# Kapul urang ngak bruk di Ủy Ban bangsa bahrau nao pasang iek tapak dom danak dak sarak brei mesre ngan haong bhap bani bangsa takik di huyện Văn Yên (tỉnh Yên Bái). Dalam tukvak tapa, Văn Yên hu peih ngak klau danak dak brei mesre di Raja-ei ka bhap bani bangsa takik jaik 13 tỷ đồng ngan haong 1.872 mbang baoh sang hu mesre. Phun jien mesre ini hu daong ka dom baoh sang kathaot pak ini pasiam veik bruk ngak mbang, mong iek phun quế saong salih pala njam patam, patagok bruk raong glang hu ralo siam mekre.

# Patui danakdak taom gaok hadei mbang nyaom, kapul urang Quốc hội tỉnh Lâm Đồng barau taom gaok cử tri xã Bình Thạnh, huyện Đức Trọng saong phường 2, ban sit Đà Lạt (Lâm Đồng). Di dom libik taom gaok, rilo cử tri tỉnh Lâm Đồng hu brei panuac caong langyah catang dom urang lợi dụng bruk Quốc hội daok pasang iek dự Luật đơn vị hành chính - kinh tế đặc biệt piah pacuh rilo urang ngak srau kadau puk palei, abih di nyu nan lac dom urang par akaok cagar veik Đảng saong karja.

# Tukvak tapa, Thành ủy Tây Ninh (tỉnh Tây Ninh) saong pakat ủy cơ sở  thau lac njauk patagok bruk tạo nguồn, kết nạp đảng viên bhum urang bangsa takik. Urak ini, urang đảng lac urang bangsa takik hu 18 urang, meblah 0,44% dalam abih tih urang đảng di Đảng bộ bal. Thành ủy Tây Ninh jeng thau lac, piah ngak siam bruk ini, pakat ủy, karja, Mặt trận negar saong dom kapul nyaom chính trị - xã hội njauk peih ngak siam sarak bangsa, mong iek tal rai diuk di bhap bani, ba bruk ngak di labik piah ka mikva kham merat yam tagok, langyah samar dom kan kandah, tavak tave dalam rai diuk; patagok labik dang di taha akaok palei, urang hu angan je dalam bhap bani urang bangsa takik dalam bruk palih ruah nguồn ba urang tame đảng viên.

# Urak ini, dom tỉnh Tây nguyên daok dalam bilan hajan yau nan ye dom sang urang nong ngak saong pablei salih cà phê di Tây Nguyên hu pataom menuac ngak, pandap panda jamraik, phun jien…pala veik, pala pablak pasiam labaih 18.460 ha cà phê tui bruk ba tabiak di thun 2018. Lâm Đồng, Đắk Lắk lac dua tỉnh hu taneh pala veik, pala pablak pasiam ca phe rilo abih. Dom sang urang nong ngak saong pablei salih ca phe di tinh Tay Nguyen hu ngak taneh, kuac lubang, phun pajaih, pajaih ghép, vật tư khak drak…piah tuk hu hajan trun lac pala veik, ghép pasiam ca phe tui njauk tukvak.

# Meng harei 1/7, jien bilan tagok meng 1.300.000 đồng/tháng tagok jeng 1.390.000 đồng/tháng. Kayua yau nan ye, urang jakar, urang ngak bruk karja, urang mbang jien lương, phụ cấp saong urang ngak daok ngak bruk di dom jabat, kapul nyaom, đơn vị sự nghiệp di Đảng, Karja, kapul nyaom chính trị-xã hội saong hội hu kadung jien karja daong brei jien ngak bruk di trung ương, pakat tỉnh, huyện, xã, đơn vị hành chính-kinh tế saong tapon nyom bol pan phao krong hu tagok jien bilan. Asal kadha ini hu tabiak dalam Nghị định 72/2018 saong Thông tư 06/2018/TT-BNV.

Khaw tin dunya

# Jabat duah saong daong In-đô-nê-xi-a (Indonesia) barau brei thau dom urang tuai lihik hadei di mbang karam gilai di danao Tô-ba (Toba), sa libik du lịch danei angan di taneh ia ini meng 130 tagok 180 urang. Tapa nan mboh lac dom urang lihik nan ralo jang 3 mbang duk saong menuac bo gilai ini meda pajeng hu. Bu-đi-a-oan (Budiawan), urang dang akaok jabat duah saong daong dua urang njauk bala In-đô-nê-xi-a brei thau, gah chức năng dua harei dahlau sraong hu 18 urang daok diuk, 2 urang metai. Urak ini gah chức năng In-đô-nê-xi-a daok kham merat duah dom urang lihik.

# Cảnh sát Anh bahrau brei thau, hu dom urang daok điều trị y tế, hadei di sa mbang patuh sit di ga tàu điện ngầm gah barak bal ine Luân-đôn. Tui cảnh sát Luân-đôn, urang hu khan brei thau dahlau ka mbang patuh di ga Sao-gết (Southgate) gah Barak Luân-đôn tapa điện thoại. Dom urang daong duah urang njauk bala hu mbaok chip pak nan saong sang ga hu brei kareik pabah mbang. Mikva daok jaik taphia nan brei thau, hadei di mbang patuh, dom urang ini hu daong ba tabiak truh sang saong dom urang karei hu tacei pato daok tạm dalam dom nhà hàng, cửa hiệu.

# Triều Tiên meda tame bruk jao brei talang binh sỹ, dalam nan hu lin Mỹ lihik dalam mbang mesruh metak Triều Tiên, dalam dua harei tra. Tui dom urang jakar Mỹ, Triều Tiên meda jao brei talang ka Bộ Chỉ huy Liên hợp quốc di Hàn Quốc saong talang hadei nan hu jao brei ka Căn cứ Không quân Híc-cam (Hickam) di Ha-oai. Sa urang jakar Mỹ padauk angan brei thau, ralo talang hu jao brei saong meda abih dom bilan, hu tuk lac dom thun piah thau hu angan dom talang ini./.