#/ Di HN, mintri pato megru pambuak bruk song  Đại sứ quán Thụy Điển di  Việt Nam peih ngak Dự án pambuak bruk Việt Nam- Liên minh châu Âu ka bruk ngak ka SV. Brei panuac di tuk peih bruk, thứ trưởng mintri pato megru  Bùi Văn Ga brei thau, VN dok peih ngak rilo jalan paglong chất lượng pato megru hadei di đại học piah pabak ka darak pasa urang ngak, patrun bruk “ labaih tual, kurang jeing” song bruk SV bac tamat bloh oh duah hu bruk ngak.

#/ Peih ngak Tiểu hợp phần ba ia ka palei pala, kayua tổ chức UNICEF daong, dalam tỉnh Lào Cai hu 243 baoh sang bhap bini bhum kan kandah hu daong  xử lý  saong khik mepiah ia hacih saat di sang. Dom baoh sang di 69 puk, palei dalam 7 xã di 4 huyện Bắc Hà, Sa Pa, Mường Khương saong Si Ma Cai hu daong xử lý ia hacih saong khik mepiah ia di sang meng hệ thống halang saong thung katak caik ia.

#/ Dok dom harei tr, mik va urang nong tỉnh Quảng Bình trun pajaih bilan đông xuân, min dom khat lihik trak kayua 2 mbang ia sua meng bloh, ngka ka mblang hamu, krong ribong glut jaleih, pajaih phun pala khut abih, ngka ka urang nong gaok rilo kan kandah.

#/ Peih mbaok mbang 3 di danak dak “Daong takai yam ka anek saih bangsa gam bac gam daok”, jaik 1.000 blah khan ấm hu alin ka anek saih 3 sang bac bangsa gam bac gam daok tỉnh Yên Bái lac Văn Chấn, Mùa Cang Chải saong Trạm Tấu, ngan saong yaom jien pandap alin abih tih lac labaih 385 triệu đồng, patagok dom anek saih hu taduan khan meng akaok danak dak tal ini lac 7.862 adei, di 34 sang bac, dalam 8 tỉnh bhum ceik gah brak.

#/ Patagok siam lagaih meng bruk bán trú, tỉnh Quảng Ngãi hu peih ngak siam dom sarak ka anek saih lac urang bangsa takik yau: brei 15 kg brah ka sa anek saih dalam sa bilan, dong jien bac, dong jien sang dok ( balik trọ). Anek saih di dom huyện bhum ceik meng pakat bac mầm non tal trung học cơ sở hu brei harak siphau, song hu nyim tapuk giáo khoa piah bac daa.

#/ Urak ini, huyện Tri Tôn saong Tịnh Biên, tỉnh An Giang lac dua labik pala ralo phun kanot saong hu palei ngak saradang kanot meng kan. Yaok thun, dalam bhum ngak tabiak meng 5.000 tal 6.000 tấn saradang kanot pablei ka drak pasar.

#/ Thun 2014, meng phun jien mesraiy meng gilang pariak, sang ong Lê Văn Cuông di palei  Thạnh Tân, xã Thạnh Bình, huyện Tân Biên, tỉnh Tây Ninh khang hatai pala kruac aik oh hu asar. Hadei di 2 thun peih ngak, meng tari tarieng, kham merat iek glang,  kruac aik oh hu asar daok ba mai kein liba KT cambaih laih. Jalan ngak bahrau ni ba mai jien tani tanat ka  sang ong. 

Patui di ini dom khau tin dunya:

#/ Tui panuac khan bahrau abih di urang ngak praong Inđônêsia, dom urang metai dalam mbang megei baoh taneh di tỉnh A-xê di taneh ia ini lac 97 urang saong labaih 600 urang kamei njauk rambuah. Labaih sa ribau urang lin saong yaok rituh cảnh sát, urang di jabat tui iek bala puk palei saong biak ralo urang halan hatian daok hu mbaok tame daong, duah.

#/ Dom urang ilamu di pasak Dữ liệu băng tuyết Hoa Kỳ brei thau bruk roh duah bahrua di abih mboh lac, băng tuyết di Bắc cực song Nam cực dok dalam tuk vak beir di abih yaom lac bilan 11 hu mong lac tuk vak liar di abih dalam thun

#/ Var klaak nao dom huac kanda ka bruk taong mbom pametai, klup kapul radaih juak địa hình Drop En Rai hu padang tagok meng 2 bilan  piah daong dam dara Apganixan hu labik me-in giải trí saong me-in thể thao, nyaik atah dom kanjah jhak di ma túy, tội ác saong mesruh gauk./.