hoàng thân. 11 Hoàng thân hu panuac cphản đối song njauk gah Vệ binh hoàng gia chap mek./.

 Aí Nghiêm/VOV TPHCM