# Di Hà Nội, mBan Thường trực UBTƯ MTTQ Việt Nam hu peih bruk taom gaok báo chí di tuk pahadar 93 thun harei Báo chí cách mạng Việt Nam (21/6/1925 -21/6/2018). Lambaok mBan Thường trực UBTƯ MTTQ Việt Nam, Phó Chủ tịch - Tổng thư ký Hầu A Lềnh hu payua panuac tadhau ayuh siam mekre di abih tal dom urang vak di dom cơ quan thông tấn, báo chí, dhar phor bruk rik daong di dom cơ quan thông tấn, báo chí dalam bruk pambuak gauk pathau khan di Mặt trận Tổ quốc Việt Nam.

# UV TƯ Đảng, Akok Mentri Khoa học saong Công nghệ Chu Ngọc Anh hu mai rivang saong tadhau ayuh Rayo sap ndem Viet Nam di tuk pahadar harei BCCM Viet Nam 21/6. Ong Chu Ngọc Anh caong khin lac, Rayo sap ndem VN dak harei dak hu rilo jang danak dak pmbauk bruk khang kajap jang, rik tame bruk pathau khan ilamu khoa học saong công nghệ tal bhap bini rilo jang. Tapa nan, Akok Mentri Khoa học saong Công nghệ brei panuac khin Rayo sap ndem VN padang jalan piah pambuak bruk, peih ngak dự án hệ trí thức số hoá piah pambuak gauk pathau khan. Ini lac danak dak praong pakat negar, kayua Rajaei dang tabiak tacei pato  brei ngak.

# Di rayo papar sap, papar binguk tỉnh Sơn La, urang vak Cà Thị Hoan, bangsa Thái, lac urang kumei ngak báo biak takre bruk ngak saong daok lac urang paneh hu ralo ariya, dân ca, kịch truyền thanh hu mikva urang Thái biak takre. Kuhria tal harei ini, sa-ai Cà Thị Hoan paneh hu jaik 200 kadha ca, kịch. Dalam labaih 30 kadha di sa-ai mek hu dom giải karei di gauk dalam dom mbang pataom papar sap, papar binguk dom thun tapa, hu 01 kadha mek hu giải nhất ka alam môi trường kayua Hội Văn học Việt Nam peih tabiak, 2 kadha mek hu giải nhất ka bac megru saong ngak tui jalan hadah krah siam mekre di Hô Chí Minh.

      # Ngak tui Quyết định ka 15 harei 30/3/2018 di UBND tỉnh Nghệ An ka bruk patagok gha ngak nong di huyện Con Cuông hu brei ikan pajaih daong yaom ka 975 baoh sang di 12 xã, ban sit. Dom ikan pajaih hu ba brei mbang ini lac jaik 4 tấn, ralo meng lac ikan mè, ikan chép, ikan trôi, kuhria tabiak yaom jien abih tih lac 249 trieu dong. Bruk daong yaom, daong cước nan hu huyen Con Cuông parabha tui labik, dalam nan khu vực 2 hu dom xã Bồng Khê, Chi Khê, Lạng Khê, Yên Khê hu daong yaom 60%; dom xã daok veik lac khu vục 3 hu daong yaom 70%.

# Vitamin D meda ngak brei patrun patakik bruk njauk ruak ung thư tung taha. Tapa roh duah di dom urang ilamu di Hiệp hội ung thư Hoa Kỳ mboh lac: dom menuac hu ginup vitamin D ye takik njauk ruak ung thư tung taha jang labaih 22%. Meng patagok vitamin D dalam darah, bruk njauk ruak ung thư tung taha di urang kumei trun labaih 19%, di urang lakei trun hu 7%. Dom roh duah brei mboh lac: vitamin D meda ngak brei tagok pren pacang caga ruak, daong pacang cakak  bruk cakrok patagok tế bào ung thư. 

Khaw tin dunya:

# Karja Nhật Bản daok samr peih bruk daong urang gaok bala saong taong yaom khat lahik hadei di mbang megei baoh taneh khang 6,1 độ Richter di Osaka. Kuhria tal tuk vak ini, hu 3 urang metai, labaih 200 urang njauk rambuac. Manuac metai atau njauk rambuac meda hu rilo jang. Mbang megei baoh taneh nan daok ngak brei apui khuah, ngak ka rilo sang mac brei padeih ngak bruk.

# Rajaei Anh hu panuac jia lac, dom urang takre caoh mbanh di taneh ia ini hu siam mekre salamat di World Cup 2018 daok rah tabiak di negar Nga. Brei panuac haong dom urang vak di ban Vôn-ga-grát (Volgagrad), labik rah tabiak vòng bảng Uôn Cúp 2018 di đội tuyển Anh saong Tuy-ni-di, Phó Đại sứ Anh daok di Nga  lac Lin-xi Xcun (Lindsy Skoll) ndom lac, rajaei Nga, jeng yau FIFA daok kham merat ngak ka menuac takre dit blong mboh chreih chrai saong mboh hu siam mekre. Rajaei Anh jia tame bruk salamt di dom urang takre caoh mbanh.

# QH Mỹ ala bruk pasang iek di gah Cộng Hòa hu brei tapa dự luật kadung jien quốc phòng 716 tỷ USD ngan saong 85/10 phiếu pachreih tui. Dahlau di nan, Dự luật Hukum hu ngan "Đạo luật ủy quyền quốc phòng" brei adat pandar cai ka bruk quân sự, jeng hu Hạ viện Mỹ brei tapa. Piah hu jeng hukum, dự luật brei hu QH brei tapa saong Tổng thống Đô-nan Trăm mbaoh tangin tame. Dalam kadung jien quoc phong ka  thun 2019 di Mỹ, hu ralo jien piah blei phao karaong, gilai saong haok, jien daok veik caga ka dom bruk meriak gauk daok rah tabiak./.