1./Urak ini, menuac  biên chế  saong menuac ngak dalam dom jabat karja di tỉnh Lai Châu lac labaih 18.800 urang. Tal urak ini, Lai Châu daok kuhria tinh giản biên chế ka tukvak 2015 - 2021 tui jalan 10% tuk mbaoh tangin brei adat tinh giản biên chế ka 32 cơ quan, đơn vị saong trun hu 181urang. Tui panuac khan di Mintri Nội vụ, lingiu di bruk tinh giản biên chế tui jalan ba tbaiak, thun 2018 tỉnh Lai Châu brei sát nhập dom cơ quan, đơn vị saong tinh giản jaik 500 biên chế dalam dom jabat karja. 

 2 # Bộ Tư lệnh Công binh, Pasak  ngak bruk bom mìn negar  Việt Nam pambuak bruk song Ủy ban bhap bini tỉnh Đak Lak bahrua peih danak dak doh  tako “ Kayua siam mekre rai duik” piah pathau khan ka bruk di bhap bini dalam  pacang caga bom mìn, dong ka bhap bini thau jang ka bruk kan kandah jang yau peih ngak siam dom jalan pacang caga, plaih  bala bom mìn ka rup eng song bhap bini. Jeng tapa nan, kadung jien dong pasiam veik bom mìn Việt Nam hu jao 20 pok jien, yaok pok  yaom 12 triệu đồng, piah dong ka boh sang dom urang gaok bala njauk jaoh jo kayua bom mìn, pandap patuh hadei di mesruh metak piah yam tapa kan kandah tani tanat rai duik.

3./Anak bruk rilo công trình ia hacih palei pala oh ngak bruk atau ngak bruk takik kein laba, gah ngak nong saong patagok palei palal tỉnh Kon Tum daok peih bruk pasang iek, taong yaom piah hu jalan pasiam veik. Tui kuhria mboh di gah ngak nong saong patagok palei pala tỉnh, hu 136 dalam 260 công trình oh ngak bruk saong ngak bruk takik kein laba. Anak bruk yau nan, ông Văn Tất Cường, Phó Giám đốc Sở ngak nong saong patagok palei pala tỉnh Kon Tum brei thau, Sở daok taong yaom veik taong abih dom công trình piah hu jalan pasiam veik.

4 # Hadei di rilo harei tui iek,  beir harei 10/12, gah  cảnh sát hình sự Công an  ban .Biên Hòa , tỉnh Đồng Nai tame chap sa labik taram menuk mbang jien di sa mblang taneh klak saoh, joa lange urang nao mai di palei  3, xã An Hòa. Di labik ni, gah công an chap hu yaok pluh urang dok peih bruk sới gà đá. Mboh  công an mai, dom urang ni nduac klak, min dom urang trinh sát hu cakak rilo jalan, chap hu 30 urang .

5./Công an TPHCM daok ba dom công nghệ bahrau tame bruk khik caga an ninh trật tự, rik daong ka bruk padang ngak thành phố thông minh. Dom jamriak ini nhận dạng hu menuac, biển số radaih peih oh njauk jalan. Dalam nan, dom camera kỹ thuật thông minh meda tui iek, tacei tabiak labik saong mbaok meta menuac peih, biển số radaih hu ba tame pandar meng jaik 1 thun ini mai saong mboh hu siam lagaih.

6 # UB bhap bini  tỉnh Tây Ninh song  Chi cục khik ramik darak pasa  tỉnh bahrau tong  phạt 1 Doanh nghiệp Xăng menyek  song  2 Đại lý khak drak pablei salih di  xã Long Thuận, huyện Bến Cầu song tong abih pok jien jiak 300 triệu đồng kayua ngak suan dalam bruk pablei salih, sản xuất, pablei pandap ja, pandap cấm.  

7./ Sở Cảnh sát PCCC ban sit Cần Thơ brei thau, tal urak ini, ban padang hu 4 mô hình PCCC dalam bhap bini. Dom mô hình hu peih tabiak meng thun 2010 tal urak ini, pachreih hu rilo bhap bini, dalam nan hu dom urang di dom agama, dom chức sắc, nhà tu dalam dom agama, dom bangsa saong dom cơ quan, doanh nghiệp abih hatai pataom mbaok tame.  

( Nhạc cắt)

Patui di ni dom khau tin dunya

8 # Dom jalan mbak di ban ine  ô Béc-lin (Berlin), Đức  urak ni mbak thaot binguk ong taha nô-en tuk yaok rituh urang hu mbaok dalam mbang pakacah nduac takai yaok thun hu angan “Mbang pakacah nduac thánh Nicholas”. Mbang pakacah pamong tal dom urang dalam sang njauk hu rilo tanut nduac  parabha meng 1 tal  10 km.

9./Dom labik buh phiếu dalam taneh ia Vê-nê-zuê-la (Venezuela) harei kabroi  (10/12)hu peih pabah mbang piah  cử tri tame pilih ruah meuac ka karja palei. Labaih 19 triệu cử tri nao buh phiếu piah pilih ruah labaih 300 thị trưởng dom ban di Vê-nê-zuê-la. Ini lac mbnag bầu cử ka 3 di Vê-nê-zuê-la dalam oh ka tal 6 bilan tapa saong lac bruk bầu cử mbnag ka 24 di taneh ia ini dalam 18 bilan tapa.

 10 #Yaom lac langik liar, melam 10/12 (yaok pluh ribau urang hu trun jalan di  ban ine  Bu-ca-rét (Bucharest) song dom ban prong karei karei di  Ru-ma-ni (Romania) piah cakak bruk pasalih adat hukum di Đảng Dân chủ xã hội dok ngak hu mong lac meda cagar veik bruk kham merat pacang caga tham nhũng di negar ni ./.