# Pok sap ndom di njaom biai pakat negar peih ngak bruk ngak thun 2018 pak bal raya HCM biar harei kabroi 25/12, Uỷ viên Bộ Chính trị, Bí thư Trung ương Đảng, Akaok ban Tuyên giáo Trung ương Võ Văn Thưởng ndom lac gah tuyên giáo njauk salih bahrau bruk tuyên giáo piah laghaih haong tình hình bahrau. Tui nan, yaok urang jakar tuyên giáo njauk salih bahrau jalan saneng, peih jalan ka jalan ba di Đảng, sarak hukum di karja tame dalam rai diuk oh njauk lac ndom tui, ndom gilac.

       # Bair harei 25/12, di var ngak bruk saong tỉnh Cà Mau saong dom mban nganh pambuak tal ka bruk caga plaih ribuk ka 16 (Tembin), Phó thủ tướng Trịnh Đình Dũng pandar njauk khik caga an toàn tính mạng, drap ar ka bhapnini; peih ngak catang bruk padang biển”. Urak ini labaih 3.400 kapal gilai daok taong cap di tỉnh Cà Mau hu duah pataom ginup.  Cà Mau hu ba 56.000 urang bhapnini, pacang kak labaih 89.000/104.000 baok sang.

      # Biar harei 25/12, UB bhap bani tỉnh Bà Rịa - Vũng Tàu hu công văn hỏa tốc payua nao ka dom puk palei dalam tỉnh, tacei pato brei padeih bruk panduan ba bhap bani piah plaih, njaik mbang ribuk ka 16. Urak ini ribuk ka 16 hu patrun cấp độ, daok  suy yếu nao saong oh pambak tapak tame Côn Đảo saong Cà Mau yau kuhria dahlau. Kayua nan ye, tỉnh quyết định brei padeih bruk panduan ba bhap bani nao daok dom labik oh njauk pambak kayua ribuk. Ta-eng  huyện Côn Đảo jeng njauk panduan ba 2.100 urang nao tal labik siam mekre.

       # Di tỉnh Bạc Liêu, dom kapul jeng daok khik saong caga ribuk ka 16. Bạc Liêu hu abih tih labaih 1 rabau 200 sruh kapal ikan ngan saong 10 rabau thuyền viên. Tal puac bair harei 25-12,  dom kapal gilai di tỉnh Bạc Liêu hu ba tame plaih ribuk. Taong abih bhapbini dalam tỉnh hu ba nao plaih ribuk lac 124.908 urang, ginup abih tui bruk ba bhapbini nao plaih di dom huyện, ban sit. 

    # Kayua pambak di mbang ribuk ka 16, urak ini hu labaih 4000 urang dalam nan hu jaik 2.200 tuai damuai dunya njauk gar veik di huyện đảo Phú Quốc. Piah pabak số lượng duk ndih kayua tuai damuai daok veik ralo, ralo khách sạn, sang padeih hu jak ba abih pren khang, ramik brei labik daok labik ndih ka tuai damuai, abih di nyu oh brei tagok yaom di tuk ini.

Khaw tin dunya

# Tổng thống Thổ Nhĩ Kỳ Tay-íp Éc-đô-gan (Tayyip Erdogan) brei thau, taneh ia ini daok pambuak bruk saong Nga ba nao plaih jaik 500 urang tabiak truh Đông Gu-ta (Ghouta), bhum langiu ban Đa-mát daok gaok pacang cakak, vây hãm.. Ông brei thau hu ginum biai dom bruk saong Tổng thống Nga Vla-đi-mia Putin. Thổ Nhĩ Kỳ caong ba dom urang njauk daong mai taneh ia piah iek ruak saong pasang iek.

# Tổng thống Ai Cập Phat-ta An Si-si (Fattah al-Sisi) harei 24-12 brei thau dalam 2 tal 3 thun tal, negar meda peih ngak dự án dak padang hu yaom 5,6 tỷ đôla Mỹ angaok pulao kaoh Si-nai, labik gah Barak daok njauk klaak saoh kayua dom cuang kandah meng phiến quân Hồi giáo cực đoan. Tổng thống Ai Cập oh brei thau cambaih harei khởi công dự án, phun jien peih ngak saong cambaih laih dom bruk ngak karei, min tui sa binah dự án meda hu 4 jalan hầm pambuak pagam pulao kaoh Si-nai haong labik châu thổ sông Nin (Nile).

# Lin padam khuah Philippine barau mboh 37 urang metai lac menuac ngak  di sa công ty Mỹ gar dalam mbang khuah di sa tòa sang pablei salih di ban Đa-vao (Davao), gah meraong taneh ia ini. Gah khik ramik công ty brei thau, meda daong sang ngak ndam metai ka urang gaok bala saong buh jien bồi thường. Hu thau, mbang khuah patuh meng tal 3, libik pablei khan ao, pandap gia dụng saong nội thất. Mbang khuah rah tabiak hadei mbang ribuk tuh tame Davao sang ngak dauk meteh ban./. 

                                                                                              Hồng Hải/VOV TPHCM