# Pahadar 71 thun Cách mạng Bilan 8 saong Harei negar 2/9, pak Phủ Chủ tịch, Akaok negar Trần Đại Quang bahrau taom mbaok dom chức sắc, chức việc lambaok ka 17 kapul nyaom agama. Brei panuac di van taom mbaok, akaok negar Trần Đại Quang pandar pakat ủy, karja dom pakat njauk patagok bruk pathau khan, tacei pato, daong ba tín đồ saong halau janeng agama paglaong hatai sangka, caga pacang saong ngak tayah âm mưu, bruk ngak di kol thù địch, phản động pagam pambak tame agama piah cagar veik bruk cách mạng di bhap bani drei.

      # Di jabat ngak bruk di rajaei, Thủ tướng Nguyễn Xuân Phúc hu taduan Tổng thư ký karja đặc khu hành chính Hong Kong Lâm Trịnh Nguyệt Nga daok rivang VN. Thủ tướng ndom lac, tukvak tapa, meng bruk kham merat di dua gah, talei pambuak bruk praong, taong abih gah di VN – TQ hu patagok siam mekre. Anak tal, dua gah njauk taom gaok, brei rilo kapul di dom jabat karja, hiệp hội ngành nghề saong doanh nghiệp nao mai rivang gauk.

      # Đồn Biên phòng Hải Hòa, tỉnh Quảng Ninh bahrau cap khik sa sruh radaih ô tô pajeng sa tấn rilo menuk angaok jalan tame bal Móng Cái. Bruk njauk ndom nan lac, sruh radaih piah pajeng manuac hu paok abih kik daok piah pajeng yaok pluh bai kareik menuk, dalam nan hu ralo drei metai, mbau bruk. Urang peih radaih oh hu harak brei thau ka asal di dom drei menuk nan. Đồn Biên phòng Hải Hòa daok cap khik sruh radaih nan piah duah thau, ngak brei cambaih laih bruk nan.

      # Hadei di 3 harei nộp bảng điểm xác nhận nguyện vọng tame bac, anek saih mai tapak dom sang bac piah nộp oh hu ralo. Tui dom sang bac, anek saih ralo meng payua hồ sơ tui jalan bưu điện piah patak pataom jien nao mai. Dom sang bac daok brei dom kapul urang jakar nao tal dom tỉnh piah mek bảng điểm, salih  ka bruk anek saih njauk mai tal sang bac. Dom sang bac kakei anek saih oh cang nao tapak piah nộp, bo payua tapa jalan bưu điện saong khik veik biên lai piah ngak đối chứng. anek saih brei tame website di sang bac iek tacei pato thủ tục tame bac piah ngak hồ sơ bloh nao tal sang bac ngak harak tame bac. 

      # Tỉnh Quảng Nam bahrau peih mbang pasram ngak iek bruk pacang caga ribuk aia sua saong roh duah urang njauk bala thun 2016. Labik hu palih ruah peih ngak mbang pathram nan lac xã Bình Giang, huyện Thăng Bình, labik bhian njauk aia dauk tuk hajan ribuk mai. Bruk ngak iek hu ba tabiak nan lac, mbang ribuk ka 2 si tuh tame baoh taneh, ngak kan kandah tapak tal xã Bình Giang, huyện Thăng Bình. Pren angin di ribuk khang pakat 8, pakat 9, ndaoh pakat 10, pakat 11. Meda hu bala meng langik tasik pakat 3. Pak ini, hu jaik 100 baoh sang urang ngak nong saong taong mek kaya ikan. Kayua rai diuk daok kan kandah nan ye sang danaok di mikva oh ka hu padang ngak khang kajp.  

       # Tal urak ini, Cần Thơ hu peih bruk lắp đặt akaok thu truyền hình số mặt đất ka 25.446 baoh sang kan kathaot, jaik si kan kathaot dalam abih tih labaih 29.400 baoh sang kan kathaot, jaik si kan kathaot ginup điều kiện hu daong tui quyết định di thủ tướng rajaei brei adat ngak danak dak pabak dịch vụ viễn thông công ích tal thun 2020. Tui quyết định di mban tacei pato số hóa truyền hình VN, meng harei 15/8, rayo papar binguk VN brei padeih phủ sóng truyền hình tương tự mặt đất di HN, Hải Phòng, Cần Thơ, ban raya Hồ Chí Minh saong Bình Dương.

       # Urak ini, ralo urang nong di tỉnh Tiền Giang pala pajaih la-u  Mã Lai biak bui sambai kayua lac baoh kayau ini daok pablei nduac, yaom glaong. Di tukvak ini, urang nong pablei la-u Mã Lai pak bein yaom meng 5.000 - 6.000 đồng sa baih, samu 60.000 đồng sa pluh (12 baoh). Daok la-u Mã Lai pajaih ye yaom pablei tal 500.000 đồng sa pluh. Ini lac janih la-u duh ka bruk giải khát hu darak pasa dalam saong langiu negar takre ralo. 

        Patui di ini dom khau tin dunya:

       # Ngoại trưởng Nga Xéc-gây La-vơ-rốp tah klak panuac lac bruk Nga pandar dom căn cứ quân sự di Iran piah không kích di Xyri lac vi phạm dom lệnh trừng phạt di LHQ ngan saong Iran. Ong ndom lac, Nga tok pandar căn cứ ini yau sa binah di bruk pacang khủng bố. Nga saong Mỹ jeng daok ginum meyai di ralo pakat karei di gauk, tham vấn di bol bala, jabat tình báo saong bộ ngoại giao dua taneh ia, piah peih ngak thỏa thuận pambuak bruk ka Xryi, mek hu di bilam 7 meng bloh. 

     # Ribuk nhiệt đới Chan-thu bahrau tuh tame tỉnh Hốc-cai-đô, gah Barak Nhật Bản, karja tỉnh ini njauk tabiak bruk ba panduan saong dom jalan ngak karei piah khik caga siam mekre salamat ka bhap bani. Công ty jalan pasei Hốc-cai-đô khan lac, brei padeih nduac 350 mbang gilai. Dalam tuk nan, 36 mbang pal nao mai meng dom mblang kapal haok di Hốc-cai-đô saong labik Tô-hô-cự (Tohoku), gah đông bắc Nhật Bản brei padeih par. Dom sang bac jeng brei kareik pabah mbang. Ribuk Chan-thu jeng ngak hajan prong di bhum Can-tô (Kanto), dalam nan hu bal ine Tô-ki-ô saong gah Barak di Nhật Bản. Dom jabat chức năng hu pandar jaik 10 ribau bhap bani panduan nao daok di labik karei kayua huac glut jaleih taneh saong ribuk aia sua./.

      # Cộng hòa Dân chủ Công-gô daok peih danak dak klauk jru vacxin pacang cakak ruak pandiakt kanyik klik khẩn cấp praong abih di Châu Phi, pacang cakak bruk tamuh jit hu ngak ka yaok rituh urang metai meng akaok thun tal ini. Meng harei camereip, yaok ribau bhap bini ba gauk xếp hàng klauk vacxin di dom blai y tế  hu peih tabiak di dom nhà thờ atau sang bac. Dom urang ngak praong gah y tế caong khin hu klauk pacang ka jaik 14 triệu urang di Công-gô saong Ăng-gô-la dalam 10 harei tal./.