Khaw 6h30 harei 23/8

# Piah pachreih urang nong peih prong taneh pala drak  vụ Đông song patagok  bruk ngak nong, tỉnh Vĩnh Phúc hu tabiak bruk dong jien ngak mbang pala drak ka bhap bini dalam tỉnh. Tui nan, Vĩnh Phúc meda buh tabiak 13 tỷ đồng ka  abih tih 9 huyện, thị, ban pala 5.675 ha tangei, 1.495 ha ratak haluk, 1.850 ha bei yava. Yaom jien dong tapak ka urang nong lac 1,4 triệu đồng yaok ha. 

# Tukvak meng ini tal thun 2020, tỉnh Thừa Thiên - Huế ieu pataom 7.220 tỷ đồng buh tame ka danakdak padang ngak palei pala barau. Tỉnh kham merat tal puac thun 2020 hu 61 xã mek hu chuẩn palei pala barau.

# Caga ka thun bac 2017- 2018, gah pato megru tỉnh Quảng Nam buh tabiak yaok rituh tỷ đồng padang ngak cơ sở vật chất sang bac, blei pandap bac daa di dom pakat bac piah paglaong  chất lượng pato pakai tui jalan salih bahrau. Ngan song dom huyện bhum ceik di tỉnh yau Nam Trà My, Tây Giang, bruk padang ngak bahrau dom sang bac hu peih ngak samu gauk, gam song quy hoạch, rami ramik veik labik daok di bhap bini, tapa nan, pasiam bruk sang bac sit sot dahlau deih. 

 # Pato saong bac sap Anh tui jalan paglaong chất lượng hu tỉnh Ninh Thuận thau lac sa dalam dom jalan ngak dalam bruk salih barau pato megru di tỉnh. Min, rilo thun tapa, bruk pato saong bac sap negar ingiu di Ninh Thuận oh ka hu rilo salih barau. Urak ini dalam tỉnh hu 28 sang bac tiểu học lac labik patih ka pato saong bac sap negar lingiu. 

# Tỉnh Gia Lai peih bruk quy hoạch ba dom bhum taneh ngak puh tapa padang ngak dom mblang hamu pala tabau prong jiak 40.000 ha ka dom sang  máy saradang di tỉnh; dalam nan, mblang taneh rilo di abih lac di dom huyện gah pai Trường Sơn yau Ia Pa, K’Bang, Đắk Pơ, Konchoro. Tui kuhria yaok mblang taneh tabau  praong meng 50 tal 200 ha. Gia Lai jeng lac labik hu taneh tabau rilo abih di bhum Tây Nguyên.

# Sở ngak nong saong patagok palei pala tỉnh Trà Vinh pambuak bruk saong dom puk palei sangka jak ba urang nong klauk vắc xin caga ruak kum ka menuk da. Ủy ban bhapnini tỉnh Trà Vinh daong vắc xin, menuac klauk jru di libik mbuan hu patuh jit lac sang katahot, sang jaik si kathaot saong sang raong glang menuk ada sit takik jang 50 drei. Daok tapol menuk ada meng 50 - 500 drei, sang raong glang njauk bayan jien vắc xin, kadung jien karja tok daong menuac klauk jru.

# Tui ong Lê Văn Hoàng - Giám đốc Sở ngak nong song patagok palei pala tỉnh Long An, meng thun 2014 tal  2017, tỉnh hu buh tabiak labaih 537 tỷ đồng piah pasiam labaih 900 công trình thủy lợi pabak ka bruk pala drak di tỉnh. Meng hu phun jien ni, gah ngak nong tỉnh samar pasiam veik, piah pabak ia pruh, pacang ia dauk ka labaih  280.000 ha padai.

Khaw tin dunya

#  Harei 21/8, Trung Quốc saong Indonesia hu peih ginum biai pakat  phó thủ tướng mbang yaka 6, sanya patagok talei pambuak bruk abih gah di dua taneh ia. Ủy viên Quốc vụ Trung Quốc Dương Khiết Trì ndom lac talei pambuak bruk di Trung Quốc saong Indonesia brei mboh bruk patagok drak samal saong dua taneh ia daok khik dom mbang ravang pakat glaong gam gam, dalam tuk peih praong pambuak bruk di rilo gah.

# Uỷ ban Kiểm tra Kỷ luật Trung ương Đảng Cộng sản Trung Quốc (CCDI) harei 21/8 brei thau jabat ni dalam bilan cơ 7 meng bloh hu  tabiak  kỷ luật 6.184 urang jakar ngak suan dom  quy định ka bruk  patak patom song pacang palai pajoa, dalam nan xử kỷ luật đảng

# Sa mbang megaiy taneh khang 3,6 độ rích-te rah tabiak di pulao Is-chi-a ( Ischia) langiu ar takik Náp-pờ ( Naples) melam 21/8. Tui pathau khan akaok mereip hu takik abih sa urang metai, 20 urang karei bị thương saong rilo tòa sang  glut jaleih. Hu rilo bhap bini saong tuai du lịch angaok pulao di tukvak tabung glaong di bilan hè ini. Mbang megaiy taneh ngak ka dom urang huac nduac tabiak phố. Rilo sang iek ruak njauk panduan ba urang ruak nao labik karei.