1/ # Dalam dom harei tapa, hajan khang dui atah ngak kan kandah trak tal rai duik di bhap bini xã Khâu Vai, huyện Mèo Vạc, tỉnh Hà Giang. Hajan khang ngak glut jaleih rilo jalan palei ngak ka dom labik oh nao mai hu. Tui kuhira khat lihik tuk camereip lac lac 400 triệu đồng. 

          2/ Tui UB pakat negar daong duah urang njauk bala, tal biar harei kabroi, di dom tỉnh bhum ceik gah brak, ia sua, jaleih haluk ngak 25 urang metai, lahik 16 urang saogn 14 urang njauk rambuah di dom tỉnh Sơn La, Yên Bái, Lai Châu, Điện Biên. Mintri Quốc phòng daok tacei pato Quân khu 2 saong dom đơn vị đóng quân pak nan pambuak saong lực lượng di labik ieu pataom 7630 urang saong 64 phương tiện dom janih kham merat hu mbaok tame  duah urang lahik saong daong bhap bini pasiam dom khut khat meng bala di dom tỉnh bhum ceik gah brak.

3/ # Thun bac meng bloh, sang bac Trung học phổ thong Chuyên Lê Quý Đôn, ban Đông Hà, tỉnh Quảng Trị hu 251 anek saih pakacah  tốt nghiệp Trung học phổ thông pakat negar.Tapa nan, taong abih anek saih di sang bac  tamat tốt nghiệp, hu 51 anek saih hu pilih ruah tapak tame dom sang bac  Đại học am negar, samu 20%. Anai gru Nguyễn Thị Thúy Hằng, sang bac Trung học phổ thông Chuyên Lê Quý Đôn, ban Đông Hà brei thau: bruk salih bahrau dalam khik ramik song jalan pato pakai ba mai siam lagaih, paglaong bruk eng drei bac, eng drei roh duah di anek saih.

4/ Harei 6/8, di ban Đà Nẵng hu rah taniak  bruk pakacah Marathon dunya  Đà Nẵng 2017 pachreih hu yaok ribau tuai damuai dalam taneh ia saong dunya hu mbaok tame. Ini lac giải nduac Marathon chuyên nghiệp akaok meti di Việt Nam, ngan saong jalan nduac hu duk saong brei chứng nhận di hiệp hội Thể dục dunya saong hiệp hội Marathon dunya. Meng jalan hu taong yaom lac sa dalam dom jalan nduah saim saong chreih chrai abih Đông Nam Á, bruk pakacah rik daong pachreih tuai damuai mai hong ban tasik.

5/ # Tuk vak ni, langik di Ninh Thuận oh siam, harei pandiak, beir harei song melam hu hajan di dom labik, ni lac jalan palagaih piah halak halin tamuh song palai pajoa padai Hè Thu 2017. Tui panuac khan di Chi cục khik caga phun pala Ninh Thuận, urak ni halak balik hala tamuh song palai kaik labaih 29 ha  padai hè thu di dom huyện Bác Ái, Ninh Hải, Ninh Phước  song Thuận Bắc. Kayua yau nan ye, Chi cục khik caga phun pala Ninh Thuận hu panuac kakei urang nong tagok bruk pacang caga, oh caik ka ruak tamuh jeng jit.

6/ Urak ini, ralo baoh sang raong ikan lồng bè di Long Sơn (Bà Rịa – Vũng Tàu) laik tame bruk ikan metai oh ka duah mboh makna. Tui ong Nguyễn Hữu Thi, akaok duk raong ikan saong anek pajaih Chi cục Thủy sản tỉnh Bà Rịa – Vũng Tàu, ikan metai lac kayua klak mbang saong hu mboh di labik meng pabah kraong tame tal tatua Chà và. Tui duah thau kayua dom harei tapa hajan ralo, oxy biar ba tal ikan metai.

          7/ #  Ban raya Hồ Chí Minh urak ni dok raong 274 amaik Việt Nam anh hùng dok duik, khik iek labaih  270 ribau hồ sơ urang dalam sarak karja tui  hukum daong ka urang buh pren yava ka taneh. Tal urak ni, di pakat ban raya oh dok harak hồ sơ kandong veik, pakat quận, huyện dok  16 hồ sơ dok hu ba tagok gah angaok langyah.

Patui di ini dom khau tin dunya:

8/ Pahadar 50 thun harei padang tagok, harei 6/8 di Đại sứ quán In-đô-ne-xia di  Băng-cốc, Thái Lan, dom đại sứ quán di 10 taneh ia dalam Hiệp hội dom taneh ia Đông Nam Á (ASEAN) hu peih  lễ hội truyền thống “Harei  baoh sang ASEAN).  Harei baoh sang ASEAN rah tabiak dalam bui sambai, anit ranam gauk di baoh sang praong ASEAN ngan saong dom kadha pakacah dit blaong, bóng bàn, cầu long, yaih khan ilamu, pandap mbang, daoh tamia.

        9/   # Pathau khan  bruk đầu tư di dom negar  Ả rập thun 2017 di Công ty đầu tư song xuất khẩu tín dụng Ả rập brei thau, abih tih phun jien  di  Trung Quốc buh tame ngak mbang di dom negar  Ả rập thun 2016  labaih 29 tỷ đô la Mỹ, tapa mbaok  Mỹ, Trung Quốc jeng sa negar ngak mbang prong abih di Trung Đông.  

            10/ Tui panuac  di jabat y tế Hồng Công, harei 5/8 brei thau, jit cúm di Hồng Công h ngak 315 urang metai, tapa 299 urang metai kayua jit hội chứng hô hấp cấp tính trak (SARS) di labik ini thun 2003. Jabat y tế Hồng Công cảnh báo, tabung glaong di jit cúm jeng oh ka abih saong patui rah tabiak kayua hajan dui atah lac jalan  piah jit cúm njom mbak./.